السلام عليكم ورحمة الله وبركاته

بنات بوظبي اللي طلبن مني سامحوني الغاليات على تأخر وصول الطلبيات
بس حبيباتي بقول لكم السالفه اللي صارت معاي
أنا اتفقت مع المندوبه في بوظبي على اساس انها توصل الاغراض وكانت متحمسه وقالت لي بوصل للبنات اوكي ولما طرشت لها الاغراض اتصلت لها كم مره علشان اعطيها المعلومات بس كانت ما ترد علي او انها تقول لي انا برع بتصل لج بعدين انا طرشت لها الاغراض بالشحن طبعا كان علي الشحن و ما تهمني تكاليف الشحن ولا تهمني خسارة التوصيل بس اللي يهمني انكم ما تزعلون على تأخر الطلبيات لأني حاولت مع البنت لكن البنت الله يهديها تأخرت وايد ولما اتصل لها ما كانت ترد على تلفوني
وأساسا من سالفة المندوبه ما كان قصدي منه الا اني اوفر على البنات فلوس الشحن وتحويل البيزات وما يطلع عليهم اكثر من تكلفة الدخون

وخلاص بصراحه كرهت سالفة المندوبات

وسامحوني خواتي اللي طلبن مني في بوظبي ولو بيدي كنت بوصله لكم بالوقت والله

وأتمنى إن محد يزعل مني أختكم
أم الغالي

21-01-1427 هـ, 10:39 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
مسمووووحه الغاليه الغلط مب منج...

بس كان خاطري اجرب الدخون جدام خالاتي لانهن يحبن الدخون واايد...بس للاسف سافرن...
21-01-1427 هـ, 11:02 مساءً
 
السلام عليكم مشكوره اختي بحيرة وفا وسامحيني الغاليه على القصور .. والله ما كنت ادري ان هذا اللي بيصير والا كنت ما بفكر بالبنيه تصير مندوبه .. والله يعين الظاهر البنيه ابدا مب جاده وهي بينت لي العكس لما كلمتها

سامحيني الغاليه على اللي صار وقولي لأهلج بعد يسامحوني والله الموضوع كان طالع من ايدي فديتج

ومشكوره على كل شي وعلى طيبتج وحسن اخلاقج فديتج
22-01-1427 هـ, 09:14 صباحاً
 
الله ايوفقج الغالية احسن لج عيوني اطرشين لهم بالارامكس وتوصلهم الاغراض يلين عندهم او مكان معين تتفقين وياهم مثلا محل معين
ربي ايوفقج عيوني
22-01-1427 هـ, 09:21 صباحاً
 
شكلي جي الغاليه بسوي اللي يحب الشحن ارخص بتعامل مع ايليت الشحن بـ 30 درهم بس ما يوصلون للبيوت حسب ما اشوف ..

واذا يبون للبيت الارامكس موجود بس 60 درهم ..

مشكوره بنت البنات
22-01-1427 هـ, 10:10 صباحاً
 


الساعة الآن 09:01 .