اختي لهموزه ...توكلي على الله واطلبي حنان وخلي مراجعاتك كله عندها ...
الله يكتب لك اللي فيه الخير ...وتولدين بالسلامه .. :) :)

اختي .. يالله حيها ...مستشفى سعد ..واجد اللي مدحوه ..واعرف كم وحده من قريباتي
فيه ..وعلى كلامهم....الدكاتره اللي فيه شاطرين ...والمستشفى على كلامهم كنه
فندق من ناحية الكشخه والفخامه ..واكلهم بعد يهبل ..ويهتمون فيك ويراعونك
وقت الولاده ..واول ما تطلبينهم يجونك على طول ..وبس هذا اللي سمعته .. :)

اخواتي .....أمرأه حيه و rosemary1980 الله يسهل عليكم ولادتكم يارب
عندي سؤال عن الخياطه التجميليه الله يعافيكم ..وشلون ؟؟يعني انتي تطلبينها من الدكتوره حنان تسويها لك؟؟والا هي تسويها من نفسها اذا شافتك محتاجه لها ؟؟
واذا انتي تطلبينها متى تعلمين الدكتوره انك تبين الخياطه التجميليه ؟؟وقت الولاده
ولا لما تدخلين التاسع ؟وهل تسونها بفلوس؟بما انكم مجربين ارجو انكم تردون علي
وآسفه على كثرة اسئلتي ...لاني ودي اسويها ..احس بتوسع عندي في المنطقه ..
انا عندي ثلاث اطفال الله يحفظهم وحامل بالرابع...وهل فيه غير حنان شاطره بالخياطه
انا بانتظار خبرتكم ...ويعطيكم العافيه ... :)

عزيزتي يالله حيها مستشفى سعد كثير مدحوه ومدحو الدكتورات اللي فية
أختي اللي اصغر مني عمرها19 متزوجة سوت فية منظار للمعدة قسم باللة يوم زرتها تفاجأت في الغرفة اللي تنومت فيها كأنها في فندق من كل النواحي حتى ازرار التحكم في الغرفة(الانوار المخفية والانوار العادية والتلفزيون ومناداة الممرضة والتحكم في السرير من جميع النواحي) موجودة في السرير مايحتاج تقومين والحمام اللة يكرمك ماتتخيلين كيف كبير مرة كأنه صالة
والبانيو كبير وكل الأغراض موجودة بالحمام شامبوكبير ومناشف مو مثل المستشفيات الاخرى تعطيك شامبو صغيييييير فية كم نقطة
حتى لو مثلا ناديتي الممرضة مرتين ماجات تسمعين كومبيوتر ينادي عليهم في الرسبيشن بإسم الغرفة 3مرات اللي انتي فيها ويجون على طول
والغرفة كبيييييييييييييير مرة وممكن تطلبن صفر بالتلفون وتكلمين بس ترى على حسابك وإذا تبغين اكل غير اكلهم تطلبين المنيو وتختارين على حسابك(بس مايحتاج اكلهم مرة حلو) وحاطين دولاب زجاجي تحطين فية اغراضك وخزنة مثبته في الدولاب تحطين اي شي ثمين عندك تخافين علية مثل الجوال برقم سري انتي تختارينة وبعض الممرضات لبنانيات بس يدلعون بس ماعليك من هذا اهم شي المستشفى جدا فخخخخخخخخخخم!!!!!!!
وش اقول وش اخلي؟؟؟؟
طبعا زوجها دخلها غرفة لحالها ويدفع 100زيادة عن كل يوم(جدا رخيص وهذا قليل في ظل الخدمات اللي موفرينها) شوفي الناس اللي يجون كلهم هاي هاي
وبالنسبة للتحويل اعتقد لازم مرور سنة على وجودك في المستشفى اللي انتي فية بس لازم تسجلين في سعد من بدري لانة انتظار ممكن تتنتظرين على الاقل شهر قبل يدخل ملفك المستشفى وأسألي زوجك عن نظام التسجيل****
عزيزتي rosemary1980 شكرا على مرورك على الموضوع والرد علية الله يجزاك الجنة بس عندي اسئله مثل اسئلة اختي ألجوري الله يسعدها نرجو الرد عليها ولك كل الشكر لأني هاذي اول ولادة لي ماني عارفة اي شي**********

نسيت اقول لأختي أمرأه حية الف شكر على ردك لي واللة يقومنا بالسلامة بس كيف اقولهم اني ابغى الدكتورة حنان وقت الولادة ومتى اقولهم يسوون لي خياطة تجميليية؟؟؟؟؟
من ناحية العاملات الرافضيات قسم باللة ماعندهم ابدا ذرة حيا من جميع النواحي تنومت مرافقة مع ام زوجي قبل سنة بغيت انجن منهم ومن حركاتهم البايخة ماصدقت اني طلعت بس توي سجلت عندهم لاني كنت قبل ساكنة في الجبيل واراجع بالمانع بالجبيل

ألجوري & لهموزه ..

مشكورين أخواتي على الرد .. وهو والله كشخه وكنه فندق خمس نجوم .. ومره حلو للاستقبال .. بس أكثر من وحده قالتلي مادييين و يقدمون الماده على مصلحتك.. وانا بستخير.. ومثل ما قلتي أختي لهموزه عليه انتظاااار طوييييل .. والله يقدم اللي فيه الخير ..

ويتمم لكم جميعا خير ويقومكم بالسلامه ..

اهلين فيك لهموزه ....منوره والله ... :39:

امراه حيه .....مشكوره ياقلبي على الرد ..الله يعطيك العافيه :39:
انا موعدي عندها الا ربعاء الجاي ..وهو اول يوم لي من الثامن ..انشالله بكلمها
على الخياطه ..بس اول شي باسألها عن مفتاح قلبها حماده وعن احواله ..
عشان اذا كثرت عليها اسئله ...وطلبت منها الخياطه تعطيني وجه .. :D
وحنا تبع ارامكو ..والله حتى ارامكو خربت ما هي زي اول ...
وصح والله كلامك ...انا اكثر مراجعتي عندها في الصباح ..والله شحليلها
عشان مافي زحمه ...وبعض الاحيان اجي العصر ..ومزاجها يكون متعكر .. :16:
بس اللي مريحني منها اني لا حظت ان عندها اخلاص بالعمل ..وعندها التزام ..
تشوفين القرآن على طاولتها وبعض الكتب الدينيه ..ودايما تقول هذي الكلمات ..
(ماشي ياأطه ..فهمنا يابيضه ..أو يابنتي ..ومره قلت لها انا خايفه من الربط ومابي
اسويه ..قالت لي لازم الربط ..يابنتي اصبري ان الله مع الصابرين اذا صبروا..
حيجيكي طفل والاطفال دول نعمه من رب العالمين ..وحلوين ...)واثري عندها مشكله
في الانجاب ..وانا ماادري وطالعه هالنصيحه من قلبها المسكينه..الله يعوضها خير يارب...ويرزق كل محرومه ..ويهون على جميع الحوامل بالسلامه .....