خبز لذيذ بالعاده اسوي دقيق وبر بس المره هذه سويته دقيق ابيض خبز حلو تاكليه ع فول او فاصوليا او جبن سائل او ترشي له عسل
المقادير
ثلاث أكواب دقيق ابيض
كوب ونص ماء دافي
رشه ملح
قليل من السمن
الطريقه
في زبديه حطي الماء والملح ثم الدقيق ع مراحل وتعجنيها وتغطيها وتخليها ربع ساعه ترتاح ثم تقطعيها كور انا سويت كرتين وخليتهم يرتاحوا خمس دقائق وهذا شكلهم
ثم اخذت قطعه وبدات امدها بالبيلم لما صارت كذه ودهنتها بالسمن ولازم تدهني الرخام بزيت ثم تمديها وكمان البيلم ادهنيه بزيت 
تلفيها من الجهه اليسار بالشكل ذا وتدهني بسمن
ثم تلفي الجهه اليمين بالشكل ذا 
ثم تلفي من الأسفل للأعلى وتدهني بسمن
ثم تلفي من الأعلى للأسفل وتقلبيها وتكون بالشكل ذا 
خليتهم يرتاحوا عشر دقايق
تاخذي كل قطعه وتبداي بمدها وتكون الطاوه من قبل ساخنه ادهني الطاوة بزيت خفيف مجرد دهن ولازم تكون ساخنه وكلما حسيتي ان الزيت نشف سوي قليل زيت ووزعيه بالمنديل
بيكون شكلها كذا
تبداي تحطي أول واحده بالطاوة ما كان عندي طاوه سويتها بالصاج بتلاحظي ان الجهه المقابله لك تبدأ تنتفخ وكوني اتفقديها من تحت حتى لاتحترق لما تحسي تحت نضج اقلبيها ولما تنضج خرجيها ثم ادهني الصاج بزيت وحطي الثانيه وهكذا سويت ع شكل مربعات ودوائر وكانوا لذيذات
شكله مشهي ومع شاي عدني ..أممممم