قصة جميله عن الاستغفار 💖🍃

dourh22من الخاصانا الحين عمري تقريبا٤٤ حصلت هذه الحادثه وكان عمري ١٩ سنه واختي ١٧ سنهقسم برب العزه والجلال ان الاستغفار معجززززه الكون لو نستخدمه بحياتنا لكنا نملك كل اللي نبيه بثواني مع الاستغفارالمهم القصه ممكن طويله بختصرها..كان وقتها ويك اند مو اجازه بس الوالد الله يرحمه قال بنروح ناخذ عمره خاصه ان امكم زمان ماتخرج من البيت لان عندها اطفال تؤام ويتعبونها في الخروج >>ذاك الوقت لاخدامه ولايحزنون ماعندناالمهم رحنا وكنا مبسوطين خاصه ان الاجواء جميله مثل الحين البرد تو يدخل ورحنا اول الطايف وانبسطنا كم ساعه ورحنا على مكه وامي قالت اول انا وابوكم نطوف ونسعى واذا خلصنا العمره انتم تطوفون وانا امسك الاطفال لان اخواني التوئم اعمارهم٣ سنين ونص وخلصو عمرتهم امي وابوي وجيت انا واختي نطوف وتركنا الصغار عندهم المهم خلصنا وجينا ندور اهلنا محد في ياربي متنا خوف المهم بعد دقايق شفت امي ماسكه واحد من التوئم وتبكي ونركض عليها وقالت ان اخوكم اختفى التوئم الثاني امي ياقلبي عليها جلست على الدرج رجولها مي قادره تتحرك من الخوف وانا واختي وابوي نركض كل مكان بالحرم ندور ابوي حبيبي الله يرحمه ركض وكلمهم اللي عند الباب وسكرو الابواب بس باب واحد تركوه المهم مشت الدقايق والساعات واحنا نتراكض ندوره امي انهارت كلنا تعبنا جاء اخر الليل مالقينا ابوي قال روحو الفندق وانا بدور امي رفضت وطبعا كلنا لاصقين في امي اذا راحت رحنا واذا بقيت نبقى..يوم دخل الياس لنا ابوي اتصل على الاهل في مدينتنا وقالهم جو خوالي واعمامي وجدتي ام امي والكل يبحث ويدور طبعا بلغنا الشرطه بس الولد فص ملح وذاب امي تنومت ف المستشفى من الرعب المهم ان خلاص الكل رجع بيته واحنا بعد ماجلسنا اسبوع بمكه نتامل اننا نلقاه رجعنا مديتنتا والحزن ماينوصف المهم مرت الشهور وابوي يتلقى اتصالات ويسافر مكه لان يتصلو عليه يقولو تعال شوف هذا ولدك او لا ويروح ياقلبي واحنا ننتظر بخوف ورعب واطمئنان كل المشاعر ويرجع خايب مو هو الولد لان مو مثل الحين الصوره توصلنا بثواني مافي ايام زمان غير يروح بنفسه، رغم ان صوره لصقها ابوي بشوارع مكه وحط رقمه بس مالقيناه ..مرت السنين تخرجت من الثانوي وتخرجت من الجامعه والوالد مرض وتوفى الله يرحمه وامي كبرتها الهموم اكثر من العمر وتبكيه كل ماشافت توأمه نجح او تفوق وتكرم تبكي عليه ومرت احداث كثيره بما فيها زواجي واحنا مالقينا الولد.المهم مره قلت لزوجي طفشانه بسجل في دورات دينيه بما اني ماتوظفت وسجلت وقتها ما انسى ممكن عمري ٢٨ سنه قاعده تقول الداعيه الاستغفار يجلب الرزق والاولاد وووو...يتبعdourh22التكملهتقول الداعيه الاستغفار يجلب الرزق والاولاد وووو قلت في نفسي انا الحمدلله الان حامل بس ليش ماستغفر بنيه رجوع اخوي الغائب وبدأت من اللحظه اللي انا في المسجد عند الداعيه استغفر وسارت السبحه ملازمه لي ماطيح من يدي مرت شهوووور على اني استغفر ماتركته ومره قلت لاختي على الاستغفار وسرنا نستغفر كثير واخوي التوأم كبر ماشالله ماعاد طفل صغير دخل المدرسهاختي اللي اصغر مني تزوجت وزوجها طبيب ماشالله في جده ورحنا معها زواجها في جده وبعد ماخلص العرس جلسنا عند البحر انا وولدي وامي واخوي وزوجي وعادي مستانسين وانا ماتركت الاستغفار بس اذا يكلموني اتكلم وارجع استغفر سارت عاده بلساني الاستغفار وقسم يابنات ورب العزه والجلاله اني اشوف ثمره الاستغفار قدامي.جاتنا حرمه مصريه تبيع شرشف صلاه وتكلم اخويا الصغير تناديه بأسم محمد وتقوله وين امك هو ياشر لها على امي وحنا بس مفتحين عيوننا ونطالع فيها صابنا سكوت عجيب تقوله الحرمه ليش تارك امك وجاي هنا المهم راحت من عندنا وكأننا كنا مانتكلم وفجاه نطقنا قلت لامي شكلها تقصد اخوي المختفي وتحسبه هذا هو نفسه وقمت اركض واقولها تعالي اش تقصدين وقالت انه شبيهه ولد جارتي وانا كلمته وفكرته هو وقلتلها دلينا على جارتك الله يسعدك طبعا رفضت وراحت تركض وزوجي يركض وراها سوينا فلم.وقلنالها القصه المهم بعد خوف منها وتوتر وبكاء دلتنا على البيت ورحنا طلعت جارتها من الافارقه قسم يابنات نسخه اخوي وابيض مو مثلهم يعني واضح مو ولدهم ابد مافي اي فرق عن اخوي هيا الافريقيه قالت انها اخذتو بالتبني بعد مازوجي قلها ورينا اوراق التبني او ندق على الشرطه طبعا الولد قفلت عليه باب الغرفه محد شافه غير انا وزوجي امي ياقلبي توها بتدخل الا سحبته وقفلت عليه هددناها بالشرطه واعترفت انها سرقته من مكه وهو بيبي على قولها بس هو٣ سنين كان مو بيبيوفتحت الباب عليه وامي تضمه وهو بس واقف ويناظر ويتمسك بالافريقيه خايف مننا اخذنا طبعا مرت سنه ممكن وحالته النفسيه زفت مايبغانا وبس يسبنا بكلمات وصخه بعد مرور السنين الحمدلله الولد بانت اخوته لنا والحين خاطبين لهم وان شالله في شعبان زواجهم التوأم ودعواتكم لامي بالشفاء واسفه طولت ترا ماعرف اختصر...الي حزني بالقصه اكثر الاب لحضة احتضاره يقول للام ولدي لاتنسونه دورو عليهالله يرحمه ويغفر لهالولد الان بخير ويقول الاحداث هذي الي صارت له نفس الحلم ..