Analysis Services
هلا خواتي

اشكركم كثيرررررررررررررررر

بصراحه انا افكر بالمشغل كثيرررررررر

بس ودي اجيب كوفيرات سعوديات ..


اظنه افضل ؟؟


وش تتوقعون الموقع المناااااااسب بالرياض


هل لديكم افكار ؟؟

وفكره عماره فيها دورين مشغل وحضانه ؟..؟؟


مشكووووووووووووووووورين من قلب

وياليت اللي تمر تناقش معي ؟؟


الله يوفق الجميع
09-02-1427 هـ, 11:45 مساءً
 
الموضوع حلو جدا ياليت اللي لها معرفة باجرائات فتح حضانة تقولنا
10-02-1427 هـ, 01:38 صباحاً
 
انا اشوف انك تشوفين لك موقع
قريب من شمال الرياض وشرقها ووسطها افضل شي

لانك عارفه الطبقات الراقيه تحب الصالونات اكثر

وحبذا لو تخليه فيه الخدمه المنزليه

يعني يكون فيه حجز مسبق من السيده انكم تروحون لها البيت
في شرط مثلا ان تكون الخدمات الي تبيها مايقل سعرهم عن 500ريال

مثلا تكون تبي قص وصبغ ومكياج وتسريحه وتزين اظافر هذا يكلف في حدود 1000ريال
وانت تقدرون تعملون لها في بيتها دام طلبها اكثر من 500ريال

وبعدين ماهو شرط كل العاملات سعوديات
لان عندك العمل خارج الصالون ممكن يكون فيه معوقات على السعوديه
في هذه الحاله ممكن تجيبين فلبينيه
او سوريه او لبنانيه

وبعدين اهم شئ انا اشوفه
انك تعملين كتيب صغير اعملي فيه الاتي :

حطي صورة مكياج للعين من عمل الصالون

حطي صورة قص وصبغ اشكال والوان من عمل الصالون

حطي صور تسريحات من عمل الصالون ايضا

ايضا صور تعريف بالمنتجات التي تستخدمونها في التجميل وماركاتها

واخيرا الاسعار

وخلي هناك عرض مجاني

مثلا قص وصبغ تحصلين على استشوار مجانا
او منيكير مجانا

ايضا اهم شئ خلي اسعارك معقوله ونوعي
مثلا مكياج سهره كامل 250
مكياج بسيط 150ريال
مكياج عيون ثقيل 100ريال
مكياج سواريه بسيط وناعم 70ريال
وهكذا

ووزعي هالكتيبات على مدرسات وعاملات وموضفات
وكل زبونه للصالون تجيب لك زبونه لها خدمه مجانيه مثلا استشوار او حمام زيت او تخصيل شعر

وفكرة الحضانه حلوه مره وملفته لماتكون بنفس البنايه

تعرفين اهل الرياض افراحهم بدون اطفال
لي 11سنه ماحضرت ولافرح في الرياض بسبب الاطفال
عدا ان امنيتي الاقي مكان امن يشبه الملاهي لاكن مصغره
ويكون فيه اهتمام بالاطفال ووجباتهم

وايضا مهم الاسعار
اذا تبين رزقك يدوم لاتبالغين بالاسعار نصيحه

يعني ساعه 20ريال او ساعتين 50ريال معقوله جدا

واول ماتعملين الحضانه ان شاء الله قوليلي اجيب لك العيال
خاطري اروح مطعم بدون صحبتهم هههههههههههههههههههههههههههههههههههه.
10-02-1427 هـ, 09:34 صباحاً
 
اها نسيت اقولك بالنسيه للصالون

في الصالونات الراقيه يوفرون لك العديد من المجلات الي تحتوي صور ومكايج
وقصات وهذا يخلي الزبونه تختار فكره المكياج الي تبيه
والالوان الي تباهم بعد .
10-02-1427 هـ, 09:37 صباحاً
 
ياهلا اختي

واللهي افكارك روعه مرررررره

افكر يكون الموقع على شارع الملك عبدالله

مقابل للشارع حق الحوامل مثلا ؟؟!


وفكره البرشور مره رهيبه ..


جتني فكره من وحده تقول ..

تصاميم من بنات التفصيل والخياطه اشتريها

تتوقعن تنجح الفكره .؟

مشكوووووووووره وان شاء الله

بحاول انفذ الفرصه قريب جداااااااا

بس خايفه من فكره الحضانه ماتنجح كثير بايام العطلات ؟؟

اتوقع استفيد بس ايام الدراسه ؟ ؟

وش تتوقعون ؟؟

وعلى فكره اول ما تم الفكره

على طووووووووووول بعلمك

وتكوني ان شاء الله اول زبونه عندي

0000000000


خايفه اخسر وهذا شقااااااااااااااء عمري



شكرا لكل من مر من هنا او ناقش او طرح اي فكره
10-02-1427 هـ, 05:03 مساءً
 


الساعة الآن 05:17 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏