ياارب يوسع عليك ويزيد رزقك اذا قريتي الموضوع كامل وعملتي فيه

أسباب الرزق
أولا : اكثر من الاستغفــــار
قال تعالى: فقلت استغفروا ربكم إنه كان غفارا يرسل السماء عليكم مدرارا
مايبلها وقت فاضي يعني وانت تسوق السياره رايح العمل
وانت قاعد على النت لازق بشاشه الأسهم
وأنت في السرير تبي تنام بدال ماتنام على التلفزيون

ثانيا : التقــــوى
قال تعالى : ومن يتق الله يجعل له مخرجا ويرزقه من حيث لا يحتسب
تتقي الله في نفسك ومالك وعيالك
تبتعد عن الأسهم المحرمه لحد يقولي في مشايخ حللوها وعلى ذمه المفتي والله بتموت وماراح تنفعك الفلوس الا بتزيدك هم وعذاب يوم القيامه
مايخالف أبتعد عن الشبهات ماشاء الله الأسهم النقيه 23 سهم وأقوى التوصيات تجي عليهم غير ان في شركات كثيره في الطريق الى أنها تكون نقيه

ثالثا : التوكــل على اللــه
قال الرسول : لو أنكم تتوكلون على الله حق توكله لرزقكم كما يرزق الطير تغدو خماصا وتروح بطانا

تحط في بالك أن لاهيئه السوق ولا البنوك الي تعلق والجماز بكبره يقدر يغير من رزقك ولا قرار ترجيع النسبه 10ولاقرار تقسيم السوق ولااي نظام بالكون كله لازم تكون من داخلك مقتنع ان ربي الله بيرزقك مو هاذي الأنظمه والقرارات

رابعا المتابعة بين الحج والعمرة
قال الرسول : تابعوا بين الحج والعمرة فإنهما ينفيان الفقــر والذنوب

خامسا : صلــة الرحـــم
قال رسول الله : من سره أن يبسط له في رزقه وينسأ له في أثره فليصل رحمه
أمك من كم يوم ماشفتها خالتك أخر مره كلمتها من زين الطبايع بالتلفون لا ومن شهر
جدتك ماتت وكانت تتمنى تشوفك لاتقولي مشاغل لقيت 4 ساعات تقعد فيها على التداول
وطول الليل سهر مع الشباب وهات يابرامج تلفزيون وستار أكاديمي حتى وهم نايمين تتابعهم

سادسا : الإنفـــاق في سبيل الله
قال تعالى : وما أنفقتــم من شيء فهـــو يخلفـــه
بعض الناس الله يهديه الزكاه مايطلعها
لو كل واحد تصدق بس 10 ريال بالشهر وصلت اكثر من مليون

الصلاه
كثير الله يصلحهم يجمع المغرب مع العشا على باله مسافر والسبب انه لازق بالشاشه وين تبي ربي يرزقك لا ويحط المنبه يصيحه الساعه 9 ونص الصباح عشان التداول مايفوته ويقوم من اول تنبيه وصلاه الفجر لو تنفجر قنبله جنبه محد حولك
27-01-1427 هـ, 07:44 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
جزاك الله خير
27-01-1427 هـ, 07:51 مساءً
 
طبعا الموضوع يبين انه موجه للشباب والسبب اني كاتبته بمنتدى تداول فلاتستغربون
27-01-1427 هـ, 07:52 مساءً
 
الله يجزاك خير.. موضوعك يناسب الحريم برضه تصدقين اشوف بعض الحريم الكبار (كباااار) بالبنك اذا كان لي شغل، يصلن المغرب لازقات بالشاشه واذان الوحده تلقط كل التعليقات الي حولها!! الله لا يشغلنا بهالدنيا ولا يلهينا عن طاعته
27-01-1427 هـ, 08:27 مساءً
 
مشكوره جبل شامخ علىالرد والله يرزقك ويوسع عليك
27-01-1427 هـ, 08:34 مساءً
 


الساعة الآن 06:03 .