السلام عليكم يابنات حزززينه وكارهه نفسي عندي ٤ اخوات انا اكبر وحده فيهم تعبت عليهم وهم صغار كانو اذا مرضو اقعد ابكي جنبهم ومن مستشفى لمستشفى فيهم وفي مدارسهم اقعد اوصي عليهم وكل شوي وانا رايحه لهم واذا نامو اصحى اروح اشوفهم اطمن عليهم واغطيهم كنت ابديهم على نفسي واخاف عليهم من كل شي الحين بعد ماكبرو وتزوج بعضهم صارو يعاملوني كأني عدوه لهم واني افشلهم قدام زميلاتهم لأني كبيره باالسن تخيلو مايكلموني ولايعزموني عندهم واذا اتصلت عليهم مايردون ويسوون لي حظر في الواتس ومسوين لهم قروب واذا ابغى اجيهم مايستقبلوني وحده منهم صارلها تقريبا سنه ماتبغى تتكلم معايه بس عشان تخاصمت معاها لسبب تافه مره ورحت حضنتها وسلمت عليها وعيت ترضى اقاربنا و زوجي لاحظو هما ليه يعاملوني كذا والله صارت عندي نفسيه منهم احبهم وربي واخاف عليهم وهما يعاملوني معاملة الاعداء عمري راح كله في مشاكلهم ماتهنيت فيه الحين ابغى ابعد عنهم وانساهم بس مو قادره اذا شفت وحده فيهم قسم باالله اروح اسلم عليها واحضنها واسألها عن حالها وش الحل تعبت ومرضت منهم واحس اني وحيده بدونهم نفسيتي تعبت ماعد تتحمل زي قبل الحين كيف ابعد عنهم واتركهم وانا عارفه نفسي ماصبر عن بعدهم
18-03-1439 هـ, 10:14 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
يا عمري انتي واضح عليك حنونة مرره وقلبك طيب وكبير
الله يحنن قلوبهم عليك ويسخرهم لك يارب
18-03-1439 هـ, 10:35 مساءً
 
الله يحنن قلوبهم عليك يارب
لورين كيف حالك وحال البنوتات والبيبي الصغير سوينا تجمع الامهات انضمي إلينا 😍
18-03-1439 هـ, 10:50 مساءً
 
حبيبتي لك في أخواتك في الله هنا خير سلوى او ابحثي عن جيره طيبة تنبسطين معهم ...دامك تلاحقينهم بيصدونك هذا طبع بعض البشر سبحان الله
طالما أديتي اللي عليك اتركي لهم مساحة وزمان يفقدونك وبيبحثون عنك
18-03-1439 هـ, 10:53 مساءً
 
يااااقلبي عليك ليت الله رزقني اخت زيك وربي لاخليها فوق راسي واعطيها روحي لكن الحمدلله
حبيبتي ادعي لهم في صلاتك واوقات الاستجابة ان ربي يسخرهم لك ويحنن قلوبهم ادري الجفاء وقطع الرحم صعب ويعور القلب خاصة للي قلبها كبير وحنون مثلك
لكن اسمحي لي اقولك كرامتي فوق كل شي يعني احبهم اخاف عليهم اهتم فيهم لكن توصل انهم يبغوا قطعي ومهمليني وحاقريني هنااا ادوس على قلبي واتركهم واخلي علاقتي معهم تأدية واجب بين فترة وفترة وباذن الله تعالى مع الايام يفقدوك ويرجعوا لك
18-03-1439 هـ, 11:45 مساءً
 


الساعة الآن 04:45 .