[grade="4B0082 4B0082 800080 800080 FF1493"]

السلام عليكم ورحمة الله وبركاته

خواتي الغاليات

حبيت أناقش وياكن اليوم مسألة أنا أشوفها حسب نظريه واااايد مهمة

وهي مسألة قيام بعض التاجرات بمحاولة قطع رزق الغير لمجرد قطع الرزق لا أكثر


بتتساءلن كيف يعني؟؟

شوفن خواتي

صرنا نشوف في كل فترة والثانية زبونة تظهر وتذم بضاعة معينة

وأغلبية الزبونات يوافقنها في الراي

وهنيه نتأكد أنها التاجرة فعلاً بضاعتها مب ذاك الزود


لكن الصدمة يوم تكون التاجرة متميزة بمشاركاتها وعروضها

وسمعتها شرات الذهب ماشاء الله

وفي نفس الوقت شغلها أغلب الخوات يمدحنه

لكن اتيج وحدة ولا ثنتين ويرمسن من وراها

بأنهابضاعتها مب شي

أو شغلها مب ذاك الزود

أو تقول لج خسرتي فلوسج على شي ما يرزى

هنيه صدق صدق القهر


يعني شو استفدتي يوم رمستي من ورا هالتاجرة؟؟؟

بتكسبين زباين أكثر؟؟؟

بتخسرين الحرمة وتأثرين على سمعتها؟؟؟

وشو فايدتها الفلوس اللي بتكسبينها بهالطريقة؟؟؟

ما خفتي يوم الحساب والعقاب؟؟؟


خواتي .. في خاطريه واااايد رمسة

ووااااايد سمعت من بعض الخوات عن هالموضوع

أنها تاجرة ترمس من ورا ظهر ختها التاجرة

أو تذم بضاعتها في وقت الكل يمدح بضاعتها وشغلها

وصدقونيه أغلب الخوات خبرنيه عن هالأمور

قالن أنها التاجرة اللي ترمس تطيح من عيننا

لأنها ترمس على ختها في ظهر الغيب

وتذم بضاعتها اللي الغالبية الأكبر يشهدون لها بالتميز


أنا الحمدلله ما قد تعرضت لهالموقف

بس هالشي في الظاهر

شدرانيه إذا في وحدة ثانية سارت ورمست من وراي وذمت شغليه؟؟؟

إذا أنا كل يوم توصلنيه رمسة أنها التاجرة الفلانية رمست على ختها التاجرة الثانية

والتاجرة العلانية ذمت شغل ختها التاجرة العلانية

وبعدين يعني؟؟؟

اتقن رب العالمين قبل لا تشهرن بأي أخت لكن هنيه في المنتدى أو في أي مكان ثاني


خواتي

السموووووحة منكن يميع

لكن كلمة في خاطريه بغيت أظهرها

والساكت عن الحق شيطان أخرس


كل وحدة في خاطرها رمسة تتفضل

باب النقاش مفتوح

[/grade]



الله يحفظك ويجزاك كل خير <<<<< جيتي على الجرح

والله إنك صادقة لازم الواحدة تحط في بالها يوم الحساب

الدنيا والفلوس فاااااااااااااا اانية

ويبقى الـــــــــــــ ـــــــعـــــــ ـــــــــــــــ ـــــمـــــــــ ـــــــــــــــ ـــــــــــــل

وكتاب لايغادر صغيرة ولا كبيرة إلا أحصاها
مرحبا اختي الغالية

صحيح قطع الأعناق ولا قطع الأرزاق وكلامك ما عليه زود

وتسلمين اختي الغالية

يالله الكل يدلو بدلوه

أعوذ بكلمات الله التامة من كل شيطان وهامة ومن كل عين لامة
الهي اعطهم ضعف ما يتمنون لي خير أو شر
فعلا يااختي في بنات **** يهديم من هذي النوعية والنوعية الاخرى الغيرة والتقليد بطرح الموضوع والعنوان للدرجة بعض البنات يحسبون التاجرة الي تقلد بالسلعه واسلوب العرض مندوبه عندك اهم شي يكون التنافس شريف عشان الله يبارك للجميع والله يكفينا شر الحسد لانه مرض ما له دواء
يتي على العوووووق

اتصدقين البارحه كنت ارمس وحده من الخوات كانت طالبه من عندي دخون وعود
وكانت طالبه من عند تاجره ثانيه عطور ودخون
المهم
البنت سالت التاجره قالتلها ان بطلب منج وفي خاطري اطلب من ام خليفه بجرب منكم ...المهم شوفي شو ردت عليها
قالتلها انا ما احط بضاعتي مع بضاعة ام خليفه
وان بضاعتي فيها وفيها ..ولا يغرج ان البنات يمدحن في بضاعتها وما خلت شي
عني...استغربت ليش ..ما في شي يستاهل ان الوحده تتكلم من وراء اختها بهاي الطريقه
وخصوصا ان التاجره السابقه تعاملت معاي....؟؟؟للاسف الشديد

...والحمدلله اعرف عمري ولا تهمني رمسة حد
بس استغربت من هذا الموقف اللي عور لي قلبي الصراحه
والحمدلله ان البنت اللي خبرتيني بالموضوع قالتلي انها كانت متخوفه انها تاخذ من عندي عقب ذم التاجره في بضاعتي ولين ما وصلتها طلبيتها وعقب خبرتني عن هاالسالفه وعن هالموضوع ...ما اقول غير لاحول ولاقوة الا بالله
والارزاق عند الله
والله يعلم ان ماعلينا قصيره بس الوحده تحب تشغل عمرها بشي يفيدها
وخصوصا اني كسبت صداقات حلوه عن طريق التجاره
وتعلمت اشياء وايد منها
للعلم اني من اول البنات اللي شاركن في قسم العروض التجاريه من باب التجربه والحمدلله اني كسبت ثقة خواتي في المنتدى
ولين اليوم محتفظه بالمواضيع القديمه لان فيها اول مشاركه لي في هالركن
http://forum.hawaaworld.com/showthread.php?t=203868


الساعة الآن 03:05 .