للي طلبوني قصة ولادتي

بسم الله الرحمن الرحيم

للي طلبوني قصة ولادتي

هذي هي القصة خصوصاً شابورة الامورة

لاتنسوني من دعواتكم الان لي 19 يوم والده


حبايبي والله الحمد لله ماخذت من شهري غير 10 ايام وولدت كنت بس امشي وكنت ادعي واقول يارب اولد وزوجي موجود والحمد لله ربي يسرلي وكان زوجي موجود
والله يابنات من جيت عند اهلي وزيارته دايم يوم الاربعاء الا المره هذي اصريت يجي الثلاثاء وبالفعل جاء الساعة 1 صباح الاربعاء اخر الليل في الثلاثاء وجلس مع الوالد حتى 3 الفجر وبعدين جلست انا وياه للساعة 4 وقلتله نام لانه كان تعبان ومرهق من الدوام على الطيارة على الرياض
والساعة 5 الفجر حسيت اني وانتم بكرامة محتاجة الحمام
وبس وقفت الا هذيك الويات اللي وصت الى اسفل رجولي وحاره
والانوار مافي ظلام الغرفة
ومافيني الم وخفت وقلتله قوم قوم قوم

قال وش تبين

قلت شوفني كلي مويه شكلها ولادة قام مفجوع قال يلا بسرعة خرجت بطلع البس والقى اخوي قال وش فيك قلت ولاشي روح بس

الظاهر انه حس وراح بلغ امي طلعت من الحمام لقيتها قدامي وتقول وش فيك

قلتلها كذا وكذا قالت اسم الله عليك لاتخافين بجي معاك قلتلها لا ماتجين قالت لا بجي وياك وانا اقولها لا

خلتني اروح واتاريها ورانا في سيارة اخوي

وانا ماحس بالم ولاشي واقول الحمد لله والولادة شكلها سهلة
عليمية تدرون بكرية ماعندي خبرة .....

المهم دخلنا الطوارئ واخذوني غرفة الولادة وكان فيه ممرضة اردنية دمها ثقيل جات واتأكدت ان المويات نزلت قالتلي انتي باقي 1 سم
والطلق ماهو منتظم ...

وفيك زلال قلتلها : مافيني انا من 3 ايام جيت للدكتورة ماقالتلي غير الوزن زايد مررررررررررره
قالت : هذا يدل ان عندك زلال حمل ومويات وبالفعل حللوا وطلع فيني زلال والحمد لله انه ماجاء غير على التاسع

المهم كانت نفسيات الممرضات خايسة لكن بدا الدوام الصباحي وجاء ممرضات غير للفترة الصباحية

ولله الحمد وحده اسمها هيام لبنانية محجبة زي السكره كانت معاي حتى نقلوني غرفتي والله ثم والله انها بعد الله خففت عني كثير وهدتني وقرات على مويه ورشتها على بطني وحتى طريقتها في القياس غير الدكتورات كانت تقيس الرحم بهدوء وتقراء عليه وتعلمني كأني بنتها ومع هذا مالها غير 7 شهور في المستشفى وماهي متزوجة

كيف تتحمل مدري والله الله يعينها لاتزوجت

المهم حتى الساعة 9 مافتح غير 2ونص وطلق ماهو منتظم

قلتلهم احس عندي الله يعزكم امساك اعطوني الحقنة وبهدها بدا الطلق يزيد والمويات وانا خفت وطلبت من ماما تروح هي وزوجي يرتاحون

ومع اصراري راحت الوالده ووعدتها من يصير 5 سم اتصل فيها

وسلمت عليها وقلتلها سامحيني وجلست تبكي

وقلتلها الان اللي عرفت قد ايش تعبتي فينا

المهم نكمل بدا يشد الام وهم وجات دكتورتي وقالت نعطيك ابرة تشد الطلق وتوسع الرحم وتهديك وتولدين بسرعة قلت لا
حاولت الممرضة فيني قلت لا والف لا ابغى اخذ اجر واولد طبيعي
قاست الدكتورة لقيته مفتوح 3 سم الساعة 11 بعدها شفت الام صح

وطلبت الابرة انا وقتها مع العلم ان الكمام معاي من دخلت غرفة الولادة

وبس اعطوني الابرة وانا مااصحى غير على طلقة واخذ الكمام وارجع انام

حتى الساعة 2ونص
وبعدها اشوفهم يقولون 8 ونص خلاص ولادة وانا ابكي مابغى اولد خلاص

قلتلهم هو في بطني والا في بطنكم خلوه مالكم خص اتركوه مابغى اولد وابكي وطلعوا زوجي من الغرفة ونسيت امي ماخبرتها

وهم يقولون ادفعي وانا اقولهم كيف ادفع هذي ماهي ولادة هذا امساك الله يعزكم وابكي
وهم يقولون الممرضات لا هذا البيبي يضغط على المستقيم فإنتي تحسين فيه امساك
وانا مصره انه امساك ماهي ولادة
اقولهم اول شي اعطوني مسهلات بعدين ولدوني افهموا انا احس هذي ماهي ولادة هذي امساك

والله جننتهم بس لما كانوا يقولون ادفعي كنت ادفع بذمة وهم يقولولي يلا بسرعة نشوف الراس وانا ادفع ونص ساعة وولدت وبعد ماخرج ماعاد حسيت بشي والله غير وهو على صدري ويقولولي شوفيه

وانا من شفته بكيت وبكيت ومدري ليه واشوف

زوجي وامي داخلين يشوفون البيبي بعيد من وراء الستارة والدكتورة ماجات غير وقت الخياطة والله وانا انقهرت من تصرفها هذا بس الحمد لله من شفت حمودي نسيت الولادة والام وكل شي


الله يرزق الكل ولادة سهلة مع العلم انا عمري ماتخيلت الولادة او فكرت فيها

والتساهيل من الله رب العالمين


بس يابنات

احس فيني هواء من ..... وش حله رغم اني اتدفى وسويت كل شي في اكلي وشربي بس مقهوروة

ساعدوني واعذروني حمودي ماخذ كل وقتي

وبطني صغيرونه وابيها تختفي واش اسوي غير الربط لاني رابطة

وابغى اطلع من الاربعين قمر وش الحل ساعدوني ينفع اسوي ريجيم الا او بعد 20 يوم من الولادة رغم ان نفسي مسدودة ساعدوني باقي وارجع وزني 7 ك بس انا ابغى انقص 10 ك


ساعدوني في الخلطات المجربه وسؤيعة المفعول



وعلى فكرة فاطمة عسيري ومستشفى المملكة ماهم ذاك الزود والله انصدمت فيهم مررررررررررررررره


بس الحمد لله اتسهلتلي والتساهيل من الله