بسوي رجيم بس أرضع... شسوي؟

مرحبا اختي صعود القمم
انا مثلج ارضع وصار لي شهرين اسوي رجيم ماخذته من اخصائيه تغذيه في مستشفى خاص
النظام وايد حلو بس ما ينزل وايد يعني 4 كيلو بالشهر لاني ارضع ولازم اسوي رياضة كل يوم ثلث ساعه على الاقل .
والي انتي اتسوينه الحين زين بس لازم اتقللين من الدهون والسكريات مع الرياضه ان شاء الله بينزل وزنج
واي سؤال انا حاضره

حبيبتي صعود القمم
اولا اهلا فيح في بيتج الثاني منتدى الحواء
احنا هني كلنا اخوات وحبايب انشالله
اختي انا بعد مرضع ابني الله يحفظه عمره خمس شهور
وصارلي شهرين ولله الحمد ملتزمه بنظام غذائي وما خف الحليب ولله الحمد
مع العلم اختي انا قبل ما اسوي رجيم حليب صدري قليل لكن الحين
بحمدالله لاني صرت اكل غذاء صحي زاد الحليب ( الله يديم النعمه علينا )
انا انصحج انج تروحين عيادة التغذيه بالمنتدى هذاوهناك الاخصائيات بيعطنج معلومات كافيه
وبالنسبه لي صرت اكثر من الخضار والفواكه والحليب خالي الدسم واكل الخبز الاسمر
لكن اختي لازم تاكلين رز ومكرونه وبطاط يعني نشويات لاجل صحتج وصحة البنوته الحلوه ( الله يحفظها لج ) لاااااااااااااااااازم لكن بكميات قليله
وحاولي الغاليه تمشين كل يوم نص ساعه او ساعه اذا قدرتي
هذا والله الموفق
لا تنسيني من دعاج الطيب خاصه لزوجي لانه مريض
وحياج اختي معانا مرة ثانيه

الأخت (( أم ساة ونورة ))
جزاج الله خير
والله يحققلج أمانيج
رفعتي معنوياتي لما قلت النظام زين الله يوفقج يارب
وأبي النظام اللي ماخذته عشان أعرف إني ماشيه صح وآكل زين عشان صحة بنتي
وآنا بس أبي أنزل 5 كيلو... بس بضل أحافظ على وزني إن شاء الله في الأشهر الياية
وبالنسبة للنظام اللي مشيت عليه من نفسي ومرتاحة بأكلي يعني أقدر أكمل طول أيامي جذي ومو متضايقة لأني ماآكل عيش أو كاكاو ... عندي عادي

وبببدى أسوي رياضة إن شاء الله

وماقصرتي أختي
====================

أخت (( دعاء الخير ))
فرحت وايد لما الرد وصلني من مرضعات نفسي عشان أثبت وأعرف إن معاي رفقة تعيني

الله يدوم نعمة الحليب على ابنج ويكبر ويبرج يارب

وماتشوفون شر والله يشافي بو عيالج

جزاج الله الفردوس الأعلى

نظام غذائي للمرضع

http://forum.hawaaworld.com/showthread.php?t=461998

لاتسوين ريجيم وأنت ترضعين بنتك لأن هذا موزين لكي ولبنتك