ماشاء الله عليها ست بيت ولا كل الستات , الله يحفظها لك إن شاء الله .

وتسلمين عالتصوير وتسلم إيد بنتك إللي أعدت لنا هالطبق .

وبالتوفيق لك إن شاء الله.
29-01-1427 هـ, 06:11 مساءً
 
الله يحفظها يارب
29-01-1427 هـ, 07:55 مساءً
 
ما شاء الله تبارك الرحمن الله .. شكلها ست بيت زي أمها .
كم عمرها يا الله علشان أخطبها لولدي .....
29-01-1427 هـ, 08:58 مساءً
 
om nona
سكر
مصدعه
zayyoda
******_artest
كوب قهور
أم الركني

تشرفت بمروركم حبيباتي
وجزاكم الله خير.. الله يبارك لي ولكم في ذرياتنا ويجعلهم صالحين مصلحين

أم الركني ههههههه
بنتي عمرها 16 سنه وغير أنها طباخه فنانه وماهره تعجبج ......ماصدقت حد يخطب بنتها ههههههه
30-01-1427 هـ, 12:21 صباحاً
 
الغاليه

مرة عبدالله
طلتبي طبق الباستا وهذي هي المقادير وآسفه حاولت أنزل الصور بس مانزلت بحاول أنزلها مره ثانيه ان شاءالله

المقادير :

كيس معكرونه شرايط ( يازين الوصف )
بصله وحده مقطعه جوانج رقيقه
حبة فلفل بارد أخضر واذا عندج أصفر وأحمر بيكون أحلى
مشروم مقطع
خلطة باشاميل مازولا هذي أحلى وأسهل من الباشاميل المعتاد
علتبين متوسطه جبن شيدر مبشور
التوابل :
ملح -فلفل أسود-زعتربري - ملعقة صغيره فلفل أحمر حار وهذا حسب الرغبه

*الطريــفه :

اسلقي المعكرونه مع الزيت وقليل من الملح وماتخلينها تستوي حيل
حمري البصل تحمير خفيييف أضيفي له الفلفل مع المشروم
أضيفي عليه المكرونه بعد تصفيتها من الماء
حضري البشمل بالطريقه المكتوبه على الكيس ( أنا بعد ماأجهز الباشاميل )
خليتها تضيف له نص كأس كريمة الخفق حتى يكون قوامها خفيف نوعا ما

أضيفي الفلفل الأسود والأحمر وقليل من الملح وملعقة الزعتر البري
أخيرا أضيفي له الجبن المبشور وخليه على النار لمدة دقيقتين فقط

الحين جهزت خلطة الباشاميل بالجبن صبيها على المكرونه على طول وهي ساخنه

أهم شي أن هذا الطبق يقدم ساااخن حتى مايجمد الباشاميل والجبنه عليه

ماعليج من كثر الشرح بس كله سهل وماياخذ منج الانص ساعه بين التحضير والطبخ

صحه وعـــــافيه على قلبج


بنات أمانه تدعون حق بنتي أن الله يوفقها بامتحاناتها الثانويه
وتجيب النسبه الي تفرح قلبها وتفرحنا معاها
30-01-1427 هـ, 12:36 صباحاً
 


الساعة الآن 02:28 .