مشكورين ألف شكر على التوضيحات

وأخص اختي نبض الوفا على الشرح الواضح والمبسط....

استفدت منه كثير والله ..جزيتي خيراً وياليت تتابعين بأسلوبك الحلو...

so2so26

حياك الله حبوبة

محبة بلاد الخير

يخليك ربي تسلمين يا عيوني
ويقصد بالاقفال بنسبة ما = نسبة التغير في سعر السهم
لحظة اقفال السوق .. يعني لما يكون السهم نازل او مرتفع
ويقفل على سعر معين يمثلون نسبة الارتفاع او الانخفاض بنسبة مئوية
... مثلا سعره 250 وقفل بسعر 260
يعني سعر الاقفال = 260 ... اجل اقفل بنسبة 4 % لان العشرة ريال
الي ارتفع السهم بها تمثل 4 % من قيمة السهم ( الي هي 250 )
واضح ؟

فراشه الشرقيه

الله يسلمك ويخليك يا رب

صدى زايد

غريب والله متى جابو هالطاري !!
السوق باذن الله مستمرة ... والاغلاق يقصد فيه انتهاء فترة التداول
وبدئها بوقت ثاني ... خرعتيني

# بنت النور #

حبوبتي والله ما عندي خلفية عن سهم الراجحي
الا شي واحد بس .. مثل يقول عطني سهم الراجحي وارمني ببحر
معناه اسهم الراجحي للاستثمار تشرينها ما تخسرين ابد لانها لو ما طلعت ما تنزل
وان نزلت تنزل بنسبة بسيطة وترجع تعوض الخسارة دبل
ولكن كيفية تداوله والله ما اعرف سراحة اعذريني

النــدى

سلمتي والله يا عسل

رنين الصمت

مم مدري ما حسيت اني فهمتك بالضبط
يعني تقصدين تبيعين سوية منها بسعر معين وتنتظرين توصل سعر اعلا وتبيعين
شوية وهكذا ؟ اذا كنتي تقصدين كذا اجل خلاص روحي للبنك اذا كنتي تتداولين
بالصالات .. واطلبي من الموظفة تبيع لك كمية معينة بالسعر الفلاني
وبعد فترى لما يوصل سعر ثاني عاجبك روحي بيعي الكمية الي تبين
وبخصوص وش الي يثبت ملكية حامل السهم له في حال التداول
والله سؤال سعب مرررررررة توي ما وصلت هالمستوى شوي شوي علي
وربي كان ودي اخدمك

dewDrops

يخليك ربي تسلمين حبوبتي
واكيد باذن الله بكمل بس انا توي مبتدئة وتوي حتى فاتحة محفظة ولا جربت ابيع واشتري ولكن ما نسيتكم والله خليني بس افهم اكثر وراح انزل موضوع مستقل عن قريب باذن الله واكون بالخدمة ودمتي بحفظ الله يا عيوني
اقتباس مشاركة  (# بنت النور #)
نبض الوفا ما شاء الله عليك شرح سهل وبسيط جزاك الله خير عن كل كلمه كتبتيها
اقتباس مشاركة  (# بنت النور #)
وايضا بنت ابوها ما قصرت وجميع من كتب معلومه استفدنا منها
عندي سوال عن المضاربه اليوميه انا ناويه اضارب في سهم الراجحي لانه حلالوقيادي ممكن احد يشرحللي بالشررررح المملللل عن كيفيهالمضاربه اليوميه في هذا السهم وهل استطيع اني اضارب بشكل يومي وفي نفس الوقت يقفل السوق وانا مالكه السهم
يا ليت الاخوات يشرحولي بالشرح المفصل
ودمتم
الراجحي مثل ماقالت نبض استثماري
وسعره غالي ولا ينفع للمضاربة (قصدك مضاربة يومية) الا اذا كان المبلغ كبير
المضاربة تنفع للاسهم الرخيصة لانك بتتملكين عدد كبير منها والتغير في الربح راح يكون اكثر
فلنفرض عندك 50 الف وبتشترين الراجحي وكان سعره 2250 (مو سعره كذا بس اخترته لضرب مثال)
نقسم المبلغ على سعر السهم ونضيف العمولة الي ياخذها البنك (فلنفرض ان البنك سامبا عمولته على كل 10 الاف 13.5 )
راح يطلعلك 22 سهم والتكلفة مع العمولة بتصير 49567.5
غالبية المضاربين اليومين ماينتظرون السهم يقفل على النسبة فوق
يبيعونه على اساس سعر معين حاطينه براسهم
فلنفرض انك بتبيعين عند سعر 2300 راح يطلع المبلغ بعد البيع 50600 وبعد خصم العمولة 50532.5
يعني ربحك في العملية كلها 965
الان لو شريتي سهم سعره 240 ريال بخمسين الف (بس منقصين منها العمولة) راح يطلعلك 208 سهم
وحبيتي تبيعينه عند 250 راح يطلع المبلغ 52000 وبعد خصم العمولة 51932.5
يعني ربحك 2000
مع ملاحظة ان بعض الاسهم ماتتحرك دايما او تتحرك في وقت معين مثلا نهاية التداول
وفيه بعضها طول اليوم وهي تتذبذب طلوعا ونزولا وهذي هي اللي يبحث عنها المضاربين
اعذروني لو كان فيه خطأ في الارقام والحسابات
السهم مادامه في محفظتك ولا بعتيه وقفل السوق فهو خلاص لك
اي سهم تشترينه خلاص تنتقل ملكيته لك وتسجلين في سجلات الشركة لو كان فيه منحة او ارباح
واذا بعتيه انتقلت ملكيته للشخص الي بعتيه
اذا ماكان شرحي واضح عادي قولي وابخلي نبض تشرح لك خخخخخخ امزح
ماشاء الله شرحها واضح ومفهوم
قبل لا ترسلون لي اي رسالة تأكدوا من الاسم
فيه عضوات كثار باسم بنت ابوها بس يختلفون بشي بسيط اما باقواس او مدة في الحروف
اضغطوا على اسم العضوة وبيطلع لكم خيار ارسال رسالة خاصة
واذا جيتوا تردون على رسالة اختاروا اقتباس مو تحويل عشان ماتضطرون تكتبون اسم العضوة مرة ثانة وتلخبطون بيني وبينها
يابنات اختكم مافهمت الا شي بسيط وعندي كم سوال وهو اني ابغى ابيع واشتري لنفسي طيب واضح مفهوم ,نبدا القصه في ذات يوم من الايام واذا بي احصل على وظيفه براتب وقدره4600واروح واطق ذلك القرض لاني محتاجه دراهم الزبده اني اخذت 40000وحطيتها في صندوق استثماري وطبعا انا مااعرف الفرق بين المحفظه وبين الصندوقوصار الراجحي يبيع ويشتري وانا اتفرج عليهم الزبده اني ابي اعرف كيف ابيع واشتري لنفسي وايش اصلح يعني انا عندي صندوق هل لابد اني احط محفظه طيب الحل لاني مفلسه تماما ولااستطيع اني اتسلف لانه يوم كنت شحاذه بدون وظيفه ما تسلفت اتسلف الان يوم عندي وظيفه والله ياشباب مااحد راح يعطيني وجه تكفون يا بنات ساعدوني على فكره في بدايه الامر وصل ربحي الى45000
ونزل الان الى32000وما تغير على ان السوق انتعش ,والله على مااقول شهيد ان الهدف من الاسهم على ان تكون شرعيه هي ان اوفر منزل لاودي.تحياتي للجميع
بنت ابوها

هههههههه يا حبي لك والله يا عسل

rimaas

راح تفهمين بس انتي طولي بالك واصبري لا تطفشين بسرعة
عيوني الفرق بين المحفظة والصندوق
ان الصندوق تحطين فيه فلوسك ةالخبراء هم الي يشرون لك الاسهم ويبيعونها وانتي مرتاحة .. وهي تصلح للناس الي ما لها بالمضاربة ... حلوة خطوتك اتركي الفلوس بالصندوق ..
المحفظة او بالاصح اسمها محفظة التداول هي الي انتي تروحين البنك وتطلبين منهم يفتحونها لك ولا فتحوها انتي بنفسك تختارين الاسهم وتشرينها وبعدين تبيعينها على حسب شطارتك .. طبعا يا عن طريق صالات التداول او عن طريق النت

واضح الحين ؟ مسالة انك تبين تشرين وتبيعين بالاسهم حبيبتي نصيحتي لاااااااااااااا اا لانك توك ما فهمتي اساسيات كثير لا تصيرين زي الي الحين نسمع عنهم دخلو السوق بمبلغ ما خذو فترة الا ويديهم صفر .. هذا لانهم دخلو وهم مهم عارفين اشياء واساسيات كثيرة ... نصيحتي لك لا تدخلين المضاربة الا وانتي قارية وفاهمة وعارفة كل شي بس عطي نفسك فرصة تتعلمين ولا تستعجلين ..

وبالتوفيق حبوبة


الساعة الآن 05:41 .