وش اسوي مع تهاني

شوفي حبيبتي احتمال يكون عندها مغص لما كانت بنتي شهرين كنت احط لها قطرات بالرضاعة كل مابكت بدون سبب تقريبا 14 قطره للمغص مخصصة وبعدها تريحها وتنام وباذن الله مع الايام تروح

حاولي قبل لاتستعملين معاها دواء المغص تسدحينها على بطنها وتسدحينها على فخذك على الاقل 15 دقيقة قبل ماتنام وتطبطبين يدك على ظهرها بخفه وراح يخف المغص واذا في غازات تروح

الله يخفف عنها وربي يهدي سرها

هلا ومرحبا ام تهاني...
كنت اعاني نفس الشي مع مولودي الاول وما خليت وصفه الا وجربتها.. فلا تنزعجين
اولا: اذا كنتي ترضعينها الله يحفظها طبيعي فدايما الأم مع اول مولود بالذات تكون متنرفزه ومتوتره... والطفل سبحان الله يحس بالأم...فحاولي تكونين ريلاكس! واقري قرآن ونتي ترضعين.. ولا تتكلمين بصوت عالي..
وثانياً : تنتقل مشكلة الغازات والامساك من الام للطفل بالرضاعه.. فيومياً ضروري اشربي انتي كوب من مغلي الينسون بيخفف من المشكله نهائياً.. وانا اعتبره الشراب العجيب!! جربي ما بتخسرين.. اعشاب اذا ما نفعت ما تضر
وثالثاً: اذا كنتي تستخدمين الحليب الصناعي.. فهو المسبب الرئيسي للغازات وللامساك عند البيبي.. فممكن تشربينها ينسون بس مقدار رقم واحد فقط... يعني لحد 30 لا اكثر
ونصيحتي الرابعه لج : انا شربت ولدي منقوع التمر وبعده ما كمل اربعين يوم وسواله امساك فظيع.. لان فيه حديد.. وخذته للدكتور الي صرخ علي وقالي التمر ما ينعطى الا بعيد الشر في حالات التسمم!! الله يحفظ تهاني لج من الشر ويحفظ لي ولدي..

الغالية أغلب الأطفال يمرون بهالشي.. وكلنا عانينا بأول طفل.. يعني لاتخافين..

ومثل ماقالوا الخوات.. ممكن مغص وممكن من الحليب الصناعي وووووو

ولدي مر بهالحالة وكان من يبدا الليل.. هاااااااااات ياصياح.. ولما خذته للدكتور قالي عموما الطفل يكون بالنهار مرتاح بس مع حلول الليل يتنرفز.. كأنه يحس بمكان ثاني ولأنه طالع من بطن أمه واللي برع غير عن اللي داخل ووايد كلام علمي مافهمته..

بس خلاصته انه هالشي له فترة معينة وتخوز..

فانتي عليج بالأعشاب اللي هي كوب ماي مغلي وحطي فيه ملعقة كبيرة من الينسون والكراوية وممكن نعناع وحبتين حلبة.. لا تكثرين منها.. مع سكر نبات انتبهي لاتحطين سكر عادي لأنه مصنع وممكن يسوي مغص للياهل.. وحتى مرات يقولولج الأوليين يوس ماي وسكر.. بعد لااااااااا تسوين أوكي..

جربي عطي بنتج الله يخليها كم ملعقة من هذا أو بالمرضعة شوية اذا مارضت انتي اشربيه.. ممكن تسويلها بعد تغلين كوب ماي وبعدين تحطين كم ورقة نعناع مع سكر نبات بعد مفيد الهم ويهدي المغص.. بس اذا رضت تشربه!! واذا ماشربت طبعا ماشي خيار الا انج تشربين كوب منه يوميا.. انتي بترتاحين وهي بترتاح ان شالله..

هذا اللي ببالي ألحين والله يحفظلج بنتج تهاني وتشوفينها عروس ياربي..

وأي سؤال أنا والخوات حاضرين.. وتحياتي لج..
¸.
•
( `•.¸
`•.¸ )
¸.•
(`'•.¸(` '•. ¸ * ¸.•'´)¸.•'´)
«´¨`.¸.*..*المسافرة*..*.¸.´¨`»
«´¨`.¸.* *. ¸.´¨`»
(¸. •'´(¸.•'´ * `'•.¸)`'•.¸ )
.•´ `•.¸
`•.¸ )
¸.
•

ماهو عمر تهاني يا ام تهاني ؟
ايش بترضع او بتاكل ؟
وايه اخبار صحتها بصفه عامه؟
هل تشبع بعد الرضاعه؟

اعطيها يانسون مغلي بالماء .. خاصة بالليل تراه مهدي كثيررررررررر وراح يريحها .. ويخف عنها الغازات