تعالو اسمعو قصص برائتي يوم كنت برئه؟؟؟؟

بسم الله الرحمن الرحيم
السلام عليكم ورحمت الله وبركاته
كيفكم واش اخباركم وحشتوني مررررررررررره
انا اليوم جبت لكم موضوع واتمنى يعجبكم
بدون مقدمات >>>>>>>ماعندها وقت
السالفه ومافيها اني جلست اقلب في ام الافكار مدري وش اكتب لكم قلت مافيه غير اسولف لهم عن ايام الطفوله البرئه>>>>>>>ايه هين
وبقولكم وش كنت اسوي>>>ايام النجاسه والشيطنه>>>ايه لاتستغربون صدقتو انها برائه اصلن ماكنت اعرف شي اسمه برائه كنت راضعه مع شيطان مدري مع عفريت المهم اني كانت علي افكار ودهى وحنكه >>>>>حلوه دهى وحنكه
مادري من وين اجيبها وكنت رئيسه للعصابه المكونه من بنات خالتي ثلاث و مع اخوي و ولد خالتي إذا جيناهم بالغربيه
وبلحالي إذا جلسنا بيتنا اللي بنجد
اسمعو هذي السالفه
في يوم من الايام كنا مسويين حزب انا والعصابه المذكور اسمائهم اعلاه>>>>>>اخس ياللغه
وحزب بنات خالي وعياله واختي الكبيره بعد كنا نكرها >>>>منافقه تكره اختها>>>عشان كانت تحب اهل خالي>>>>سبب قوي
وكانو عيال خالي كل صيفيه يجون من الكويت واحنا نجي من نجد ونتجمع ببيت اهل امي بالغربيه
وكان حزبنا جالسين بالسطح عشان مانجتمع مع الحزب الثاني ماعجبني الوضع اليوم مر كذا من غير مضاربات:42: >>>>متعوده الاخت
فافكرت في حيله نزلت ورحت الثلاجه واخذت قطرة عيون وحطيتها على عيوني وسيلت منها كأنها دموع المصيبه كانو الحريم كلهم مجمعين بالمطبخ يسوون العشاء بس لحسن حظي ماشافوني وانا احطها
وطلعت لشلتي وانا مسويه نفسي ابكي:frown:
اهئ اهئ اهئ الحقو علي فلان ضربني اقصد ولد خالي
نط اخوي وولد خالتي ركض وينه فيه الحيوان:angry2: والله لنضربه قلت شوفوه طلع الشارع ويروحون له بالشارع
وهو مسكين مايدري اش السالفه جالس يلعب لا وتو امه مسبحته وملبسته ملابس نظيفه>>>>اجل وسخه
ويمسكونه بدون تفاهم هم عاد يبونها من الله ويضربونه ذاك الضرب وليش تضرب برأه وهو والله ماضربتها وانا تنكر ياكذاب >>>اخس يالصادقه
وفي الارض اللي جالس يلعب فيها طين مسكوه وطيحوه وعدمو ملابسه بالطين وننحاش ونخليه ويروح لامه يبكي وامه ماتقصر تهاوش بس مااحنا معطينها وجه ونقول هو اللي بدا
والثانيه ياحلوات اخت هذا الولد الكبيره راحت للسوق وشرت جزمه جديده الله يكرمكم وجت للبيت ورتها الاهل انا جت في بالي فكره>>>ام الافكار الفرعونيه
خليتها لين حطتها وراحت واخذت السكين وجيت وقصقصتها قطعه قطعه ماحد يدري مسكينه كانت شاريتها فيه مناسبه لما جت تبيها لقتها كلها مقطعه بغت تموت من القهر وانا ولاني هنى والا كني مسويه شي مادري عن شي>>>>بريئه
قالت شكله برأه باخرشي درت انه انا بس ضعيفه كانت ماتقدر تسويلي شي عشان امي واختي الكبيره تموت فيهم
شكلي طولت عليكم
بس اسمعو هذي بعد في بنات خالي اصغر وحده فيهم كانت اذا شافتنا راحت تركض لامها تخاف منا برغم من انا والشله طيبين مره >>>>>كثري منها
ونسوي فيها حركه جيناها قنا فلانه ليش ماتجين تلعبين معانا خلاص ماراح نضربك ونكلمها من ذا الكلام الحلو لحد ماقتنعت قالت امها روحي العبي معاهم البنت مسكينه مو متطمنه تعرفنا
المهم انبسطنا عشانه وافقت واخذناه قلنا تعالي بنلعب في مجلس الرجاجيل وكنا مخبين اخوي وولد خالتي فيه
وندخلها عليهم وكنا انا وبنات خالتي ثلاث وثنتين راحو يراقبون وثنتين دخلو لاتناظرون:ohmy: كذا لايروح فكركم بعيد ترئ احنا برئئين مره>>>>ليتك تخلين البرائه لاهلها
دخلنا معاها وجلسنا نضرب:024: فيها لين ماقالت امين
ضعيفه احساسه في مكانه عارفه خبثنا
تصدقون عاد ماكانو يسوون لنا شي بس احنا نذلين ولو ايش لايمكن نعترف بالغلط ودايم نحطه عليهم
هاه طفشتو ولا اكمل
طيب خوذو ذي مره لا لا هذي المره مو بعيال خالي اللي بالكويت هذي المره بزوجت خالي اللي بالغربيه
عطتنا عشره وقالت روحو للبقاله وجيبو كلور اكس كبير انتبهو تجيبون صغير قلت ابشري اعتمدي بس
طلعت قلت ايه هين
والله ونروح للبقاله قالو نبي كلور كبير قلت من جدكم
عطنا صغير وكان الصغير بخمسه وخمسه عطنا اسكريم>>>>اموت فيه>>>اشتهيت
وناخذه ونجلس بالشارع لحد ماغلقنا قالو اش نقول لمرت خالي قلت ابد عندي>>>>ادبرها والكذب جاهز:rolleyes:
رحنا للبيت قالت بدري وينكم
قلت بصراحه مالقينا كبير قالت طيب وين بقية الفلوس
تدرون اش قلت قلت طارت من يدي ومدري وين راحت وجلسنا من اليوم ندورها مالقينها ماخلينا لها مكان
صدقت ومشت عليها ضعيفه >>>>احنا هههههههههههههههههههه
تخيلو يابنات من الرجه حقتنا واللي نسويه بعيال خالي شرى بيت عند خالي اللي بالغربيه وصارو لاجو من الكويت يجون فيه يبون يفتكون من شرنا واحنا وراهم وراهم اتذكر مره جابو لنا هدايا من الكويت فساتين اول مانزلنت الكاروهات وقصيره مره حركات
وجو وسلمو وزعو الهدايا وراحو لبيتهم واحنا فرحانين فيها
وعلى طول نلبسها انا كان فستاني قصير مره
من فوق الركب وعلى طول نلبسها >>>>مشفح الحمد لله والشكر
ونروح لهم وهم يضحكون علينا ويقولون مسرع واحنا كنا نبي شي بس مادري وشو واكلمهم من غير نفس واشمق بعد>>>شين وقو عين لابسه فستانهم واشمق فيهم
انشالله اعجبتكم قصصي الديتو مع بنات خالتي
بس هالحين بقولكم حركاتي لوحدي>>>:09:ايه بعد ليه طفشتو
ماراح اطول بس بقول ثنتين
اسمعو هذي كنا في بيتنا الكائن>>>ابوك ياللغه
بنجد وكنا ساكنين احنا وجدي وزوجته وعياله اللي هم عماني بس زوجته مو جدتي لان جدتي مطلقها
بس زوجته هذي عسل بس انا ماينفع معي لا عسل ولا حتى قشطه>>>قلت راضعه مع سكني
المهم فاضيه انا ذاك اليوم ومن زمان ماسويت حركات :16: زينه >>>ليتك تسكتين
وامي ماخذه اخواني ورايحه لالسوق فرصه شفت عمتي>>>> كنا نقول لها كذا عشان ابوي يناديها عمه>>>من الاحترام الزايد عندي
رايحه تسوي لجدي شاهي جدي يشرب حالي بس مو مره يعني يحب الشاهي معتدل لما شفتها طلعت من المطبخ
قمت واخذت سكر كثير وحطيته بالبريق وطلعت بسرعه عشان ماتشوفني بس الغرض من هذا كله ابي جدي يهاوشها وتصير حركه بالبيت واجلس اناظر>>>لا اكثر ولا اقل
بس للاسف جدي طلع وماشرب الشاهي من حسن حظها
وسؤ حظي>>>>نجسه
ولا احد شربه وراح سكري خساره ياخساره
والمره الثانيه قبل لانجيب خدامه
كانت في الغساله مويه نظيفه حاطتها امي قالت عمتي لامي لاتكبينها بحط فيها مناشف المطبخ
انا سمعت الكلمه وفرحت رحت ركض للمطبخ واخذت طاسه معدن مادري اش تسمونه انتم ولونه كان غريب وهي الوحيده اللي عندنا بذاللون كان لونها ذهبي ورحت وحطيتها بالغساله عشان اذا عمتي شغلت الغساله تنفجع وتحسبه كهرب من لون الطاسه>>>ذكيه باسم الله علي
طولت عمتي ماراحت للغساله وانا نسيت السالفه
قالت امي روحي وحطي بدلت اخوك بالغساله بس تغسلها شوي قبل المناشف وطلعيها بسرعه قالت عمتي اجل بسرعه بحط المناشف>>>>ياذا المناشف
المهم رحت ادربي راسي ناسيه السالفه
واحط البدله واشغل الغساله وماتسمعون إلا صراخي :06:تقول مقروصه مدري وشو الصوت اللي طلع لي
واللون يبرق ويلق:32: تحت الصابون بالاخير تذكرت بعد مافجعت البيت يحسبون الكهرب ماسكتني
واكلت انا المقلب وبغيت اروح فيها>>>>بلاه من النذاله
هاه انشاء الله تكونو انبسطتو وماطولت عليكم>>>مره ماطولتي
ماعليش على التطويله بس ابشركم اني لما كبرت عقلت>>>>والله مااضن
وتصدقون كل سوالفي هذي وانا صغيره يمكن كان عمري بين الثمان للحدعش مدري ثنعش
وصرت اموت بأهل خالي اللي بالكويت ويموتون فيني >>>تطورات
وكل ماجلسنا جلسنا نتذكر ايام زمان
بس صراحه تجنن لها طعم >>>يالله عاد سمجتيها
بنات ابي ردودكم وتفاعلكم عشان اكمل لكم
ايه المشوار طويل لحد الكليه
اخليكم برعايت الله واتمنى تكون الكلام اعجبكم
باااااااااااااااااااي