انفلونزا الطيور دخلت مصر وبتنتشر صحيح بيقولوا الفراخ مش فيها حاجه واكلها عادى بس برضو كل الناس قلقانه

وصحيح وصل ثمن الفرخه اللى وزنها 2 كجم : 2جنية مصرى بس برضو الناس مبتشتريش

على النقيض فيه ناس بتربى فراخ وبط وحمام كثير فوق السطوح ورافضين شيلوا الطيور ومتمسكين برأيهم

اما البيض ... برضو مش هناكل بيض وخصوصا اللى فى الكيك والعجة واى عجينه معموله من البيض و ( المايونيز)

اما اسعار اللحمه والسمك والخضار( ومش عارفه ليى الخضار كمان) ولعت !!!

طيب والحل فكرتوا فى بدائل....؟؟؟؟؟

بس نقول كلام معقول يمكن فعلا عمله لان مش معقول هنعمل فول وطعمية على الغذا

مستنيه آرائكم ونشوف هنعمل ايه ؟؟
22-01-1427 هـ, 12:54 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
صباح الخير يا إيمان
وحشتينى كتييييييييييييييييير
حقيقى عندك حق ده مشكله وخصوصا ان الأطفال بتفضل كتير تاكل الفراخ عن اللحوم والسمك مش بينفع تاكليها اكتر من مرتين فى الأسبوع وفيه ناس مش بتحب السمك اصلا

بس ممكن نرجع لبعض الأكلات الشعبية
الكشرى بأنواعه
ممكن بطاطس مهروسه ومحمره مع باذنجان بالخل والتوم أو صينية مسقعة
ممكن صينية قرنبيط بالصلصه فى الفرن
ممكن اكلة كرشه وممبار أو مخ ولسان
عكاوى
بفتيك لحمه
انواع من الكفته (كفتة مشويه - كفته بالبطاطس - همبورجر)
فتة مكدوس
فاصوليا او لوبيا
عدس بجبه (أسود)
عدس اصفر (فتة او بشعرية مع شوربه)
انا عارفه طبعا ان صعب نستمر بكده بس
لكن ده بعض الحلول مع اللحوم والسمك
22-01-1427 هـ, 01:21 مساءً
 
السلام عليكم و رحمة الله و بركاته

اهلا يا مدام وائل، وحشتيني و الله

شوفي كلامك سليم و ام ياسمين ما شاء الله قالت لك قايمة معقولة اوي، اضيف لها كمان المكرونات بكل اشكالها و انواعها و ما شاء الله دون حطت لنا طرق كتير اوي لها، و عندك صواني الرقاق و الجلاش و ممكن تنوعي في حشوها مرة عصاج و مرة خضار سوتيه و مرة جبنة قريش او جبنة بيضاء بالزعتر او النعناع و عندك كمان المقلوبة بالباذنحان او القرنبيط و انواع الرز و جنبه كفتة او لحمة محمرة او بفتيك

يعني باختصار نستبدل الفراخ باللحمة الفترة دي لحد ما الامور تهدى و تعدي الازمة دي على خير ان شاء الله
22-01-1427 هـ, 01:55 مساءً
 
مدام وائل
انا حسيت انك من مصر وفرحت جدا وممكن كل واحده فينا تنزل اللي عندها وخصوصا ياريت اللي عندها وجبات سهله وسريعه .وياريت تقدروا تفيدوني أبني بيحب الفراخ جدا وخصوصا الفليه ومش عارفه أعوضع ازاي لأنه مش بيحب اللحمه بكل انواعها وجزاكم الله خير
22-01-1427 هـ, 03:53 مساءً
 
هي فعلا مشكلة انا كمان في المانيا اكتشفوا المرض و طلعا منعت الفراخ و البيض لكن البديل لحمة و انا مش باحبها اوي انا و الولاد
و السمك هنا غلي نار
ربنا المعين يا رب
22-01-1427 هـ, 03:59 مساءً
 


الساعة الآن 12:43 .