Analysis Services
السلام عليكم
الصراحة اول مرة بشارك بالمعجنات لانو تخصصي انا حلويات وكعك كمان انكليزي ههههههههههههههههههههه
امبارحة الماما الله يخليها قطفتلي شوية زعتر من بستانهم زعتر اخضر بجنن وانا لاني مو شاطرة بالمعجنات حبيت اسألكوا عن طريقة معجنات بتحرز وتبيض الوجه علشان اعملها واطعمي حماتي بكرة. على فكرة حماتي بتحب الزعتر كثير فشو اعملها بالزعترات يا ترى؟؟؟؟؟؟؟؟؟؟؟؟؟؟؟؟
ساعدوني ومشكورين مسبقا.
04-02-1427 هـ, 04:56 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
عملي فطائر واحشيها جبن ابيض مع زعتر
04-02-1427 هـ, 05:59 مساءً
 
عزيزتي رواء .. كيفك ..شو اخبارك ؟؟
شوفي يا ستي راح اعطيك مقداير عجينة الفطاير وجربيهم ..وصدقيني راح
تشوفي النتيجة قديش مميزة ..


العجينة ..

كيلو طحين
2.5 كوب حليب سائل
بيضتين او واحدة كبيره
ملعقتين كبار سكر
ملعقة كبيرة ملح
ملعقة ونص كبيرة خميرة
كاسة زيت ..نصها زيت زيتون والنص الثاني زيت ذرة .


اعجنيهم جيدا وشوفي اذا بتحتاجي كمان حليب والا لا ..
ممكن تطري العجينة بماء ..اذا جامدة .
واتركيهم يخمروا شي ساعة ساعة وشوي ..

الحشوة ..

جبنة بيضة وبتفرمي معها زعتر ..وبتحشيهم ..
وبتدهني الوجه بيض وبتحطي عليه سمسم وحبة البركة ..
اتركيهم يرتاحوا وبعدين اخبزيهم ..


طريقة ثانية ..

ممكن تخلطي ورق الزعتر مثل ما هو دون فرم مع العجينة ..
وتحشيهم جبنة بيضة ..

وممكن تعجني العجينة لحالها ..
وتحشيهم زعتر ورق مثل ما هو ..وبصل مفروم ممكن اخضر وزيت وليمون وسماق

ممكن تخبزيهم وممكن تقليهم ..حسب رغبتك ..

والف صحة وعافية ..
04-02-1427 هـ, 06:08 مساءً
 
عزيزتي سديييم 2006 شكرا لك على التوجيه ومشكورة كثير [line]
احلى ماما رويدة شكرا لك والله يخليكي تعبتك معي شوي، راح اعمل الطريقة الاولى واقولك النتائج اكيد راح استعمل بيضة وحدة مو ثنتين لاني ما بحبو للبيض اذا في شيء عندك بدون بيض فيا ريت تبعثيلي ولك الف شكر.
04-02-1427 هـ, 06:18 مساءً
 
في طريقة بنت مفيد في موضوع ملاتيت الزعتر بضيفلك الرابط
http://forum.hawaaworld.com/showthread.php?t=342917
04-02-1427 هـ, 07:17 مساءً
 


الساعة الآن 08:37 .