نقول سعر سهم معين 330
تلاحظين من متابعتك له انه ينزل ل 325 او حولها وبعدها يرجع يطلع ل 330 او حولها
ويرجع ينزل ل 325 ويرجع يرتفع
هذا تذبذب للسهم
السعر 325 يسمى دعم بمعنى ان السهم كلما وصله يرجع يطلع من جديد (يسوي له دعم ومساندة)
والسعر 330 يسمى مقاومة لانه كلما طلع له السهم رجع نزل ماقدر يتعداه مسوي حاجز صد ومقاومة قدامه
وحتى يتعدى المقاومة ويثبت فوق 330 لازم يكون فيه طلبات كثيرة (اوامر شراء) تدعم هالسعر ولا تخليه ينزل

اذا جيتي تضاربين تشوفين الطلبات والعروض
تشوفين السعر الي عليه طلبات كثيرة وتقومين تحطين طلبك تحت هذا السعر بريال او ريالين
وتعرضين طلبك على طول عند السعر الي عليه عروض كثيرة
قبل لا ترسلون لي اي رسالة تأكدوا من الاسم
فيه عضوات كثار باسم بنت ابوها بس يختلفون بشي بسيط اما باقواس او مدة في الحروف
اضغطوا على اسم العضوة وبيطلع لكم خيار ارسال رسالة خاصة
واذا جيتوا تردون على رسالة اختاروا اقتباس مو تحويل عشان ماتضطرون تكتبون اسم العضوة مرة ثانة وتلخبطون بيني وبينها
اختي مشكوووووووووره على المعلومات المفيده خاصه الكثير منا مبتدئات بالاسهم
انا عندي مباشر العادي وماعجبني كثير لانه يعرض قائمتين وفي كل قائمه تختارين 15 سهم بس
من كلامك ان شاء الله اشتري المؤشر لانه احسن
والمؤشر من وين ناخده مثل مباشر بالمكتبات؟
بالنسبه لفتح المحفظه انا الاسبوع الي فات فتحت المحفظه بسامبا وطلبوا 50 الف واشتراك تداول بالنت اصبح الف بدل 500 في السنه
عشق ايه تلقينه في جرير وترى القوائم الثلاث تعرض 15 شركة بس القائمتين الاولات تعرض كل الاسهم
قبل لا ترسلون لي اي رسالة تأكدوا من الاسم
فيه عضوات كثار باسم بنت ابوها بس يختلفون بشي بسيط اما باقواس او مدة في الحروف
اضغطوا على اسم العضوة وبيطلع لكم خيار ارسال رسالة خاصة
واذا جيتوا تردون على رسالة اختاروا اقتباس مو تحويل عشان ماتضطرون تكتبون اسم العضوة مرة ثانة وتلخبطون بيني وبينها
بالنسبة للاكتتابات
- الشركات الجديدة اللي لسه مااشتغلت قيمة الاكتتاب للشخص في السهم الواحد 50 ريال والحد الادنى لعدد الاسهم هو 10 اسهم يعني المبلغ يكون 500 ريال للاكتتاب

- اما الشركات الي تشتغل في السوق فقيمة الاكتتاب 50 ريال+ علاوة اصدار تختلف بحسب تقييم الشركة

- موعد طرح الاكتتاب يطرح في الجرائد وراح تسمعونه في الاخبار الاقصادية يعني لا تخافون ماراح يفوتكم الاكتتاب
لانه سواء اكتتبتي في اول او اخر يوم عدد الاسهم اللي بتطلعلك هي بتكون نفس الي بتطلع لغيرك
- اما كم التخصيص فهو يعتمدعلى عدد الاسهم المطروحة + عدد المكتتبين

- حكم الاكتتاب يصدر دائما قبل طرح الاكتتاب وراح تشوفون المنتديات مليانة بمثل هذي المواضيع
روقوا وكل شي بتعرفونه في وقته
قبل لا ترسلون لي اي رسالة تأكدوا من الاسم
فيه عضوات كثار باسم بنت ابوها بس يختلفون بشي بسيط اما باقواس او مدة في الحروف
اضغطوا على اسم العضوة وبيطلع لكم خيار ارسال رسالة خاصة
واذا جيتوا تردون على رسالة اختاروا اقتباس مو تحويل عشان ماتضطرون تكتبون اسم العضوة مرة ثانة وتلخبطون بيني وبينها


الساعة الآن 03:35 .