كلااااااااااااااام يفرح القلب ويشرح الخاطر تعالوا سمعوا >>>>>

وحده من الاخوات طرشت لي رساله خاصه

اسعدتني جداااااااااا جداااااااااااا

واحب استسمح منها في عرضها على العام

وهذا نص الرساله

البارحه سرت القريه العالميه ولقيت منتجات الفي سي هناك..
وتوقعت انهن اغلى بس فعلا تفاجأت كيف يلست ترمس ع انها عطتني أخفض سعر. .

بخبرج عاد أول ما ييت قلتلها أبا الجل مال شذرات الذهب. . راوتني جل ثاني فيه شرا الدواير البيضا أونه كريم وينخلط أول ما تعصره. . هو حلو تبين الصدق. . ووياه جل العيون. . فانا قلت بتخبر في شي أعرفه. . قلتلها. . بكم جل الذهب عسب اطلبه عقب؟؟ وطلعت من العين. . قالت هو ب80 بس عشانج بخليه ب50 عشان ابا اكسبج زبونه ولا انا ما أعطيه لحد غير ب80 أسلوب الخراطه يعني. . قلتلها انزين والماسك قالت نحن نبيع الحبه ب10 بس لو حبيتي وعشانج بعد الكرتون كامل ب50 بسسسسس ولج اثنين مجانا ع جذيه
عاد أنا فردت ريشي جان أقولها. . نزلي قالت صدقيني عطيتج سعر حلو. . قلتلها لو قلتلج أني لقيت الجل ب38 ؟؟؟ والماسك العلبه كامله ب35؟؟
هنيه انصدمت. . قالت عشان استناد ويكلف المكان. . قلتلها خلاص بعد القريه العالميه اكيد بتنزل اسعارج صح؟؟؟ قفط ويها واتحججت بشي ثاني
عرفت هنيه انها تخورها. .

والله دعيتلج هناك.. وقلت كفو والله يا بنت بلادي. . .ووالله اني مب ناويه آخذ من عندها وعارفه انها أغلى عنج . . بس جيه. . وصراحه رمست عنج جدام خواتي. . مستانسه منج

وأنا مستااااااااااانسه عليج وايد. . لانج حاتيتي الله في اسعارج ولا غليتي وليت كل البنات يكونون مثلج. . ويوفرون المنتجات بسعر أرخص من السوق وبنفس الجوده. .
جيه نحن نتشجع أكثر

ما أقول غير الله يسعدج ويوفقج والله وبدعيلج دعوه خاااااااااااااصه في هاليوم المبروك . .

==================,,,,, انتهت الرساله ماحطيت اسم المرسله اخاف ما تبغي ينذكر اسمها



وبصراحه وايد رسايل وصلتني مثل جيه لكن المشكله حذفت وايد بالغلط لما صار الضغط على صندوق بريدي وتميت لا اقدر استقبل ولا ارسل