حبيبتي انا بتداول في الفرنسي لي انا وفي الاهلي للوالد (انبلشت فيها لي يومين ) والله يعين بس شوفي الاهلي عشان يفتحولك محفظة من الاساس لازم تكوني بعد مافتحت الحساب ب5000 ريال اكتتبت في اي سهم نازل وطبعا كذا بتنفتح لك محفظة وبعدين تدخلي انت على موقعهم وتسجلي في التداول وبعد يومين يرسلولك رسالة تفعيل ويخصموا من حسابك 750 سنويا هذي رسوم استخدام الانترنت وفي طريقة ثانية هي التداول بالهاتف وهي خدمة جديدة من الاهلي للأمانة ماجربتها انا عندي حساب قديم بالأهلي وكنت اكتتب في دايما بس ما اتداول من النت بيه لانه بصراحة خدمة الاهلي مرررررة ماهي عاجبتني .
اما بالنسبة للفرنسي تروحي الفرع تفتحي حساب باقل شي 5000 انا سويت كده بنفسي يعني مابتكلم من الهوا وبعدين تطلبي فتح محفظة بعد خمسة الى عشرة ايام دقت علي الموظفة واعطتني رقم المحفظة ودخلت على الموقع وسجلت وبدات على طول يخصموا منك 60 ريال شهريا رسوم تداول
**** الله تكون الصورة واضحة ؟؟؟؟؟ والله يوفقك
24-01-1427 هـ, 07:47 صباحاً
 
اقتباس مشاركة  (شــرقاويه)
السلام عليكم يابنات

انا يابنات بيطير عقلي من راسي

كل محاولاتي لفتح محفظه الكترونيه في الاهلي

باءت بالفشل

رحت الاهلي الفرع اللي حوالينا قالوا لازم تكتتبي من عندنا

رحت لفرع ثاني قالوا لازم يكون عندك حساب مميز بعشرين الف ريال

رحت فرع نسائي بالمنطقه الغربيه قالت لي لازم يكون عندك مية الف

اتصلت على الهاتف المصرفي ولاحياة لمن تنادي

والله مليت وزهقت

كل فرع له كلمه غير

ترى الاهلي كذا كل موظف او موظفة في يقلك كلام من راسه اسئليني انا والله دوخوني بس اللي متاكدة منه انو لازم تكتتبي عندهم اول مرة هذا اللي صار معاي ومع الوالد والوالدة والله اعلم
يعني استنيلك شوية لمن ينزل اي اكتتاب وروحي اكتتبي وبعدين حيصرلك محفظة
او روحي للفرنسي والله كم وحدة تقلي فتحت حساب من دون ماتحط شي وفتحت محفظة بعدين اودعت اللي عندها .
24-01-1427 هـ, 07:58 صباحاً
 
بنت البحر الاحمر
مشكورة عيونى على التوضيح والشرح
طيب بعد مافتحتى حسابك فى الفرنسىسويتى إكتيتاب من عندهم ولا طلبتى محفظه وحطيتى فلوس وبدأتى التداول
انا عارفه انى تعبتك معايه لكن كله بأجرة إن شاء الله
24-01-1427 هـ, 05:40 مساءً
 
لا والله مااكتتبت عندهم ساعة مافتحت الحساب طلبت محفظة وبعد خمسة ايام اتصلوا علي واعطوني رقم المحفظة طبعا انا كنت اودعت من ساعة مافتحت الحساب وبعدين لمن انفتحت المحفظة دخلت على موقعهم حولت الفلوس من الحساب الجاري الى المحفظة وبدات
واي سؤال انا بالخدمة بس ادعي لولدي ربي يشفيه وينطق لسانه ياااارب
24-01-1427 هـ, 11:50 مساءً
 


الساعة الآن 07:09 .