حبيبتي لاتستحين من شي التجارة فخر مو عيب
وشي حلو انج تعتمدين على نفسج ويصير لج مصدر دخل مستقل وماتحتاجين لأحد
وبالتوفيق
02-02-1427 هـ, 05:08 مساءً
 
مشكورات على الردود
رفعتوا معنوياتي
02-02-1427 هـ, 05:17 مساءً
 
ماشاء الله الاخوات ماقصروا اعطوك معنويات على الأخير .

شوفي ياقلبي الأفكار كثير وتعتمد على عدة شغلات .

امكانياتك الماديه يعني وش البضاعه اللي تقدرين توفرين راس مالها وتبيعينها .

طريقتك في التسويق .

التميز وعدم التكرار

يعني كل ماكانت بضاعتك مميزه وتقريبا نادره راح تجتذبين كثير من الزباين .

وتقدرين تبيعين اي شغله من غير خساره ، تبدين بكميه بسيطه وإذا لاقت استحسان توفرين كميات أكبر .

ممكن تعرضين شغلات من اعمالك اليدويه لو انت فنانه بهالمجال ، شغلات مميزه من سفرات لك .

توفرين شغله مو موجوده عندنا بالسعوديه أو الخليج .

شغلات واجد .

ممكن تدخلين قسم البشره أو الشعر او قسم ساعدوني راح تلقين بنات يطلبون شغلات كثيره مو متوفره عندنا وراح تجيك الأفكار .

ولو انت من بلد مميز بشغله ، يعني تلقين الاخوات السودانيات يبعون دلكه وشغلات مميزه بها السودان ، والاخوات المغربيات نفس الشي ، كل بلد يتميز بشغله مميزه مو موجوده غير ببلد المنشأ .


بالنسبه للجرأه ممكن تستصعبينها بالبدايه لكن بتتعودين .

انا بديت التجاره من أول يوم سجلت فيه بالمنتدى قبل خمس أشهر ونص ، وكنت أقول بنفسي شكلي ماينفع تاجره ماسبق وبعت شغله بحياتي . وأول مكالمه لي فطست ضحك ماتوقعت اني انا أصلح كذا ههههههههههههههه ، بس تعودت ، وأول ماتجيني مكالمه كنت ارتبك وأشيل التلفون غرفه ثانيه هههههههههههه ، بس خلاص الحين عادي بتستغربين الوضع اسبوع وبعدين بيصير روتين .

صح في البدايه بتحسين بحمل بسيط تحسين فلوس الناس عندك وأنت بعدك ماأمنتي الطلبيه أو بعدها ماوصلتهم ، في البدايه ماكنت أكل احس بالضغط .

وكثير بنات يستفزونك ، لكن صدقيني أول فلوس تكسبينها بتعبك لها طعم غير ، يعني العشره الريال لو بتربحينها أفضل من إن اهلك يعطونك ألف .

عن نفسي مابيع خارج النت فقط بالنت ومافي احد يعرف اني ابيع بالنت الا اهلي .


وان شاء الله أكون شجعتك بكلامي .
02-02-1427 هـ, 05:24 مساءً
 
مشكوره حبيبتي
02-02-1427 هـ, 05:36 مساءً
 


الساعة الآن 05:29 .