تسلمين حبيبتي وحبيت اشكرك بعد علي البرنامج الحلو الي حطيتيه
وبالنسبة للزيت طلعتلي اختي الثانية تبي من الزيت الحين احجزيلي 3 غرشات
اغفر زلتي
الله يخليكم لبعض انتي واختك
ان شاء الله بحجزلك 3 غرشات
اخواتي في ملحوظة حبيت احطها واتمني ماحد يزعل مني
بالطلبية الاولي حصلتلي مواقف صعبة من بعض البنات وبصراحة احزنتني بعض البنات حجزو وبعدين طنشو وبعضهم يتصل ويرسل كم مرة يبون الزيت وبالاخر وقت الجد طنشو وانا من طبعي مااحب اطنش احد والله العظيم كانت بنات ثانيات تطلب مني الزيت وانا ماارضي ابيعلهم الزيت لاني احترمت كلمة الاخوات الي حجزوه بالاول وبالنهاية يطنشون فرجاء يااخوات اي وحدة تحس نفسها مو جادة لاترسلي ولاتحجز لاني اتكلف فيه واجيبه
واعتقد في اخوات تعاملو معي وعرفو ا طبعي اني طرشت الزيت لبنات كثار وقبل لايحولون اي مبلغ لاني وثقت بكلمتهم وهم ماشاء الله عليهم بصدق قد المسؤلية واكثر
ماادري شو تقترحون وبخاصة البنات الي حجزو مني الزيت هالمرة تبون تدفعون مقدما ولا تدفعون بعدين بعد مااجيب الزيت لكن بشرط تضمنون ماتغيرون رايكم عشان مااتعب مثل المرة الماضية تصدقون ان نفسيتي تعبت بجد وحتي مرضت كم يوم بسبب تصرفات هذيلا البنات ومثل ماخبرتكم اخواتي انا تكلفت بكم غرشة انا وثقت ببنات وحجزتلهم قبل لايدفعون ومع اني والحمدلله تصرفت فيهم كلهم لانه جتني طلبات علي الزيت ولابقت عندي ولاغرشة لكن المسالة عندي مو مسالة فلوس والله العظيم المسالة مسالة مبدا وثقة واحترام للكلمة
انا تضايقت ولحد الحين متضايقة مع اني تصرفت بكل غرشات الزيت
رجاء لاتزعلون من كلامي بس اريد منكم اقتراح عشان مايصير معي نفس الموقف بالطلبية الاولي
بعد في حاجة بالنسبة للزيت يحصل انه يتاخر احيانا ياليت تراعون هذي النقطة وان هالشي خارج عن ارادتي انا كل الي علي اني ارسللكم الزيت بيوم واحد اول مايوصلني
اتمني تشاركوني بوجهة نظر مفيدة
انتظركم
والله بصراحة مدري شو اقولك اختي انتي بصراحة والله يسهد ماقصرتي تعاملك مافي احلي منه يكفي انك رسلتي الزيت لاخوات كثيرات قبل ماتحطلك المبلغ بالحساب وانا وحدة منهم وخبرتني عدة اخوات بهالشي عنك والجميع يذكرك بكل خير وان معاملتك طيبة انا اقول الافضل ان البنات الي ودها الزيت فعلا تحط الفلوس قبل وانا اول وحدة بسوي هالشي وهذا حق والحق ماينزعل منه لان بجد في اخوات ماقد كلمتهم يحجزون وتتكلف الوحدة وتجيب البضاعة وبعدين يطنشون السالفة خير شر طبعا مو اتكلم عن الكل طبعا
الله يهديهم بس
شكرا لك عزيزتي


الساعة الآن 11:12 .