هل هذا الكريم ضار للحامل .. جاوبوني تكفون وجهي محبب

حبيبتي انتي مثل مشكلتي تمام
فرحت لدكتوري اللي اعالج عنده وقلت له اني حامل وابي علاج
فهو من وجهة نظره انه مايفضل ان الحامل تستخدم شي
لكن اوخيتج راحت لدكتور نسا على اساس يمكن يساعدني ((شدخل دكتور نسا وش عرفه فالبشره))المهم عندي امل
فلما دخلت عليه وشرحت له الحاله قالي انا مالي علاقه فها المجال لكن يصير في اتصال ومتابعه بيني وبين الدكتور اللي تعالجين عنده على اساس اذا اقترح لج كريم والا مرهم يطلعني عليه قبل واشوفه هل من ضمن المسموح به عندي والا لا ((لان هذا الدكتور عنده قائمه باللي تقدر تاخذه الحامل ))
فقلت له ان دكتور البشرة اللي اتابع عنده رافض يعطيني شي لاني حامل
فقال لي انا اعرف دكتور من احسن الدكاترة اللي اعرفهم والكل يمدح فيه روحي له وشوفي شبيقول لج
رحت لذاك الدكتور وعطاني الكريم اللي ذكرتيه fucidin-h (انتي الظاهر بدون h )يعني اخف وقال ان فيه نسبة من المضاد الحيوي وكورتيزون ويعطونها للاطفال الرضع وما منه خوف فقلت له كلم الدكتور ((دكتور النساء)) قال شي طبيعي مع اني اعرف الرد مسبقا وقال له ما منه ضرر
وقال لي استخدمه لمدة خمس ايام
طلعت من عنده وكلمت دكتوري اللي رافض الادويه للحامل وذكرت الكريم قال لي لا ما تاخذينه هذا يدش فعظام البيبي وان اي دكتور يقول ان الادويه ما تغلل البشرة وما يدش الدم هذا كلام لايمت للحقيقه بصله فنصحني اني ما استخدمه
والصراحه ما استخدمته
ولما رحت لموعدي الثاني اللي عند دكتور النساء قال لي شخبار بشرتج قلت له اني ما استخدمته خفت قال لي ليش تخافين ما منه خوف هذا فقلت له انا ما افضل الوحده تستخدم ادويه لين ماتخلص الثالث
واكد لي انه ما منه خوف وعلى سوؤليتي.... الظاهر ان دكتوري الاولي وااااايد محافظ و تقليدي
((لكن عزيزتي ترا ما عندي خلفيه اذا في منه درجات فالتركيز فانتي روحي لاهل الاختصاص وهم بيرشدونج احسن))
ادري طولتها بس حبيت اوضح لج كل الاراء وان شا الله اكون افدتج

حبيبتي ... فيوسيدين ممنوع استخدامه في الشهور الاولى ...انا سألت دكتورتي عنه وقالت ممنوع تماما ...ونصيحتي لك تحملي الحبوب شوي افضل من انك تندمين لا سمح الله ....

شوفي عيوني معظم الكريمات الجلدية ممنوعة في الحمل لأنها تسبب تشوهات في الجنين واحتمال كبير سقوطة فلا تستخدمين شي انتي مو متأكدة منة

fucidin منتج دنماركي أنا زيك أحب هذا الكريم ودايم استخدمه بس طلع منتج دنامركي

السلام عليكم ورحمة الله وبركاتة
حبيبتى استخدام القليل من هذا الكريم لن يضر الحمل باذن الله
اكرمك الله بكل الخير والصحة والعافية وتمم حملك بالذرية الصالحة باذن الله