الله يجزيج خير مره ثانيه يا رومانوف. .
ومثل ما قالت الطير المهاجر ماله داعي نشل الرمسه من شخص لثاني؟؟
وهذي نميمه وتخلي الناس يشلون ع بعضهم وغيرها من المصايب والله المستعان
ونحن تكلمنا عن هالموضوع ان شاء الله والغرض طيب وما أعتقد كلنا نقصد شخص بحد ذاته
لكن ظاهره انتشرت . . وتراه أنا عني صارلي الأمر من ثنتين هب وحده

وأتمنى أنه هالموضوع مراجعه لنا كلنا سواء عضوات مشاركات أو تاجرات أو زبونات. .

وهذي الجمعه اليوم فرصه للاستغفار . . يقول تعالى ( فقلت : استغفروا ربكم إنه كان غفارا يرسل السماء عليكم مدرارا ، ويمددكم بأموال وبنين ، ويجعل لكم جنات ويجعل لكم أنهارا )
18-01-1427 هـ, 11:24 صباحاً
 
هالكم ريال اللي بتحصله هالتاجره بكون حطب جهنم لها يوم القيامه
والبيع على البيع حرام،،،، كثير الاحظ تاجره تعرض منتج تجي تاجره ثانيه
عندها نفس المنتج وعلى العام تكتب تاكدي انه الاصلي بالاول!
طيب تقدر تراسلها خاص وتسالها هذا ان كانت نيتها سليمه وتبي الخير لاختها

لكن هالاسلوب على العام بس علشان تنحش الزباين عنها وصارت كثير للاسف
طيب هل انتي بس اللي لك الصلاحيه من الاستيراد من نفس المصدر؟!
ولا بعقد احتكار ...... فعلا شي يقهر.. ومدري هذول وين ضمايرهم..
الله يهديهم بس.. وسلام خاص عزيزتي ريمانوف..
18-01-1427 هـ, 11:51 صباحاً
 
والله انك صادقة يااختي ..

والادهى ان البعض الله يسامحه يحط ردود عشوائية تجرح

ويحسب الي تبيع ميتة على القرش ومحتاجة له ولفلوسه..

والله لي فترة بالمنتدى احاول اثبت نفسي قدام زوجي كتاجرة شطورة

واني اقدر اسوي شئ خاص فيني وانجح فيه

بس البنات للاسف بعضهم مايعرفون احترام الغير

ومرات احس باحباط واقول ببطل وش الله موزيني

على هالتعامل ال............. من بعض البنات الله يهديهم

وانا الله منعم علي الحمد الله (قولوا ماشاء الله)

بس يظل الشغل متعة بالنسبة لي ..

تحياتي ومشكورة ع الموضوع الرائع..
18-01-1427 هـ, 12:25 مساءً
 


[grade="4B0082 4B0082 800080 800080 FF1493"]

يزاج الله كل خير ختيه بنفسج2006

وصادقة بكل كلمة قلتيها

ما نقول غير

الله يهدي الجميع


بالنسبة للتونيك

الأخت بدرية1 طرشت الشحنة من مدة

لكن تعرفين الطلبية يبالها وقت لين توصل من فرنسا

بس ما عليج حبوبة .. فالكن طيب .. أول ما بستلم إن شاء الله ببلغكن

----------------------------------------------

شرفتينيه بمرورج ومداخلتج للمرة الثانية ختيه شوق وذوق

وإن شاء الله مثل ما قلنا

يكون هالموضوع فرصة للتسامح والتصالح

وإن شاء الله تتصافى النفوس

ونغدي خوات كلنا على قلب واحد

وبإذن الله تعالى بنرتقي بالمنتدى وبنرتقي بالقسم

----------------------------------------------

يزاج الله كل خير ختيه ~ جناين ورد ~

صدقتي يالغالية

هذا هو أسلوب بعض التاجرات وللأسف

بس إن شاء الله تتصلح الأمور وتتصافى النفوس

ولازم كل تاجرة تحط في بالها شي

أنها كل أخت تاجرة تعبت لين لقت منتج معين تعرضه وتوفره لنا

وبالعكس .. سهلت علينا سيرة السوق والدوارة بالساعات ويمكن في الأخير ما نلاقي اللي بغيناه

وفي الغالب الأسعار تكون حلوة والحمدلله

الله يوفق كل أخت تاجرة أو زبونة تتقي الرحمن قبل كل شي

----------------------------------------------

ختيه domoo3x

أول شي تسلم يمناج على مداخلتج الحلوة

وبعدين اسمحي ليه أنصحج بشي

المفروض ما يهمج شي دامج واثقة في اللي تسوينه

وأثبتي ذاتج في المجال اللي تحبينه

صدقينيه معظم الخوات هنيه وأنا منهن

الحمدلله رب العالمين منعم علينا والحمدلله

لكن كل وحدة فينا تحاول تثبت ذاتها وتستغل وقتها بشي يفيدها ويفيد المجتمع اللي هي فيه


ختيه استغلي وقتج بكل شي تحبينه ويمتعج وقبل كل شي يرضي رب العالمين سبحانه

وإن شاء الله ربي يوفقج وييسر عليج كل أمورج بإذنه سبحانه

[/grade]



18-01-1427 هـ, 08:40 مساءً
 
صحيح قطع الأعناق ولا قطع الأرزاق ويزاج الله خير
18-01-1427 هـ, 09:28 مساءً
 


الساعة الآن 09:54 .