او نونا تسلميلي حبيبتي وجزاك الله الف الف خير على الصور ومساعدتك لي وابشرك انا اليوم رحت تيسكو واشتريت القشطه العلب حقت نستله بس ما لقيت غير المقاس الاكبر من الصوره اللي مقاسها 283g
بس مشي حاللك المهم اني لقيت البديل وتسلميلي حبيبتي على الجبنه عن جد جات في وقتها لاني بنتي كانت ماتاكل غير جبنة بوك وبعد المقاطعه صرت ما اجيبها وصرت اجيب جبنة البقره الضاحكه ويعني نوعا ما عجبتها تسلمي يارب والبف باستري فعلا شكلو طيب احسن من اللي كنت اشتريه لاني كنت اشتري زي ماقلتي القطعه الكبيره واحيانا كمان ماتطلع العجينه طيبه لاني كنت استخدم انواع مختلفه حسب الموجود معليش طولت عليكي بس بصراحه فرحت مره لمساعدتك لي وبصراحه مره ارتحتلك وياريت ترسليلي رقم تلفونك اذا حبيتي على الخاص لاني اتمنى نكون اصحاب واخوات في الله بس تعالي قوليلي انت اصلا من وين يارب تكوني من السعوديه ومن جده بالتحديد عشان اذا ربنا اراد وصرنا اصحاب نكون في بلد وحده ونتزاور وانت لك حرية الاختيار في ارسال رقمك وفي امان الله
06-02-1427 هـ, 03:25 صباحاً
 
والله تركت جلاسجو من ثلاث سنين بس لازالت في قلبي ما اقدر انساها ابد يعني اول ما فتحت عيني على الحياه الحقيقيه من زوج وعيال وطبخ فتحتها هناك انا اول كنت ساكنه بوسط المدينه قريب الجامعات في مبنى اسمه منيرفا كورت بعدين انتقلت لفيلا في الضواحي لمن كان زوجي يسوي الزماله البريطانيه والعيال برضه زادت فقلنا احسن ننتقل لفيلا سكنا بمنطقه اسمها بيشوبرجس تصدقين كنا نتجمع نحن والعوايل تقريبا عشرين عايله في مبنى استاجرناه كل يحط مبلغ فكان فرصه نتعرف كل يوم على ناس جدد ونتعلم من بعضنا كنا مثل الاخوة ما حسينا بالغربه والحمدلله واذا حصلتي فرصه او اجازة روحي لهاي لاند منطقه بن نبفس تهبل تهبل هالمنطقه جمال مناظر وخدمات ترفيهيه وروحي ادنبره بعد حلوة واستفيدي من عروض الصيف تعرفي قبل لا انزل البلد رحت التنزيلات ابي اتشرى هدايا رحت فريزر عنده تنزيلات لثلاث ايام تعرفي كرستيان ديور نزل سعر اللبستيك من 12 باوند الى باوندين ونص والبلاشرز بعد والبودي لوشنز صار بباوندين خذيت بالهبل ووزعت هدايا فخمه بس اسعارها حلوة الناس عبالهم اني صرت كريمه فجأه ما عارفين تنزيلات بريطانيا اللي من جد ما تتفوت بس باقولك شغله استفيدي من كل شيء هناك البلد بترجعيلها بحيل الله بس هالفرصه ما تتعوض انك تكوني برووحك ويا ريلك وعيالك حتى الزوج يتعلق بحرمته ويقدرها اكثر هنا لانه مثل ما تعرفين لا اهل ولا شيء واذا تعبتي اقري قران وايد طلعي عيالش وتمشي اعتمدي على نفسك اكثر ....اسمحيلي طولتها وهي قصيره
06-02-1427 هـ, 03:58 مساءً
 
تسلمين اختي بنت النور عللى كلامك الحلو وان شاء الله اخذ بنصيحتك
07-02-1427 هـ, 02:01 صباحاً
 


الساعة الآن 01:58 .