انا عن نفسي كل رساله ارد عليها امسحها الا عقب مااشوف مسج منهم انهم ارسلوا المبلغ
بعدين احجز الاغراض لهم .............وارسلها او اذا كانت زبونه عندي ساعتها الامر مختلف.

بس الحمدلله ما صادفت اي مشكله مع البنات ........وكلهم ذووووق والله ...............
ياليت السالفه على هالشئ وبس
انها تقول ضرووووووووووورى وينج اختى ومحتاجه رقمج ضروووووووووري
وفى الاخر تسوى حركه بايخه منها
(( تقوم اطرش رساله على الموبايل وتعرض بضايعها من البخور والعطور وغيره ))
الغاليه عندج المنتدى والرسائل الخاصه اعرضى اللي تبينه
انت تبيعين بخور وعطور انزين انا شو تجارتى فول وفلافل انا بعد بخور وعطور
اتمنى تقرا الموضوع الاخت
الغالية أنا ما أخذ كلمة إلا للي تحول بيزات علشان ما أنحرج مع الناس...أو اللي اتكون زبونة دايمة عندي...



***
شوفوا شو سوتلي العضوة المبدعة E_mail!!
هلا وغلا حبيبتي .

أولاً الله يوفقك بتجارتك , ويفتح لك أبواب رزقه .

ثانياً : صدقتي بالنسبه للبنات , طبعاً مش الكل .

في بنات رهيبات وذوق , من حبهم لك يدورن لك الزباين ,وفي زباين صاروا صديقات لي بالنت نسهر ونضحك ونستمتع والأحاديث تطول بالساعات معاهم .

وفي بنات عيون لي بالمنتدى الله يحفظهم , إذا شافوا أحد تكلم علي يدافعون , إذا شافوا مدح لي بشروني على طول , وإذا خبر حلو أو أي شيء يسر على طول مسج بالجوال لا يفوتك أدخلي , من جد روعــــــــــــ ــه , بس إني ألقى بنتين بهالأخلاق ينسوني كل مشاكل الشغل واعرف إن الدنيا بعدها بخير , حتى لو قابلتني مليون وحده من الشاكله التعبانه عادي أستحمل , وأحمد ربي ان في بنات ذوق وأتيكيت وحسن تعامل , والانسان أخلاق قبل كل شيء .

نجي للبنات إللي بالقائمه السوداء:

طبعاً بمقدمتي ما أبي اقول إني ملاك وما في أحد قهرني أو طلع عيوني حتى , بس حبيت اوفي كم بنت حقها من غير تخصيص أخاف أنسى أحد .

أول مشروع لي كنت أتوقع إن كل بنت ترسلي عالخاص وتتفق عالسعر راح تشتري مني , بس أكتشفت إن كل يوم تجيني 15 رساله عالأقل مع إن كل المعلومات والتفاصيل ذكرتها بالموضوع ماعدا رقم الجوال والحساب , أتفاجأ أنهم يستفسرون عن سعر البضاعه , وياخذون رقم حسابي ورقم جوالي وكيف نتقابل وشلون نستلم وأحجزيلي راح أخذها إن كثر بعد 3 أيام , تمر 3 أيام , يمر أسبوع , أسبوعين لا حس ولا خبر وين البنت ؟؟؟ أقول يالله معذوره يمكن صابها شيء , أرسلها رساله عالخاص وينك ؟؟ ماتبينها أصرفها :
طبعاً في مليون رد للتصريف من أحد الردود :

معليش حبيبتي صارت لنا حالة وفاة ؟؟ وانا كل يوم اشوفها تدور بها المنتدى <== مش بنت وحده اكثر من بنت قالوا هالرد والعذر إللي أقبح من ذنب , المشكله ترجع تحط موضوع بقسم العطور مثلاً بنات أبي عطر جديد يهبل يخلي الكل ينسطل ياعيني موب عندك حالة وفاة .(نصيحه: الواحد مفروض يتمنى لنفسه الخير مايتفاول بالشر , صرفيني بذكاء على الأقل أو بصراحه ) .

عذر أخر : معليش زوجي مايرضى أشتري من النت , طيب كلفي على نفسك شوي وأرسلي رساله قولي يا اختي ماأبي .

رد ثاني : إلا أبيها والله أبيها بس أصبري أسبوع <=== هذي أكبر نصابه ماتبي بس تصلح نفسها شرايه ليش ماأدري ؟؟؟

وغيره الكثير الكثير , وكل وحده عذرها منيل بستين نيله .

مشروعي الأخير إللي هو العدسات , تعلمت خلاص والمؤمن لايلدغ من جحره مرتين .

ماأحجز ولا أورط إلا لما أشوف الفلوس بحسابي كلهم أقولهم إذا جيتي خير وحياك الله .وما اتعب نفسي وألحق أحد , مالحق إلا إللي أعطيتها كلمه أقولها تراها وصلت تبين ولا أصرفها ؟؟

طبعاً مو الكل بنفس الأسلوب في بنات أرسلهم لأني واثقه فيهم ومبين من طريقة تعاملهم راقيه , وفي بنات هم زباين من زمان عندي وبينا موده عادي أرسلهم .

شيء ثاني إللي يقهرني التاجرات نفسهم إللي على الأقل مرو بنفس التجربه والحوسه والتعب وإنهم ينصحون ويكتبون ولا أحد يجيهم , ليش هم نفسهم يصلحون هالحركه ؟؟؟؟؟

ليش ؟؟؟

تصورو والله تاجرات مشهورات بعد مو وحده ولا ثنتين بالهبل يطلبون ماأشوف إلا غبارهم , على الأقل قولي شكراً , أو تطلب نصيحه وماترد ؟؟؟؟ <==

xxxxx
المشرفة


وغير كذا انا مره أرسلت لتاجره هي مره وحده ومافي غيرها وهي عارفه نفسها , البنت بصراحه كانت ذوق ذوق ذوق , يعني عسل صافي , المهم قلتلها من البدايه يابنت الحلال أخاف أتعبك وأخرتها صديقتي ماتشتري منك الطلب ماكان لي , قالت عادي ماراح نخسر شيء ونصبر , وفعلاً كانت ذوق , المهم صديقتي تأخرت بالرد علي كنت أرسل للتاجره أقولها سامحيني اخاف البنت تكون راعية 60 كلمه , قالت لي عادي , ولما أرسلت لها بعد فتره أقولها للأسف ماتبي تشتري , ماردت علي , هو مو واجبها إنها ترد بس حسيت إنها زعلانه إني ماشريت منها .

التعامل التجاري مو شرط كل من أرسلك بالخاص يشتري منك , شوفي أستفسارتها طلباتها , إتفقوا على الأنسب للطرفين , بس أنها تاخذ الحساب وتتفق بعدين تروح لا مايجوز , أما لو كنا ببداية الأتفاق عادي من حقها السلعه عرضه للمشتري بأي محل تلقين الزباين يلعبون بالبضاعه لعب وأخرتها يطلعون مافي مشاكل عندي , بس بأدب بذوق .

معليش راح أقولكم شغله يمكن مالها دخل بالموضوع بس راح تثري الموضوع , في أكثر من بنت طبعاً كل وحده أرسلها عالخاص أعطيها رقم جوالي وأسمي الأول أحياناً , تصورو لوين وصلوا هالمشتريات , هم مين الله أعلم لانه باليوم أرد على أكثر من رساله ؟؟

يعطون رقمي اصحاب محلات البصريات ؟؟ ويقولون لهم كلمو الأنسه ...... تعطيهم هالفالحه أسمي وقولولها من وين تجيب عدساتها ؟؟ xxxx تبغين مني أطلبيها مو توزعين رقمي على رجاجيل العالم كل يوم واحد جديد يجي يستكشفني عيب والله .

يعني ماأدري وش يحسبون البعض إنك تكسبين فيهم ملايين , ولا تنصبين عليهم , وش القصه الله أعلم ؟؟؟

وتصرفات البعض ترسل رساله بالجوال توفرين هالعدسات ؟؟ بعد ماأرسلت عالخاص .. ماتبي تدفع أجور المكالمه , والأدهى والأعظم دقي علي ؟؟ <== هذي مشتريه مامن أبوها فايده أسفهها مبين فيها راعية لعب .

وفي زباين يدقون أخر الليل , 2 و 3 الصبح ؟؟؟ <== وين أنا فاتحه ملهى ليلي وأنا مدري ,, يعني جد ماكأننا مسلمين ودينا مربينا , أنا إذا صديقتي الروح بالروح أستحي أدق عليها بعد 10 المساء

والله لو أكتب معلقه فيهم ماراح يكفي .

ونجي لسالفه ثانيه سالفة سرقة الأفكار والمنافسه الغير شريفه , تصدقون في تاجرات يبيعون شغلات حلوه , اجي أدور في ردودهم ألقى ماأخذ عليهم ألقاها نفسها تدخل موضوع وحده من الاخوات تقول سعرك غالي ؟؟؟ <=== مو حرام بالله مو قطع للرزق ذا , لكل مجتهد نصيب أفتحي موضوع ثاني وأعرضي بضاعتك لا تنافسينها بموضوعها مايجوز والله

التاجرات عليهم مآخذ والمشتريات عليهم مآخذ عشان نكون منصفين .

كونك تاجره لا تشوفين نفسك عالناس , وكونك مشتريه منتب أفضل من البائعه .

ولا أحد يحقر بضاعة احد أو يستصغر الشغله إللي يبيعها , وكل تاجره حره بالسعر إللي تعرض فيه بضاعتها إن شاء الله بمليـــــــــــ ــــــــــــــو ن , دام انها ماتحتكر شغله ضروريه بالحياه هي حره , لاأحد يفاصلها بالسعر يقولها ظالمه.

معليش أطنبت وخرجت عن الموضوع ويمكن خربت موضوعك أختي fofo2004 , بس موضوعك جاء بوقته ومحسوبتك تحب الهذره الواجد .

وتسلمين حبيبتي على الموضوع وياليت نشوف ردود كل التاجرات ونثري الموضوع مانبي وحده تتهرب , وأيضاً نبي نشوف ردود المشتريات .

وبالنسبه للتجديد إن شاء الله قريباً راح أطلع جديدي , وأتمنى لبقية التاجرات الخير والتطور والنجاح .
انا ان شاء كل التاجرات مايكونون زعلانين مني ولا مره سويت هادي الحركه بحياتي بس مره كانت وحده عارضه حاجه مش حاطه صورتها على العام ومش كاتبه ايش هيا كاتبه لا يفوتكم قمت ارسلت لها على الخاص بس لما شفتا ايش تبيع ماعجبتني فما اخذت منها اخاف تكون زعلت مني
ميكي كلامك صحيح حقة سرقة الافكار الحين كل البنات قامو يقلدوكي ويبيعون عدسات وحتى صارو يكتبو زيك وانا اقولك انتبهي من البنات انا والله مش جايه افتن بس انا لما اطلب حاجه اطلبها على العام فكانوا يجون التاجرات اللي يبيعو نفس بضاعتكي ويرسلولي على الخاص زيك تمام باااااااااااااا ااااااااااااااا ااااااربي كنتا زمان طالبه من ميك اب شريط بسام قامت باااااااااربي وارسلت ليا عالخاص انها ارخص من ميكي يعني تحبي تسرقي رزق غيرك والله انا مااحوب اتعامل مع تاجره كدا انتي معقوله تحبي احد يبيع على بيعك حتى نبينا الكريم منع عن هادا الشي
وكمان شفتا ردك لوحده كانت تبيع فير سيراميك للشعر دخلتي موضوعها وقلتي انك تبيعي ارخص منها بالله هدى اخلاق تاجره بعدين تجوا تسبوا على الزباين كيف تبغوا الزباين يحترموكو وانتم ماتحترموو نفسكم بالاول
انا ماني تاجره بس كل يوم اشوف تاجره تقعد تقول اوف من هادولا الزباين انتو شوفو نفسكم بالاول كيف تتعاملو بعدين تعالو من التاجرات الكويسات طبعا ميكيييييي وامثال وفي وحده اذا ربي اعطاني بشتري منها الاخت اسبرانسا مره تحسي اخلاقها حلوه وتوته الحلوه مره تحسي انهم جنان والبنات مره يمدحو فيهم والباقيات فيهم الخير بس انا ماتعاملتا معاهم


الساعة الآن 01:36 .