السلام عليكم ورحمة الله وبركاته

أخواتي في الله جميعا

أحكي لكم اللي حصل معي علشان تكونون على بينة من أمركم
اللي صار
أنه زوجي راح لبنك الراجحي يبغى يحول لمستفيدة أنا طلبت منها بضاعة وكان رقم حسابها في الأهلي
الحاصل
لما عبأ البيان كامل استفسر هل يأخذون عمولة أو لا؟
قالوا: نعم نأخذ عمولة.
طيب كم عمولتكم من بنك إلى بنك داخل السعودية؟
قال: ناخذ 50 ريال

تخيلوا يا أخواتي 50 ريال وأنا طالبة ب350
اضف إليها لو كان فيه قيمة شحن بمبلغ وقدره كذا
يعني على بلااااااطة:
تدبل سعر الحاجة اللي تطلبينها غصب ورى خشمك.

المهم:
اتصلت على بنك الرياض (وأنا عندي حساب فيه)
وسألتهم: هل تاخذون عمولة على التحويل من حساب بنك إلى بنك آخر غير بنكم داخل السعودية؟
قال نعم ناخذ.
طيب كم عمولتكم؟
نأخذ 15 ريال (أرحم شوي من بنك الراجحي الله يهديهم)
طيب إذا بنك آخر في الإمارات؟
قال ناخذ 30 ريال
وإذا كان التحويل إلى فرنسا؟
قال: عموماً أي بنك آخر خارج السعودية ناخذ 30 ريال.
وقال: وعموما يمكن أول ما تأسسين خدمة الحوالة ما يظهر عندك انهم خصموا إلا بعدين يعني بعد اسبوعين ثلاثة يخصمونها من حسابك.

وخووووووووووووووش تجارة
يعني الوحدة فينا تتاجر وما تطمع بالكثير يكفيها أحياناً خمسه عشرة عشرين إن كثرت في الربح.

وأثاري شركات الشحن تربح من ورى هالتاجرة
والبريد بعد يربح من وراها
والبنك يربح من وراها

واللي تروح ضحيتها
(اللي تطلب البضاعة)

نصييييييييييييييييييييحة

لا تطلبون إلا كميات كبيرة علشان إذا قطعو منكم مبلغ وقدرة يكون تعوضونه في الكمية المستفيدة منها
27-01-1427 هـ, 07:46 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يعين اختي
انا حولت من البنك الراجحي للبنك البريطاني واخذو العموله 50ريال مثل ماقلتي
27-01-1427 هـ, 08:25 مساءً
 
والله مشكله الصراحه

المفروض مراعاة للزبونه انو التاجره تحاول توفر كم رقم حساب في كذا بنك حتى لو تاخذ رقم حساب اخوانها او خواتها الي لهم حسابات ويتم التحويل من نفس البنك ارخص

الله يعين
27-01-1427 هـ, 08:31 مساءً
 
خليها على الله

انا صارلي مواقف مع هالبنوك والمصارف والقهر لما يرجعون المبلغ ويقولون الحساب غلط

ويخصمون دبببببببببل للتحويل ولتحويل العمله وبعدين لارجاع المبلغ ...........

والله قهرررررررر
27-01-1427 هـ, 11:10 مساءً
 
مرحبا

غريبة انا سألت بنك الرياض وقالوا ياخذون عمولة 50 ريال او 70 اذا برى السعودية
جربت احول الى برى السعودية عن طريق الويسترن يونيون الى مصر اخذوا 37 ريال
الى الامارات 52 ريال ليش ماادري !
واودعت مبلغ من البنك الامريكي الى حساب في البنك الامريكي ولا اخذوا عمولة
واذا من بنك الرياض الى حساب في بنك الرياض ايضاً مايخذون عمولة الإيداع مجاني

تحياتي
28-01-1427 هـ, 12:04 صباحاً
 


الساعة الآن 07:02 .