Analysis Services
فعلا انا ملاحظة هذا الشئ

اول ماتجي وحده تحط موضوع

مثلا ساعات

وتكون ماركة ويكون الاقبال مرة حلو عالبنت

تجي تاني يوم تلاقي وحده منزلة نفس الموضوع بتغيير بسيط

والله يهدينا ويهديهم للخير
02-02-1427 هـ, 04:57 صباحاً
 
******_artest

اختى ليكون تقصديني انا لما سالتك من زماااااااااااااااااااااااااااااااااااااااااااااااااااااااان عن اسعار العدسات يوم اقولك وحده تبي بالجمله ؟

وانا الحمد لله كنت جاده بسؤالي بس هي لقت مكان بالشرقيه يبيع لها وجابت من الامارات

واذا انا ما كنت اقصد اني ازعجك
02-02-1427 هـ, 03:57 مساءً
 
الله يهداكم يا بنات ماله داعي الهواش
02-02-1427 هـ, 04:29 مساءً
 
والله انا مو تاجرة لكني بديت الاحظ ان في حسد من بعض التاجرات بينهم وبين بعض ويبين من ردودهم
مثل الاخت اللي دشت تقول بعض التاجرات يدشون مواضيع غيرهم ويذمون بضاعتهم
حسبي الله عليهم مايخافون ربهم

انا تعاملت مع فتون علف صراحة انسانه وايد وايد راقية كثر مااقولكم ماتتصورون ماشاء الله عليها
تخيلوا شريت منها خلطة للشعر لما سألتها عن السعر قالتلي 20 واذا غالية عليج انا ممكن اعلمج شوية وصفات تنفع شعرج تسوينها من مكونات موجودة بالبيت عندج
بذمتكم في وحدة تقول للزباين هالكلام؟ الا والله ثلاث ارباعهم يقولون الزين عندنا والشين حوالينا وخلطتي احسن شي واذا مااستعملتيها مايتسنع شعرج
طبعا في منهم نفس مستوى اخلاق فتون لكن وايد منهم العكس
وفتون ماشاء الله قالتلي شنو نوع شعرج وانا اقولج شتسوين وشتشترين
والله اكتبتلي لستة وصفات وانواع فيتامينات وكل شي ممكن يساعدني في حل مشاكل شعري بدون ماتصر على اني اخذ خلطتها بيض الله ويهها
وبارك الله فيها ويارب يرزقها من اوسع ابوابه

واللي حز بخاطري ان وحدة تاجرة بالمنتدى الله يسامحها داشة موضوع فتون تسب وتغلط وتقول انا شارية منج ومااستفدت وقصيتي علي وخذيتي فلوسي وانا شارية 3 مرات<<<<<يوم مااستفدتي من اول مرة ليش تشترين مرة ثانية وثالثة تحسون جذابة

وفتون ماشاء الله عليها ترد بكل ذوق وادب واحترام وهذيك تزيد بالسب والتسفل
انزين انتي جذيه طحتي من عين زباينج حتى

لا وهالتاجرة حاطة موضوع تبيع فيه منتج وتقول اللي تبي تشتري ترد واللي عندها راي خاص تحتفظ فيه لنفسها واللي موعاجبها لاتدش!!!! بالله عليكم هذا اسلوب وحدة تبي تبيع ولا وحدة تبي تتهاوش؟؟؟
الحمدلله والشكر
سبحان من خلق وفرق

ومااقول الا الله يعطي كل انسان على قد نيته ويرزق فتون ويكثر من امثالها
ويبعدكم جميعا عن عيال الحرم والحساد الله يكفيكم شرهم قولوا امين
02-02-1427 هـ, 04:54 مساءً
 
من جد يابنات ليش على طول تقلبو الموضوع للخناق هدونفسكم ومالو داعي التعصيب
02-02-1427 هـ, 04:57 مساءً
 


الساعة الآن 03:57 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏