Analysis Services
السلام عليكم ورحمة الله وبركاته

خواتي العزيزات اللي يتعاملون مع شركات الشحن في الإمارات

في نقطة هامة حبيت أنبهكم عليها وهي ان مندوب الشركة يوم يوصل الأغراض للزبونة ياخذ منها قيمة أكبر من قيمة التوصيل اللي متفق عليها مع التاجرة

وهالشي طبعاً يسيء للتاجرة ويخلي الزبونة تشك في مصداقية التاجرة،
وبعض البنات ما يخبرون التاجرة عن الشي لأنهم يستحون، ويقومون يدفعون
لمندوب الشركة المبلغ اللي يطلبه.

طبعاً انا ما كنت عارفة هالشي الا لين وصلتني طلبية من احدى الأخوات في دبي
مع نفس الشركة اللي أنا اتعامل معها، وطلب مني المندوب مبلغ أكبر من اللي
قالتلي عنه التاجرة، انا استغربت وقلتله احنا نطرش معاك بقيمة معينة ليش الحين
تطلب أكثر؟؟؟؟
فاستحى وطلب مبلغ أقل.

ولما سألت البنات اللي تعاملوا معاي أكدولي ان المندوب ياخذ زيادة على المبلغ
المتفق عليه.

فحبيت أنبهكم يابنات انكم اذا طلب منكم مندوب الشركة مبلغ أكبر عن المبلغ
اللي خبرتكم عنه التاجرة لاتدفعووووووووووووووووووونله أي زيادة.

وياريت الأخوات التاجرات ينبهون زباينهم بهالشي.

وفي نقطة مهمة بعد عرفتها وهي ان المندوب ما يكتب قيمة التوصيل الا بعدما يستلمها
يعني يخلي الفاتورة مفتوحة مثل ما يقولون وحسب ما تدفعين يكتب.
فالأفضل ان التاجرة تقولة اكتب القيمة وتتأكد منها.

سامحوني اذا طولت عليكم ويمكن يكون الموضوع مو مرتب لكن يعلم الله اني مقهوووووورة منهم على اللي يسوونه.

وأعتذر لجميع البنات اللي تعاملوا معاي وحصل معاهم هالشي.

وربي يوفق الجميع
23-01-1427 هـ, 11:48 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
صج حراميه هالشركات
الظاهر ان يحط المبلغ الزائد في جيبه

مشكورة أختي على التنبيه
23-01-1427 هـ, 11:53 مساءً
 
بارك الله فيك اختي ....... مشكله المهنده يحاولون يستغلونا باي طريقه.....
24-01-1427 هـ, 12:04 صباحاً
 
جناااان..
حبيبتي هذي نفسها الشركه اللي قتلج عنها؟؟!!

لا تصدميني..
24-01-1427 هـ, 12:37 صباحاً
 
هيه معاج حق
لاني اتصلت للشركه عطوني سعر معين ويوم كلمت المندوب زاد 20 درهم على سعر الشركه

ويوم قلت له اني مكلمه المندوب عصب وقالي الشركه غلطانين ........؟؟؟ عاد هني انا ماعرفت شسوي كل واحد له كلمه...........ياليت البنات يخبرونا اذا المندوب اخذ اكثر من المتفق عليه
24-01-1427 هـ, 12:52 صباحاً
 


الساعة الآن 01:32 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏