Analysis Services


[grade="4B0082 4B0082 800080 800080 FF1493"]
وعليكم السلام ورحمة الله وبركاته

يزاج الله كل خير ختيه أم عبدالله

في خوات قريت من خلال ردودهن في الموضوع

أنهن قاطعن كل تاجرة سمعنها ترمس على ختها التاجرة

لا ويقولن أنها التاجرة اللي ترمس تطيح من عينهن ولا يدشن مواضيعها حتى

يعني يزاهن الله خير يساهمن في الحد من هالظاهرة السيئة

بس إن شاء الله شرات ما قلتي

نساهم رباعة في تنظيف المنتدى من هالنفوس اللي ما تخاف ربها

تصدقين؟ لو كل وحدة تفكر تستغل وقتها وتمارس تجارتها من غير لا تأثر على أي وحدة ثانية

جان ما وصلنا للحالة اللي نحن فيها اليوم

وأنا وياج 1000000% في كل شي قلتيه

خصوصاً اقتراحج

" لازم نقاطع كل اخت ترمس على اختها
لازم نبدا لنصحح
لازم نتحرك
مب موضوع نرد عليه
ونعود لنقطه الصفر "

-------------------------------------------

بارك الله فيج ختيه شقراوية شقراوية

وإن شاء الله الموضوع اييب نتيجة ونساهم بالارتقاء بالمنتدى للأفضل

[/grade]



18-01-1427 هـ, 11:55 مساءً
 


[grade="4B0082 4B0082 800080 800080 FF1493"]

بارك الله فيج ختيه 000الغزيل000

ويا ريت كل وحدة تحط هالشي في بالها أنه رب العالمين سبحانه هو اللي يرزق

يعني الوحدة شو استفادت يوم رمست على ختها التاجرة من ورا ظهرها؟

ذنوب؟؟ آثام؟؟ ليش وهو نحن ناقصين يعني؟؟

ويمكن اللي ترمس غفلت عن شي مهم وااايد

هي يوم رمست على ختها التاجرة وذمتها

يمكن هذي اللي سمعتها وهي ترمس صدقتها (سواء كانت صادقة أو كانت تشوه سمعة أخت لها)

وعقب قامت الأخت اللي سمعت تخبر اللي تعرفهن

لا تتشرين من عند فلانة بضاعتها مب شي

لا تاخذين من عند هالتاجرة بضاعتها مغشوشة

وخلاص تنتقل الرمسة من وحدة للثانية

والذنب الأكبر في رقبة اللي بدت تشوه سمعة تاجرة لا حول لها ولا قوة

الله يستر علينا بس

والله يهدينا جميع

[/grade]



19-01-1427 هـ, 12:03 صباحاً
 
يزاج الله الف الف خير على هالموضوع ماقصرتي
انا كان ودي اكتب عن هالموضوع لاني انا شخصيا تعرضت له للاسف والله يسامحها اللي تكلمت عني بالسوء
تخيلي تدش على اي موضوع اكتب فيه وتقول فتون علف خلطتها ولاببيزة وخسرتني فلوسي وانا شريت 3 علب ولافادتني!!انزين يوم جربتي اول علبة ومافادتج خلاص ليش تشترين الثانية والثالثة!! عرفتي انها تبي بس تشوه سمعتي وبس
لا ومصورة علبة الزيت وحاطة صورتها<<<<يعني ذكية
وتقول هذي الصورة عشان ماتنكرين وحسبي الله عليج قصيتي علي وخذيتي فلوسي على الفاضي وخلطتج مافادتني ولاحد ياخذ منها ومن هالكلام!!
حتى دزيتلها رساله خاصة قلتلها خافي ربج ليش تتكلمين جذيه ماتخافين الله يعاقبج؟ قالت انا حذفت رسالتج قبل لااقراها ولا ابيج تدزيلي شي ولاتردين على مواضيعي ولا ببلغ المشرفات<<<<وين قاعدين بالروضة!!
مابرد قلبي الا رد العضوات المحترمات يزاهم الله الف خير طيبوا خاطري وقالولي ترفعي عنها وحقريها وخليها تطلع بالشينه والله اللي يوزع الارزاق واصلا حتى اللي بيذم مو بهالاسلوب الحمدلله الله نصرني وهي طاحت من عينهم وانا عوضي على الله
والمصيبة لاحقتني بمنتدى ثاني بتسوي نفس الحركة بس بلغت صاحبة المنتدى قالتلي ادري انا عارفتها وبوقفها عند حدها لاتحسبين بسكت لها مكشوفه
لا وهي بحواء كل شهر تسجل باسم يديد يعني انا مااعرف اسوي مثلها واسجل ب 10 اسامي وادخل اذم بضاعتها؟ بس انا ادري ان في الله فوقي يحاسبني وانا مابي اخسر اخرتي عشان وصخ دني وفلوس مااقول الا حسبي الله ونعم الوكيل فيها حسبي الله ونعم الوكيل فيها
19-01-1427 هـ, 01:09 صباحاً
 
ويبارك فيك يابعدي
وفعلا الواحد يجيه كلام بدون ما يسوي اي شي ولا يرمى الا الشجره المثمره

واتمنى هالموضوع ما يقفل لانه مافيه شي تجاري ولا عرض بضاعه

وياليت اي وحده من الي تكلمت بالبنات تبين اذا كانت شجاعه تواجه التاجرات مو تحط موضوع على طول بدون احم ولا دستور
19-01-1427 هـ, 01:10 صباحاً
 


[grade="4B0082 4B0082 800080 800080 FF1493"]
ختيه فتون علف

الله يعوضج كل خير

والحمدلله هالموقف أثبت لج أنهن البنات واثقات فيج حتى لو في وحدة تحاول تشوه سمعتج

وكلي أمرج لرب العالمين

لكن صدق صدق زعلت عليج من الخاطر

ربي يوفقج يالغالية ويفتح لج أبواب الرزق

واسمحي ليه حبوبة أقتبس توقيعج

أنا لا جتني الزله من الجاهل وهو كذاب
تركت القافله تمشي وراها تنبح كلابه

-----------------------------------------------

يزاج الله كل خير ختيه شقراوية شقراوية

وأنا راسلت المشرفة خير النساء عشان الموضوع لا يتقفل

ويزاها الله كل خير

الموضوع ماشاء الله وصلت فيه الردود أكثر عن 40 رد ولا تقفل

وأتمنى أنه ما يتقفل عشان كلنا نستفيد من تجارب بعضنا البعض

وفي نفس الوقت نعطي فرصة لمراجعة التاجرات نفوسهن

ومحاولة التسامح والتصالح بإذن رب العالمين

[/grade]



19-01-1427 هـ, 01:32 صباحاً
 


الساعة الآن 02:56 .