Analysis Services
السلام عليكم
مشكلتي هذي المرة الثالثة أكتبها لأن الردود ما أقنعتني تكفون أبي أراء سديدة و مقنعة
انا البنت الثالثة و الصغيرة بين خواتي عندي ثلاثة إخوان الظاهر انهم يرفضون فكرة انهم يتزوجون بتاتا الله العالم بعدين يغيرون رأيهم أولا
انا على وشك أنخطب لأن فيه ناس حاسه انهم ناوين يجون يخطبوني و بغض النظر جوا او لا مصيري اتزوج
أنا كبرت و تعودت على البيت و مالي خلق زواج أبدا أمي عندها هشاشة في العظام و نفسي أبر لأمي وأساعدها اذا كبرت و من ناحية ثانية خايفة يفوتني القطار و أبقى لوحدي و الله ما يضيع أحد بس أحس ماني قادرة أتحمل الوحدة و أخواني لحالي أبقى بعد عين أمي جعل يومي قبل يومها انا لوحدي مع أخواني مع العلم انه عندي واحد منهم مريض شوي
لا تقولون اترك أمي و اخواني الشغالات الشغالات مالهم أمان و أختي الوحيدة اللي في ذي الديرة بيتها بحي ثاني و أنا اذا صار نصيبي مع الناس هم ما يسكنون الا في مكان بعيد و أنا من شدة خوفي قمت أدور الولد وعرفت انه يشتغل بمكان حول ساعة بالطريق عن بيت أهلي و الله من الخوف على أهلي أحس بكنسل أمر الزواج نهائيا الشغالات ماهم أهل لرعاية أمي يهربون و يروحون و كذا ..مو عارفة أوصف من الحيرة و الله لأنها بس تصرخ من عظامها و ركبتها وأنا اذا صار نصيبي راح يكون بعيد علي اجي و اطمن عليها و اشتغل لها
تكفون شوروا علي باقتراحاتكم أمي تقول أنا مو دايما لك لكن أنا عندي أمي أولا اذا صار عندي عيال ما راح يكون وقت عندي لها و غصبن عني بتركها و أنا عندي أمي و بيت أهلي رقم ١ بعد الله
يعني أمي ما تقدر تشتغل أبدا و بيتنا فيه ٣ انفار واحد منهم يحب يطبخ لنفسه و يحوس المطبخ لكن باقي البيت نظيف لأن اخواني ما شاء الله عليهم في غرفهم
أبي رد واقعي يقول لي ليش العمل مع العلم واحدة من خواتي خارج الرياض يعني حنا بس ثنتين و بعيدة اختي عن بيتنا مسافة نص ساعة و عندها مدارس و عيال ما نشوفها الا الخميس
لا أسمح بنقل الموضوع في وسائل التواصل الاجتماعي
18-03-1439 هـ, 03:27 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
وهل وقف الزواج وتدمير مستقبلك حل في نظرك؟....اذا جاء النصيب الطيب تزوجي وبعدها بتلقين الف طريقه وطريقه لبرك باهلك....
18-03-1439 هـ, 03:32 مساءً
 
اقتباس مشاركة  (نسرين....)
وهل وقف الزواج وتدمير مستقبلك حل في نظرك؟....اذا جاء النصيب الطيب تزوجي وبعدها بتلقين الف طريقه وطريقه لبرك باهلك....
المشكلة ما لقيت هالطرق شكرا على ردك اختي نسرين
رفع
18-03-1439 هـ, 03:53 مساءً
 
خلي شرطك للزواج واضح، الي يجي يخطبك قولي له بالفم المليان انا ولا شي بدون أمي و وضعها الصحي مايسمح اتركها لحالها أبداً، و أبي اسكن قريب منها!
اذا وافق أهلا و سهلاً تملكون و تكتبين شرطك سكن قريب من اهلك و يسمح لك ترعين والدتك، و يصير تمرين امك كل يوم، و الخدامة وجودها ضروري ، و اذا تبين الخدامة الي بتجيبينها ما تهرب دلعيها بأكل و هدايا و كذا لأجل عين تكرم مدينة عشان تصير كويسة معاكم ..
اذا ما وافق الباب وضعك في السليم و توكم ماصار شي و مافيه أسهل من فركشة الموضوع
18-03-1439 هـ, 04:14 مساءً
 
و اخوانك لميهم و قربيهم لامك ما يصير انتي بس تهتمين فيها، لازم تتشاركون المسؤولية بكل حُب 👌🏻
18-03-1439 هـ, 04:15 مساءً
 


الساعة الآن 04:59 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏