السلام عليكم ورحمة الله

ابي ادخل بالموضوع على طول

بنات انا تعبت كثيررررررررررررررر من البحث عن وظيفه !
هل فيه امل ان اجد وظيفه ولا لا؟

مو مهم عندي ولا اتشرط أي وظيفه تعبت كثير من القعده بين اربع جدران
وفي نفس الوقت ودي أساعد ابوي لاننا حنا عائله كبيره جدااااااا
واكبر اخواني لسى طالب باول جامعه0
وابوي ماعنده عمل وكبير وفيه ضغط وتعبان تجيه احيانا حالات اغماء
والله اني اكتب لكم وانا خانقتني العبره احيانا احط راسي على المخده والله اني ما انام اقعد افكر في بكره وش راح يصير 00 وشلون يمر اليوم 00 حتى والله العظيم ان تلفون البيت منقطع له أكثر من أسبوعين بس استقبال لان ماعنده مبلغ يسدد 0
يالله يالله يصرف على البزارين في الاكل00000 والله اني اكتب لكم وانا في وضع لايعلمه الا الله 0000000000 ولو اكتب لكم تفاصيل حياتنا يمكن يجي بكره ما خلصت بس خلوها على الله

اخواتي الله تشوف انها راعيت فزعه ونخوه وتحس انها قادره تساعدني

والله ثم والله انني لا اريد سوى وظيفه وما يهمني كثر الراتب يمكن القليل يكون فيه بركه كبيره ولا عندي طمع اللي كاتبه الله راح اخذه000 بس ارتاح واريح ابوي خايفه يصير شي فيه لاننا بحاجه لوجوده مالنا غيره بعد الله 000

الله يجزاها جنات النعيم اللي تساعدني
ولاتقولون روحي قدمي مدارس اهليه لانهم بصراحه حفظو وجهي من كثر ما اروح وعقدوني بكلمة خبره

بنوك نفس الشي رحت لكن مالي نصيب فيها ورحت ورحت ورحت 000 لكن الحمد لله على كل حال والله هو الرزاق ومقسم الارزاق

بس تكفون لاتردون اختكم واللي تدخل وتقرا اتمنى انها تدعي لي وتتخيل لو هي بمكاني وش راح تسوي ؟

والحمد لله 00 اعذروني على الاطاله بس احس بغصه ولا قدرت انام مع العلم ان هاذي مو اول مرة اكتب اطلب وظيفه والله ثم والله اني مستحيه منكم بس قلت ابي احاول لعل الله يكتب لي هذه المرة الحظ والنصيب

اعذروني مره اخرى0
سبحان 8 دخلو ولاردو حتى دعوه مافيه!!!!!!!!!!!!!!!!!!!!!!!
عسى الله يوفقك ويكتب لكي الي فيه الخير والصالح لكي يارب ويخليلك ابوكي يارب
اختي اكثري من الاستغفار وبني ادم ماياخذ الا الي الله كاتب له .. ولو بيدي شي كان ساعدتك بس انا اقترح عليكي يعني لوو انتي شاطره بالطبخ ولا بمهنه انتي شاطره فيها استغليها والله كثير من البنات كسبو الكثير من هالشغله ولا تصيرين مكتوفة اليدين لين ربي يفرجها ..
الله يرزقك اختي وربي ودي أساعدك بس مابيدي شي ابشري بالخيران شالله وربك كريم أكثري من الدعاء في الليل واكثري من الأستغفار لأنه يجيب الرزق


اللــــــــــــــه يوفقــــــــــــــــك
اختي صادقه الله يوفقك ويفرجلك و يعافيلكم ابوك فيه مدرسه محتاجه معلمات ابجيبلك رقمها ان شالله
بعدين انتي تبين بس بنوك ومدارس
ممكن تصيرين مندوبه مجلات دعويه ونسائيه
بنات بليز اللي تحس اني ساعدتها ولو بشي بسيط تدعي
لأبوي
بالرحمه والمغفره والخلد بجنات الفردوس
والمسلمين جميعا


الساعة الآن 05:08 .