حكايتي مع الحمل طمنوني

مأدري ليه متردده في كتابة حكايتي مع الحمل؟؟؟؟؟؟؟ لكن راح أتوكل على الله وأحكيها
يمكن ترددي هذا نابع من عدم رغبتي في تذكر الموضوع المهم أرجوكم داعوتكم بعد ماتعرفوا الحكايه وطمنوني اذا في واحده مرت باللي مريت فيه وعلى ايش انتهى الامر معها...................................................
شايفين كيف أكثر في الكلام؟؟؟؟؟؟؟؟؟؟؟؟؟؟؟؟؟؟؟؟
المهم: كان أول حمل ولله الحمد 100% تمام ورزقت ببنوته زي القمر الله يحفظها ويكبرها في طاعته عمرها الان عشر سنوات بعد ها يمكن بخمس سنوات تم حملي الثاني ولكني اجهضت في شهرين وكذلك في الحمل الثالث اجهاض ايضا ومن هنا بدأ خوفي وانتظرت تقريبا 8 أشهر بناء على نصيحة الدكتوره وتم حملي الرابع ماتتخيلوا كيف كنت خايفه وانتظر مرور الثلاث الاشهر الاولى على خير وتمت ،،،،،،،،،،،،،، وكانت الامور ماشيه على أحسن مايكون وطبعا بالمتابعه الطبيه ولكن!!!!!!!!!!!!!!!في زيارتي للدكتوره في الشهر السابع قالت لي لازم تنامين عندي بالمستشفى الاحظ تورم في الجنين وزياده في كميه السائل حوله وفعلا بقيت في المستشفى وهات يأشعه وتحاليل طبعا لا تسألوا عن النفسيه وأثر هذا الكلام علي أنا وزوجي وخصوصا اني كنت ماشيه تمام طول الاشهر السابقه
مأدري كيف تغيرت الامور ولكن الحمد لله وعدا الشهر السابع كله مابين المستشفيات والاشعه والتحاليل واخر حاجه قرر الطبيب سحب كميه من السائل حول الجنين وتمت هذي العمليه والله العالم كيف كانت كنت حأنشل فيها (اللهم لك الحمد)
وانتهى الشهر وأنا مابين طبيب يقول مافي امل راح يكون الجنين مشوه وثاني يقول التهاب في الرحم وراح يزول وثالث يقول راح يتوفى الجنين
وبعد مرور ثلاثه أيام من الشهر الثامن توفي الجنين داخل الرحم وكانت صراحه صدمه لي ولزوجي ولكن لله الامر من قبل ومن بعد وكانت الولاده بطلق صناعي من اصعب مايكون.........................
بعدها بثلاث أو اربع أشهر تم حملي الخامس وبلاش أطول عليكم نفس اللي مر في الحمل اللي قبله وفي نفس التوقيت كل حاجه كانت تمام ومتابعه جيده حتى مع أطباء في خارج المملكه ولكن ما ان بدأ الشهر السابع حتى ظهرت نفس الاعراض ومع بدايه الشهر الثامن توفي الجنين داخل الرحم و لكن الولاده المره ذي طلق صناعي + شفط للجنين لانه متوفي فما يساعد على الدفع فعلا أحس ان الله أحياني بعد ماشفت الموت طبعا ماراح احكي عن نفسيتي لاني ماراح اوصف لو نصف ماشعرت فيه......................... في هذي الفتره اللي تلخبطت فيها الامور مادري كأنه حلم قررنا (أنا وزوجي )ننتظر فتره اريح فيها نفسي وفي هذه الفتره ماخليت دكتور ماأستشرته حتى اذا وصفولي دكتور خارج المملكه اروح له كمان عديت على الدايات والمعالجين بالرقيه الله يجزى بعضهم بالخير والبعض الاخر الله يسامحه المهم الكل أجمع على ؟؟؟؟؟؟؟؟ اني سليمه 100% ولا يوجد أي أسباب معروفه لما حصل..................
وبعد مرور سنتين تقريبا حملت للمره السادسه بعد ماقرر الاطباء انه لابد من المتابعه بالاشعه ثلاثية الابعاد عشان لو لاحظوا علامات لاعراض المرات السابقه ينزلون الجنين في الشهر الثالث بدل الوصول للشهر الثامن وزيادة الالم علي وصعوبة الولاده (مع اني كنت رافضه لهذه الفكره) وشوفو وضعي لما يجي وقت الاشعه لان الدكتور حدد لي اوقات اعمل فيها الاشعه المهم عملت الاشعه ثلاث مرات مثل ما طلب،،،،،، كل مره الدكتور يطمني (زي الفل) حتى اخر اشعه كانت في الشهر السادس واكد فيها الدكتور ان المره ذي ماراح يكون فيها أي مشاكل لان الحمل مماثل لاي حمل طبيعي ،،،،،،،، المهم شكلكم فهمتوا النهايه بالتمام مثل المرات اللي فاتت توفي الجنين لكن المره ذي في نهايه السابع وتعالوا شوفوا كيف كانت الولاده طلق صناعي +تخدير نصفي بعد ماشافوا اني أشرفت على الموت ،،،،،،،،،،،،،
ولكن الحمد لله شوفوني جالسه أكتبلكم بعد سنه ونصف (قل لن يصيبنا الا ماكتب الله لنا )
والله ياخواتي اني ماكتبت هذا الموضوع عشان اتسخط أو اتضجر من أمر الله والعياذ بالله ولكن رغبه مني في دعاؤكم وتطميني لاني ناويه باذن الله اعيد التجربه وش رأيكم.........................................................
ا