السلام عليكم

انا لي تقريباً 3 أيام وانا احاول اسجل تداول الراجحي بالنت وعجزت
يقول لي بعد ما أستكمل البيانات (حصل خطأ الرجاء المحاوله مره أخرى ويعطيني رقم المرجع !!)
والله ياجماعه اني دخت وانا احاول واذا كلمت الهاتف المصرفي الخاص بالأسهم ماحصلهم ياخطهم مشغول او منتهي دوامهم ..
وكلمت مديرة الفرع عندنا وقالت لي دخلي في مرجع مؤسسة النقد رقم المحفظه وقبلها 99900 بس مو راضي يقبل لأن الأرقام صارت اكثر من المطلوب ودخلت رقم الحساب الإستثماري وبرضوه نفس المشكله
قسم بالله بيجلطوني الراجحي حسبي الله عليهم هم وخداماتهم التعبانه !!

تكفون اللي عنده أو عندها خلفيه ياليت تقول لي الطريقه بالتفصيل
لأني مشيت بالخطوات والله صحيحه بس مو راضي
شكلي بنجلط اسهمي نزلت وانا للحين مو قادره ابيعها !!

الله يجزاها الجنه اللي تساعدني
21-01-1427 هـ, 08:04 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هلا شوكلاتة انا مسجلة فية لي تقريبا شهرين ونفس الحالة طلعت المشكلة لازم تكون المحفظة فيها 100000
وسجلي بيمشي على طول وتفتحين التداول بنفس اليوم...
21-01-1427 هـ, 08:28 مساءً
 
السلام عليكم
اختي العزيزه
انا سجلت من موقع الراجحي لكن يقال ان الموقع دائما في التسجيل يكون في وقت متأخر افضل يعني من 11 وانتي طالعه

ثانيا انتي لو حاولت تسجلين في الراجحي تداول لازم يكون في حسابك مبلغ الاشتراك وهو 1000 ريال وبما لابد من توفر حساب 30 الف وفوق وحساب الرصيد نقطة ماني متأكده منها

ثالثا اذا انتي تبين تبعين ينساب انصحك تبيعينها عن طريق الصراف الآلي لاتنسين انهم بيأخذون منك 1000 ريال قيمة الاشتراك وهذا المبلغ يؤخذ في بداية التسجيل ويؤخذ كذلك سنويا عند الرغبه في التجديد لسنة اخرى

رابعا رقم المحفظة بدايته 120 ولايدخل معه رقم اضافيه نهائيا لأنه هو هذا رقم مرجعك في مؤسسة النقد

خامسا يمكن تكوني سجلتي بالفعل لأن الخطأ في النظام تصير عندنا والعملية مرات كثيره تتفذ
عليك انك تتصلين على الهاتف رقم 8001245858
وتشرحين لهم المشكله هذا لو انطبقت عليك الكلام السابق اللى ذكرته وهم بيطلبون منك رقم جوالك وبيدقون عليك خلال 24 ساعه
لو قال لك ماتنفتح المحفظة الا 100 الف فهم ماعندهم سالفه لاتصدقينهم
21-01-1427 هـ, 08:49 مساءً
 
عزيزتي موج
لاعدمت وجودك المحفظه فيها اكثر من 100000 ريال وبرغم كذا مامشى
والحساب الجاري يغطي رسوم التسجيل !!
21-01-1427 هـ, 09:17 مساءً
 
نور الحب
ياحياتي الحساب الأستثماري فيه اكثر من 30000 ومارضا يمشي معي
وجربت دخلت رقم المحفظه وبرضوه مامشى
وقسم بالله استنفرت كافة القوات اللي حولي لكن مافيه فايده !!!
وسجلت الساعه 1 بالليل ونفس الكلام




خامسا يمكن تكوني سجلتي بالفعل لأن الخطأ في النظام تصير عندنا والعملية مرات كثيره تتفذ
عليك انك تتصلين على الهاتف رقم 8001245858
وتشرحين لهم المشكله هذا لو انطبقت عليك الكلام السابق اللى ذكرته وهم بيطلبون منك رقم جوالك وبيدقون عليك خلال 24 ساعه

افهم من كلامك انك موظفه عندهم ؟
تعالي بحط حرتي فيك !!
وبعدين الرقم 8001245858 يامشغول يامنتهي دوامهم اتحداك اذا قدرتي تصيدينهم
انا مرابطه عند التليفون قسم بالله مايمسك !!
وبعدين ماسجلت لأنهم ماخصمو الألف من حسابي الجاري شيكت عليه ولقيته مثل ماهو !!

بصراحه الراجحي عليه خدمات أزفت من الزفت لكن ان قاله الله اني لاأنقل حسابي لبنك ثاني
وش مصبرنا عليه غير انه مصرف إسلامي ولا خدماته ماأقول غير حسبي الله ونعم الوكيل فيهم
لا بالنت يسنعونا ولا بالهاتف المصرفي يخلصونا ولا عندهم الا الخرط الفاضي !!

اعذريني اذا كنتي موظفه عندهم بس شسوي والله من حرتي منهم !
21-01-1427 هـ, 09:27 مساءً
 


الساعة الآن 02:38 .