[grade="4B0082 4B0082 800080 800080 FF1493"]

بارك الله فيكن خواتي

أم ريان3

فراولة سويت

fofo2004

على مداخلاتكن الطيبة

------------------------

ختيه توته الحلوه

في الأخير

ما يصح إلا الصحيح

وصدقينيه دامها الوحدة واثقة في شغلها ما عليها من رمسة حد

وعلى قولتج

الحمدلله الوحدة فينا ما عليها قصيرة

بس حابة تشغل وقتها وتفيد عمرها والمجتمع اللي هي فيه

ربي يوفقج ختيه الغالية

ومثل ما يقول المثل

"لا تقذف إلا الشجرة المثمرة"

------------------------

بارك الله فيكن خواتي

honey_lipes

نونو نونو

دلع 14

الرداء الابيض

*أميرة البحر*

ومشكووووورات على تفاعلكن ويا الموضوع

الله يوفقكن ويبارك لكن في حلالكن

والله يهدي الجميع

[/grade]





[grade="4B0082 4B0082 800080 800080 FF1493"]

ختيه جنفر

وااايد مواقف تصير عشان التاجرة تخرب على ختها التاجرة

تنسى أو تتناسى أنه فوقها رب العالمين غفور رحيم لكنه في نفس الوقت سبحانه شديد العقاب

------------------------

ختيه *كـراميل*

فديتج يمكن صار عندج سوء فهم للموضوع

أنا ما تكلمت عن نقطة ذم الزبونة لتاجرة ما عيبتها بضاعتها

بكيفها الزبونة

ما عيبتها البضاعة .. من حقها تكتب رايها بكل صراحة

أنا أتكلم عن التاجرات اللي يشوهن سمعة خواتهن التاجرات

بس عشان يكسبن الزباين صوبوهن ويخربن على باقي التاجرات

شفتي رد الأخت توتة الحلوة؟؟؟

شفتيها كيف مصدومة أنها تاجرة ثانية تمارس نفس التجارة ذمت شغلها واغتابتها من وراها؟؟

قريتي رد الأخت جنفر؟؟؟

وشفتي كيف تقول أنها مجرد طلبت زيت من تاجرة على العام

سارت تاجرة ثانية وراسلتها على الخاص وقالت لها أنا أوفره لج بسعر أرخص

شو معناته هالكلام؟؟

مب معناته أنهن التاجرات قامن يكيدن لبعض في ظهر الغيب؟؟


لكن أنها الزبونة تذم بضاعة هي دفعت فيها فلوس وما عيبتها .. فهذا الشي يرجع لها وهي حرة

وشرات ما قلتي

شي ناسب غيرج يمكن ما يناسبج

وفي هالحالة انتي زبونة ويحق لج تعبرين عن رايج وبكل صراحة

وبالعكس

يوم اتي زبونة تنقد بضاعة معينة

يمكن هالشي يخلي التاجرة تحاول توفر الأفضل والأحسن


بارك الله فيج ختيه الغالية

وإن شاء الله تفهمتي وجهة نظريه

[/grade]





[grade="4B0082 4B0082 800080 800080 FF1493"]

ختيه شما الحبابي

ماشاء الله انتي سمعتج شرات الذهب

وما عليج من رمسة حد

وبعدين الحمدلله أسعارج وااايد حلوة ومناسبة

ما عليج يالغالية

وكلي أمرج لرب العالمين

هو نعم الوكيل

------------------------

بارك الله فيكن خواتي جنااااان + LadyDreams

وشرات ما قلتي يالغالية

ما نقول غير

حسبنا الله ونعم الوكيل

------------------------

صح بدنج ختيه فاتنة القلووووب

وبارك الله فيج على مرورج العطر

------------------------

ختيه mam_175

صحيح أنيه ما قد تعرضت لموقف والحمدلله

ويمكن الوحدة تتساءل عيل ليش كتبتي هالموضوع دامج ما تضررتي ولا صابج شر

السبب هو أنيه حتى في الحياة

ما أحب أسكت عن الحق

مب طولة لسان مثل ما يشوفها البعض

لكن كلمة حق أقولها في الويه أحسن من أنيه أغتاب حد من ورا ظهرها

وبالنسبة للموقف اللي تعرضتي له

أنج تجتهدين وتوفرين بضاعة مب موجودة وعقب يقلدنج التاجرات

فمادري شقولج

بس وكلي ربج في كل أمورج

وصدقينيه الأرزاق بيد موزع الأرزاق

ومحد يقدر ياخذ رزق حد إذا رب العالمين كاتب له هالرزق

ربي يوفق يالغالية

------------------------

صح لسانج ختيه بنونه

والله يهدي الجميع

[/grade]





[grade="4B0082 4B0082 800080 800080 FF1493"]

ختيه UM_MAHRA

بارك الله فيج يالغالية

وردج هذا يأكد الشي اللي أنا بسببه كتبت هالموضوع


بس شرات ما قلتي

الله يهدي الجميع

------------------------

ختيه بنت الظبيه

يا ريت كل وحدة تفكر بأنه رب العالمين يرزق من يشاء بغير حساب

جان نحن بخير

بس الله يهدي الجميع
[/grade]



وأنا بعد استوالي نفس الأمر. .

وقامت تذم تاجره عندي تاجره . . وذمت شغلها. . وذمتها

وهيه ما تعرف أنه هالتاجره كسبتها من هالمنتدى أخت غااااااااليه وعزيزه وما ايوزلي فيها

بس فعلا هالأسلوب منفر. . ما فيه داعي عسب ابرز نفسي اذم وحده ثانيه

والمفاجأه أنها ذمتها عندي وعند كذا وحده أعرفهن في المنتدى. .

وبنفس الأسلوب وبدون مقدمات. .

وشرات ما قالت أم مهره . . حتى موضوعاتها انا بعد ما قمت أحب أدخلها

الله المستعان

=======

ومشكوره رومانوف. .

ويزاج الله خير

كل حد ممكن يغلط بس المهم عقب يصلح غلطه
ادعوا لاخوانكم في فلسطين والعراق ولبنان. .
(من ترك شيئا لله عوضه الله خيرا منه )
لا تحرموني من طيب الدعــاء بأن يحقق الله ما أتمنى


الساعة الآن 08:13 .