مساء الخير عليكم جميعا،
اكتب موضوعي للمره الثانيه يمكن ألقى منكم وحده تساعدني،
أنا من البحرين وقرأت في منتدى ثاني عن هاللعبه وعجبتني واااااااايد وقررت أنا وبنات خالاتي نشتري لنا، ويوم طلبت من المندوبه اللعبه وقبل ماتدري اني من البحرين قالت لي اللعبه يمكن تأخر شوي لأنها تجيبها من البحرين
المهم قلت لها أنا من البحرين علميني شنهو المحل وأنا أجيب لي وأرسلج منها اذا تبين بسعرها الأصلي من غير عموله (((من باب التعاون بينا دامي في البحرين))ورفضت تعلمني المكان ،قلت لها حرام أدفع زيادة سعر وتكاليف شحن من ديرتها لين ديرتي واللعبه من عندنا،
هم رفضت،قلت لها أنا موظفه دوامين وتأكدي ما راح أدخل في هالشغله مو فاضيه ،
ورفضت.
وكل عشمي فيكم يابنات سواء من السعوديه ولا غيرها حطوا نفسكم مكاني،مو قهر أدفع السعر مدبول واللعبه في ديرتي،اذا ممكن يابنات اللي تعرف منكم المصدر الله يخليها لحبايبها تعلمني مكانها عالخاص وأنا بدعي لها ***** الله
وأنا عارفه انكم بتساعدوني.
25-01-1427 هـ, 03:01 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
شي غريب فعلا

بس اي لعبه تبين
25-01-1427 هـ, 03:47 مساءً
 
اي لعبة؟؟؟؟
25-01-1427 هـ, 03:57 مساءً
 
مرحبا اختي الغالية ,,,

انا ما أدري ‘إذا كنتي تقصديني بالكلام أو لا ,, انا ما كلمتج من قبل وأول مرة أشوف اسمج.

ويمكن تقصدي وحدة من بنات السعودية كلمتج عن اللعبة ,,, وما رضت اتقول انها من عندي

عموما اختي اللعبة الزوجية بالكريستال تقدري تاخذيها مني ,,,

ويا ليت اتفهميني شو صاير


تقصدين اللعبة بالكريسـتـال صح
25-01-1427 هـ, 07:20 مساءً
 
الغاليه لا تزعلين
هي المسألة مسألة تجاره يعني يمكن البنت تعبت كثير لين حصلت المكان اللي يبيعهم وحقها تتاجر وما تعلم من وين تجيب بضاعتها يعني شي يرجع لها اهم شي انها ما تغش احد وما تقول لاحد شي ثاني يعني شرعا يا اختي جائز لها انها ما تعلم بمكان البضاعه وصدقيني لو سألتي اي شيخ دين بيقولك مو حرام تصرفها وانه حقها انها ما تعلم لانها تبغي تجاره وربح وهالشي من حقها بغض النظر ان كنتِ من ديرتها او من ديره ثانيه

وهي اكيد ما زادت على حقها الدبل اتوقع انه لها ربح بسيط

وانا ما اعرف الاخت اللي تتكلمين عنها لكن تصرفها ما فيه حرام شرعا

لكن انا اناشد البنات اللي من نفس المنطقه يعني التاجرات اللي تقدر توصلها يدا بيد او تسلمها يدا بيد يا ليت ما ترفض عشان ما يطلع الشحن على البنات غالي

وان شاء الله تحصلينها وما تتكلفين شحن لها

والف تحيه يا طيبه لك
25-01-1427 هـ, 08:18 مساءً
 


الساعة الآن 05:41 .