Analysis Services
  • «
  • 1
  • 2
  • >
  • »
السلام عليكم و رحمة الله و بركاته

أطلب مساعدة إخواتى الطباخات الماهرات...

زوجى يسافر كثيرا للعمل فى مدينة أخرى للعمل لعدة أيام كل أسبوع... ولا يجب الأكل فى المطاعم لأن القولون عنده بيتعبه...
ممكن تقولوا ليا على أكلات ممكن أجهزها و تحفظ مجمدة بحيث يستطيع تسخينها أو شويها بشكل سريع و تكون لذيذة ؟؟؟
هو عنده فكرة عن إعداد الطعام يعنى مثلا ممكن يجهز الأرز الأبيض أو يشوى أو يجهز سلطة فقط...

أشكركم جدا
15-01-1427 هـ, 11:27 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ممكن حفظ الادامات بجميع انواعها وكذلك الشوربات واليخنات في الفريزر في اكياس نايلون (حقة اللحمه)0
وعند الحاجه اليها ما عليك الا ان تاخذين الكيس (دون فتحه لاخراج الادام او غيره )وانما تاخديه كما هو وتضعيه في قدر مملوء للنصف ماء وتغلين الكيس بما فيه الى ان يذوب الثلج ويسخن الادام 000ولتقديمه شقي الكيس وصبي الادام في الصحن مباشره0


اما بالنسبه للرز احسن شي انو يتعمل في نفس الوقت "(اذا كان يبغيه ابيض)0


اما اذا حب يكون فيه مرق برضو نفس العمليه السابقه اسلقي الدجاجه او اللحمه واتركيها تطبخ الى ان تنضج بنفس الطريقه المعتاده لديك واتركيها تبرد ثم ظعيها في كيس ومنثم الى الفريزر0

بالمناسبه :احسن شي في هذي الطريقه انك تحطين مقدار كل صحن في كيس علشان تعرفي الكميه اللي راح تسخنين 0

اتمنى ان الطريقه هذي تحل مشكلتك0









*******ام محمد000مكه المكرمه********
15-01-1427 هـ, 02:50 مساءً
 
السلام عليكم و رحمة الله و بركاته

أختي العزيزة

أختنا الفاضلة don كانت كتبت مجموعة اكلات سريعة للمرأة العاملة ممكن تلاقي من ضمنها اكلات تفرزيها لزوجك و يبقى سهل انه يطلع منها و يسخن على طول. انا نسختلك الاكلات من ملخص ملفات دون للاكلات المصرية

نصائح من دون للمرأة العاملة
فية اكلات واحنا كتبناها قبل كدة سريعة مابتاخدش فى ايدك نص ساعة دى لو حتعمليها عند رجوعك من الشغل فى نفس اليوم ..مثلا
1- ارز و فراخ بالكارى (مابتاجدش ربع ساعة مع الارز كمان ومكتوبة فى الجزء الاول)
2- ارز ابيض وكفتة داوود باشا (............................. .............)
3- ارز ابيض و صينية حمام كولبستى(...................... ..............)
4- مكرونة اى نوع مع فراخ بانية (............................. .......)
5- مكرونة اى نوع مع بفتيك بانية (............................. ..)
6- ارز او مكرونة مع صينية لحمة فيلية (.......................)
7- تحطى فرخة فى صينية بطاطس وارز بشيعرية
8- صينية سمك قيلية بسيطة وسريعة (...................)
9- صينية مكرونة بالجبنة (.....................)
10- ارز احمر وسمك فيلية بانية (...............)
11- صينية كفتة
12- صينية كفتة بالطحينة
13- طاجن تورلى باللحمة وارز
14- كباب حلة
15- طاجن لسان عصفور باللحمة
حاجات كتير يا ميرو سريعة ومكتوبين عندنا انتى بس فكرى بليل لنتى حتعملى اية ؟؟و طلعية قبل ماتنزلى الصبح
ولما ترجعى على المطبخ تعلقى علية على طول
وبالنسبة للمحشيات والبط والحمام والكبسة خليهم ليوم اجازتك
بعض الطرق للاكل اللى بتحطية فى الفريزر
كفتة : تجيبى اللحمة المفرومة وتبليها وتجهزيها وتعملى جزء منها كور علشان داوود باشا وترصصيها جنب بعض فى الطبق الفيبر وتحطى الطبق فى كيس نايلون وتدخل الفريزر
2- وتعملى جزء منها صوابع وتخرميها من النص بأيد المعلقة الخشب وترصصيها جنب بعض فى الطبق وتحطى الطبق فى كيس نايلون ودى تبقى كفتة للشوى
3- ....................من غير ما تخرميها من النص ودى تبقى للصينية
فراخ مشوية او صينية : تغسلى الفرخة وتنضفيها وتفتحيها من ضهرها بالطول بالسكينة و تبليها تمام وتحطيها بنفس الطريقة
فراخ بانية : تحيبى شرائح الصدور البانية ونعملها بالبيض والبقسماط وترصصيها فى الطبق بس تحطى كيس نايلمن بين صفوف الفراخ علشان ما تلزقش فى بعض
بفتيك بانية : نفس طريقة الفراخ البانية بس تدقى البفتيك الاول بالمدق المخصوص
صيتية المكرونة بالبشاميل : تعمليها تمام وبعدين تحطيهافى صينية فويل وتدخليها الفريزر الاول من غير ما تغطيها لحد البشاميل اللى على وشها ما يجمد وبعدين تغطيها بورقة فويل ( علشان البشاميل وهو طرى حيلزق فى الغطاء ) ولما تيجى تستعمليها قبل ما تدخليها فى الفرن تضربى البيضة بالشوكة و تحطيها على الوش
صينية المسقعة بنفس طريقة المكرونة اللى بالبشاميل
اللحمة المفرومة :نعمل العصاج عادى بدون الصلصة وبعد ما يبرد نحطة فى اكياس نايلون بس بكميات مش كبيرة يعنى على أد صينية واحدة بس (سواء رقاق .سواء بطاطس بيورية ...الخ)
2- عصاج عادى بالصلصة: وبعد ما يبرد يتحط فى علب بلاستيك
صينية اللازانيا : نفس طريقة المكرونة بالبشاميل
كفتة الفراخ : تتعمل عادى وتتصبع وتتحط عادى فى البيض والبقسماط وتترصص فى الاطباق الفل بجانب بعض
البصل : يقشر و يخرط او يفرم صغير ونضعة فى طبق فيبر ويجمد ولما تعوزى تستخدمية .تخدى بالسكينة الحته اللى انتى عوزاها وتسيبى الباقى مجمد زى ماهو
الثوم : تقشرية ولسهوله التقشير حطية فى طبق بة ماء حتلاقى القشرة طلعت بسهولة تروحى فرماة كلة فى الكبة و تحطية فى ورق فويل على هيئة رولات (يعنى زى الهوهوز )
الكرنب : يسلق ورق الكرنب عادى فى ماء وملح وكمون وتقطفية مربعات جاهزة للحشو و ترصصيهم فوق بعض فى كيس نايلون او طبق فيبر
الورق العنب :تشترية وتشيلية زى ما هو فى اكياس نايلون ولما تيجى تستخدمية تضعية فى الماء المغلى على طول
شوربة العدس : تسلقى العدس وتصفية بالمصفاة ولما يبرد تحطية فى اكياس نايلون ولما تيجى تستخدمية تفضى الكيس فى حلة وتزودية بماء مغلى و تتبلية وتعملى التقلية وبقيت شوربة عدس سريعة
الكوردن بلو : برضة بعد ما تحشية وتعملية بيض وبقسماط وترصصيهم فى طبق فايبر بجانب بعض
الشبت والبقدونس والكسبرة الخضراء : تخرطيهم بالسكينة زى ماهما ومن غير غسيل وتحطى كل نوع فى كيس لوحدة و تعقدية وتخلية تحت فى الثلاجة عادى
البطاطس المحشية : تجيبى البطاطس المدورة الصغيرة وتقشريها وتقوريها و تحمريها يعنى يا دوب تلفيها فى الزيت او السمن و تطلعيها من المقلاية وتحشيها بالعصاج وترصصيهم فى صينية المونيوم وعند الاستخدام بتطلعيها زى ماهى على الفرن على طول بس بتحطى الصلصة فى الصينية الاول
2- او بعد ما تحمريها تشيليها زى ما هى فى الاطباق بدون حشو
الطماطم: اما تغسليها وتقطعيها وتضربيها فى الخلاط وتصفيها من القشر و تحطيها فى برطمانات
2- او بعد ما تصفيها تحطيها فى حلة كبيرة وتحطيها على النار وتسبيها على النار تتسبك (يعنى تتخن وتقل )بعد ماتبرد تعبيها فى البرطمانات
السمبوسك والسبرينج رول :بعد ما تحشيهم ترصصيهم فى الطبق الفيبر وتطلعيهم على التحمير
الكبيبة الشامى : بعد ما تكوريها ترصصيهم فى الطبق الفيبر وتحطيهم الاول لحد ما يجمدوا وبعدين ترصصيهم جنب بعض وتحطى الطبق فى كيس نايلون
الكبيبة الصينية : تعمليها فى صوانى المونيوم وتحطيها فى كيس وعلى الفريزر
الخرشوف: بعد ما تنضفية وتحشية اما تحطية فى صينية فويل بجانب بعض ولنا تيجى تستخدمية تحطى على وش كل واحدة ملعقة بشاميل
2- او تخلصيها للاخر وتحطيها الاول فى الفريزر لحد البشاميل ما يجمد وبعدين نغطيها بالفويل وندخلها الفريزر
البشاميل : اعملى البشاميل ولما يبرد تعبية فى علب بلاستيك وتحطية فى الفريزر
فراخ مسلوقة. اسلقى فرخة عادى ولما تبرد لفيها فى ورقة فويل وتطلعيها عالاستخدام على طول و تكونى حاطة الشوربة بتاعتها فى برطمان معاها
الحواوشى : بعد ما تحشى الرغيف تلفية فى ورقة الفويل ولما تستخدمية تطلعية على الفرن على طول
لما تيجى تطلعى الكبيبة و السرنج رول و السمبوسك كلة بتطلعية قبل التحمير بخمس دقايق ..لكن بيختلفوا فى طريقة التحمير حسب الحشو اللى انتى حشياة يعنى مثلا
الكبيبة الشامى بتقدحى الزيت الاول ولما تيجى تحطى الكبيبة فى الزيت تهدى النار شوية
السمبوسك بتسخنى الزيت بس و تهدى النار وازا كانت السمبوسك محشية بالجبنة يادوب فى الزيت وتطلعيها لان الجبنة بتسيح بسرعه لكن لو محشية لحمة مفرومة بتستنى عليها ازيد شوية علشان اللحمة تكون لحقت سخنت
السبرينج رول برضة الزيت دافى بس وتوطى النار ولما يبقى لونة اصفر غامق تطلعية
اما المكرونة بالبشاميل واللازانيا بتطلعيها قبلها بعشر دقائق وعموما هى بتفك بسرعة و بتولعى الفرن و تضربى البيضة بالشوكة وتحطيها على الوش او تحطى الجبنة المبشورة على اللازانيا وتروحى مدخلاهم الفرن

طبعا زي ما قلتلك بعضهم ينفعك انتي و البعض ينفع تنفذيه لزوجك و ربنا يوفقك
15-01-1427 هـ, 03:05 مساءً
 
الملخص موجود رابطه في توقيعي و لو عندك أي سؤال، اتفضلي اسألي و كمان دون جزاها الله خيرا فتحت الجزء التاسع و أي واحدة عندها استفسار بتروح تسألها فيه

تحياتي
15-01-1427 هـ, 03:07 مساءً
 
ما شاء الله نودي كفت وو فت و كمان مؤنسة ام محمد

الفطاير و الصفيحة و اللحم بعجين ممكن تخبزيها وتثلجيها و زوجك فقط يسخنها بالميكرو اوند

حتى المناقيش ممكن تتليجها

الفريك ممكن تطبخيه على الاخر و تقسميه وجبات و هو يسخنها

الملوخية او السبانخ ممكن تطبخيهم و هو يسخن و يفلفل الرز

شوربة الخضار ممكن بعد ما تستوي تطحنيها و تقسميها وجبات و يسخنها

شوفي ما عدا الرز و المعكرونة و الكشك و الكوسكوس انا بتلج اغلب الاكل

يعني خضار الكوسكوس ممكن تتلجيها و هو يفلفل السيمول (الكوسكوس)لانه اسهل من الرز

اذا كان حبيبات في اكياس

نفس الكبة بالصينية ممكن تشويها بالفرن و تقسميها وجبات و البيتزا(انا لو فضل بيتزا و ما بدهم ياكلوها اقطعها و افرزها و بعد كم يوم اسخنها و ما تفرقش كتير عن الطازجة) و ممكن تقلي الكبب و تشيليها و لانه يسافر اسبوع هذه تتحمل طازجة بعد القلي خاصة لما تكوني منشفة البصلة اثناء التقلية
وغيرها كتير

بالتوفيق ان شاء الله
16-01-1427 هـ, 02:01 مساءً
 


الساعة الآن 04:45 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏