اخاف الشركة هاذي اللي بالي بالكم لاني سرت اتفق معاهم على اساس الكلام اللي سمعته من البنات انها ارخص عن الارامكس و الله انهم ما عيبوني و لا اسلوبهم اونه شو احنا نخسر وايد على المكالمات و الاتصالات و الخ و الخ ... حتى ما يلست احايلهم قلت و الله اذا اولها جي ما يندرى تاليها....

و عن الحرامية بخبركم عن اخر موقف عن الارامكس في زبونة طالبة مني 2 ياس و 1 دخون نواعم ... من الظغط اللي علي قمت و طرشت 2 ياس و نسيت النواعم و البنت حليلها دفعت 250 يعني 50 زيادة و 30 للشحن .... و عطوني 200 بس و خذوا ال 50 ... صدق صدق حرامية ....!!!


الحين اتعامل مع شركة ثانية بعد اشوفها مب احسن عنهم يتأخرون في توصيل الطلبات و يلخبطون الامور وايد وحدة من العين يطرشون بوظبي و اللي من الشارجة دبي و هكذا ...

يلا مشين عمرنا و ندور الارخص عشان نوفر على الزباين ... لاجل عين تكرم مدينة .....
24-01-1427 هـ, 01:06 صباحاً
 


[grade="4B0082 4B0082 800080 800080 FF1493"]

وعليكم السلام ورحمة الله وبركاته

يزاج الله كل خير ختيه جنااان على التنبيه

وعساه في ميزان حسناتج

[/grade]



24-01-1427 هـ, 01:07 صباحاً
 
هلا الغاليه

اليوم اكتشفت نفس السالفه
وحده من البنات جزاها الله خير قالتلي انها دفعت للمندوب 20 درهم ؟
والمفروض ان الميلغ يكون 15 درهم

كلمت المكتب بخصوص السالفه قالي خلاص ان بكلم المندوب وان شاء الله انها ما تتكرر
والله يعين على كم وحده ناصبين

ارجو من البنات اللي تعاملن معايه ودفعوا 20 درهم للتوصيل يراسلوني على الخاص
لاني ناويه اشتكي على كل مندوب يتصرف بهالاسلوب المنحط

يعني نحن متفاهمين مع الشركه وذابحين عمارنا من الاتصلات وغيره
واخر شي يرد ياخذ الزياده ويحطهن في جيبه؟؟!!!
24-01-1427 هـ, 02:54 صباحاً
 
حياكم الله خواتي

وأعتقد ان هالشركة هي اللي يتعاملون معاها أغلب بنات المنتدى
******************
الأخوات ms_safar / توته الحلوه

هي نفسها الشركة اللي تتعاملون معاها

والمشكلة اختي توتة اني يوم أكلمهم يقولون 15 وبعدين ياخذون من البنات 25

والبنات وحليلهم يستحون يخبرونا ان مندوب الشركة ياخذ أكثر

وانا بعد ناوية أشتكي عليهم >>>>>> وباخذ رقم المندوب نفسه علشان أهزبه ههههههه
******************
أختي الجوهرة

هم يقولولنا احنا نخسر مكالمات وغيرها وياليتهم يتصلون ويكلمون الا هي رنة يسوونها
ويسكرون والبنات طبعاً ما يعرفون ان هذا رقم المندوب.
******************

والمشكلة ان حتى الأرامكس حرامية بعد كانوا ياخذون قيمة التوصيل دبل ياخذون مني
ومن المندوبة ويقولون لكل وحدة ان الثانية ما دفعتلنا.

واحنا يا أخوات لازم ما نسكت عن هالشي مو معناه اننا بحاجتهم يقومون يستغلونا
الموضوع مو سالفة 5 أو 10 دراهم الموضوع يخص سمعتنا كتاجرات.

وبي يوفقنا جميعاً
24-01-1427 هـ, 05:25 صباحاً
 
أنا افضل يكون لكل تاجره مندوب خاص فيها وهذا احسن شي
24-01-1427 هـ, 06:38 صباحاً
 


الساعة الآن 02:51 .