Analysis Services
السلام عليكم ورحمه الله وبركاته
كيف حالكم يابنات انشالله كلكم بخير

ما بطول عليكم المهم
شورايكم كل وحده عندها اكله فيها كريمه مخفوقه تحطها
اكيد في وايد مثلي يحبون الاكله اللي فيها هالكريمه وانا ببدا
واحطلكم طريقه سهله
جيبي خضره مشكله ( بطاطس طماطم جزر بصل ذره ...)حطيها في البايركس
وصبي عليها الكريمه لين تغطيها وجيبي شويه ماء مغلي حطي فيه ماجي عشان يذوب واي بهارات تحبينها وصبيها في الصينيه غطي الصينيه بقصدير ودخليها الفرن
يوم بتستوي الخضره شلي القصدير وحطي فوقها جبنه مبشوره ورديها الفرن لين تذوب الجبنه وبالعافيه عليكم

يلا انتظر مشاركاتكم الحلوه ولا تطنشوني ولا بتعقد في حياتي
28-01-1427 هـ, 01:06 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
لي عوده
28-01-1427 هـ, 02:36 صباحاً
 
وانا مثلك احب هالاكلات بس ما اعرف ساويها يا ريت البنات يفيدونا وخاصة باطباق المعكرونة شكرا يا حلوة
28-01-1427 هـ, 03:42 صباحاً
 
وأنا معاكم


دايم فى المطاعم يقدمون ستيك عليه كريمه ياريت اللى تعرف أى اكله فيها كريمه تحط الطريقه عشان يكون فى تجديد بالأكل شوى
28-01-1427 هـ, 06:59 صباحاً
 
آلاء
احنا في انتظارك

لوليا
انا بعطيك طريقه معكرونه لذيذه
المقادير:
فلفل بارد احمر واخضر واصفر وبرتقالي
دجاج مطبوخ ومنتف
ذره
كريمه مخفوقه
معكرونه
بصل
الطريقه:
تقلي البصل شوي بعدين تحطي فوقه الفلفل الملون والدجاج حركيه شوي وحطي البهارات
اللي تبغينها
وبعد ماتسلقين المعكرونه تحطينها وياهم حركيها شوي وصبي الكريمه المخفوقه
لين يغطي المعكرونه واتركيها لين تحسين انها غلظت بعدين حطيها في بايركس وحطي
عليها جبنه مبشوره وحطيها في الفرن لين تذوب الجبنه وبالعافيه عليكي


جود
شكرا على مرورك وانشالله البنات يعطونا وصفات حلوه وانت اذا لقيتي شي لا تنسينا
28-01-1427 هـ, 09:18 مساءً
 


الساعة الآن 04:22 .