لحظة عمر

لحظة عمر @lhth_aamr

محررة ذهبية

معلمات التفصيل والخياطة للمرحلة الثانوية ممكن؟؟

الطالبات والمعلمات

السلام عليكم

اخواتي معلمات التفصيل للمرحلة الثانوي
او اي معلمة عندها افكار جديدة
انا جديده على التدريس بالمرحلة الثانوية وياريت احد يساعدني بطريقة تقديم درس عن البطاقات الارشادية للملابس
وكمان عن فن الابليك

وياريت يكون الموضوع نستفيد ونفيد فيه وكل وحده تقدم ماعندها من خبرات وان شالله ماابخل بما لدي.......
ولها الدعاء بظاهر الغيب بالتوفيق والسداد وجنة الفردوس
3
1K

يلزم عليك تسجيل الدخول أولًا لكتابة تعليق.

تسجيل دخول

ماجنتا
ماجنتا
لحظة عمر البطاقة الارشادية في الترم الاول !!!!!!!
بس عموما انا كبرت الجدول في المكتبة وعرضته على الطالبات وجبت كم بطاقة ارشادية من ملابسنا الجديدة وشرحت عليها ووزعتها على الطالبات كتطبيق
وجبت ملابس اطفال عليها بطاقات ارشادية وخليت كل بنت تستنتج الرموز اللي فيها وهكذا عاد هذا الدرس سهل وبسيط وممتع
اما درس الابليك اشتريت كتالوجات وخيطت نماذج للابليك حقيقية بالاضافة اني في اول الدرس عرضت عليهم الابليك في الملابس الجاهزة
وكمان اشتريت عينات للابليك الجاهز اللي هو اللاصق ووريتهم طرق وافكار تثبيته سواء الجاهز او اللي انت عاملاه بس عاد وريهم افكار غريبة وابداعية والكتالوجات مليانه هي والانترنت
اضيفي انه ماكثر الله الا الفلسفة على رؤوس الطالبات والهرج عاد الله يقويك سولفي عن الابليك ساعة ونص :)
وتحية تشبه القمر لك
لحظة عمر
لحظة عمر
ماجنتا

تسلمي من كل شر

فعلا ما اكثر القرقرة

بس انا احب الجزء العملي اكثر ههههههههههههههههههههههها
طيب الطالبات طبقوا معاكي بنفس الحصه؟
ماجنتا
ماجنتا
طبعا لازم تطبق معاية
انتي خليهم يختارو التصميم من الكتالوجات وكل وحدة تختار لها فكرة وتبدأ تنفذ التصميم على القماش
خليهم يجيبوا ادواتهم كلها قبل الحصة باسبوع اواثنين تراهم ملكعات في حكاية جلب الطلبات
امممم .. ايوة طبعا بعد مااختارو التصميم خليهم يبدأون برسمها على القماش وكل وحده حتوضح لك فكرتها .. ويبدأو يقصصو قطع القماش ويشتغلو فيها .. بس التثبيت في الخلفيةالاساسية خليه الحصة اللي بعدها وخليهم يستخدمو كذا طريقة في العينة الوحده جربتها وطلعت نتائج رهيبة .. خليها مثلا ثبت بغرزة البطانية وغرزة الفستون كذا وكذا فاهمتني
طبعا انا عن نفسي فكرة قلت تكون احلى .. دربتهم على العينة الصغيرة اللي يثبتوها في الالبوم وعلى الغرز وبعد ماخلصو خليت الحصة اللي بعدها تطبيق فن الابليك في قطع نفعية (والله بنات ابدعو خليت كل ثلاثة يشتركو في قطعة .. ايش اقولك .. وايش مااقولك .. سار زي التنافس الحصة اللي بعدها كل ثلاثة اتفقوا على قطعة نفعية معينة جابو الخامات مرسومة ومقصصة والتنفيذ عندي .. اللي سووا مفرش طفل .. واللي سووا ابليك على طقم المواليد القطن تعرفيه ؟.. واللي نفذوا باتش ورك كااااامل ..واللي نفذو الابليك على جاكيت جينز .. واللي... واللي...وانا بس في ذيك الحصة كنت اشرف عليهم واراجع معلومات الدرس والبنات حبو الشغلة مررررررررة.. حتى عندي طالبة باكستانية سوت الابليك في شنطتها حقت المدرسة وفرجتني عليها .. وسارت تستخدمها .. وصحباتها اللي في في مجموعات التدبير والفنية يسألوها كيف سوتها .. مرة عجبتهم ..
وانت طبعا اتيحي للطالبات فرصة للابداع لانك انت القائد الاول لسفينة الابداع في المدرسة
اتمنى اكون افدتك