السلام عليكم اخواتي .....
حبيت اسألكم صح اذا انخفض السهم اشتري واذا ارتفع ابيع او فيه اسس ثانيه مانعرفها
وهل اقدر اشتري السهم وهو مرتفع وعلى اي اساس؟؟؟؟؟؟؟؟
ياليت توضحون هذه النقطه .......
ولكم حبي .....

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
مو معقوووووووول ماحد رد علي وينكم يالهامورررررات الامورررررات
يمكن ما احد رد عليك ...

تدرين ليش ...

عشان يعلمونك اول درس بالاسهم ...

(((( الصبر ))))

للحصول على افضل النتائج ..

...............................................

سوري عزيزتي حبيت بس اني ارد عليك .. والكل هنا يحب يساعد

وصدقيني بيردون عليك .. وياليت كان عندي اجابه شافيه كان كتبت لك ..

بالتوفيق ..
ليه اذا كتبنا رد طويل خربت الصفحة او ينمسح
قبل لا ترسلون لي اي رسالة تأكدوا من الاسم
فيه عضوات كثار باسم بنت ابوها بس يختلفون بشي بسيط اما باقواس او مدة في الحروف
اضغطوا على اسم العضوة وبيطلع لكم خيار ارسال رسالة خاصة
واذا جيتوا تردون على رسالة اختاروا اقتباس مو تحويل عشان ماتضطرون تكتبون اسم العضوة مرة ثانة وتلخبطون بيني وبينها
وعليكم السلام
.


كلامك صحيح اذا انخفض السهم تشترين واذا ارتفع تبيعين ولا تلحقين سهم مرتفع اذا كنتي مضاربة يومية
.


اما اذا كنتي بتبيعين بعد كم يوم والسهم عليه كلام ووراه ارتفاع فمو مشكلة بس الاهم ماتدخلين بكل الفلوس على طول

لا جزئي طلباتك على اسعار مختلفة
.


ولازم تحددين هدفك في السوق
هل هو مضاربة يومية او بتبيعين بعد يومين ثلاثة اسبوع او استثمار

اذا يومية تحددين شركات تتابعينها يوميا وتشوفين كيف تحرك مضاربها ومدى تحركها اليومي
يعني كل يوم كم الفرق مابين اعلى وادنى سعر
.

كمان فيه اسهم تمر بفترة تجميع ويكون عندها تذبذب ضيق وتعطي كم ريال للمضارب
.


اذا بغيتي تشترين تجزئين طلباتك
تحطين طلب عن اقل سعر تتوقعين انه يوصله او عند الطلبات الكثيرة على سعر معين
وتحطين طلب على سعر اقل منه احتياط لو نزل سعر السهم

تعرضين مباشرة على اعلى سعر او السعر الي يقنعك او عند العروض الكبيرة ولكن اقل منها بريال
.



اذا بتبيعين بعد كم يوم نفس الشي تجزئين طلبك او نقول تجمعين في السهم
يعني تشترين مع كل نزول في السهم وتنتظرين ارتفاعه للسعر الي انتي تتوقعينه بعد كم يوم
.


بس اهم شي انك تشوفين وضع السهم من حيث التصريف والتجميع
هل السهم في بداية تجميع او نهاية تصريف ؟
لانه ممكن الواحد يدخل في هذي المراحل ويمل بسبب طول الانتظار واول مايبيع يرتفع السهم لانه خلاص حانت انطلاقته

شوفي هالملف بيفيدك
.

كمان معرفة اهم المؤشرات الي تنفع في اتخاذ القرار في الشراء او البيع
عندك كتاب في جرير اسمه اشارات البيع والشراء الفنية لاسهم البورصة
سهل ومفيد
.


وانا ابشرحلك شوي عن مؤشرات اشوفها مفيدة ونافعة

هذا تشارت البلاد

.
شوفي السهم الاحمر هذا قبل التصحيح والنزول في السوق

هذا مؤشر السيولة mfi وكان في ارتفاع يعني فيه سيولة داخلة في السهم والحين هو فرصة للدخول بس النزول وتغيير النسبة لخبط الوضع
.

اللي فوقه هذا مؤشر الماكد macd
الخط الازرق اذا تقاطع مع الخط الثاني وطلع لفوق معناته ارتفاع في السهم واذا نزل العكس
.

المؤشر الي فوق rsi وهو يحدد اذا السهم في منطقة شراء او بيع
30 شراء و 70 بيع طبعا اذا طالع من 30 الى فوق معناته الدخول في السهم واذا كان نازل من 70 الخروج من السهم
.


السوق لازم يكون مستقر عشان تضبط المؤشرات
السوق مع نسبة 5% صارت الاسهم بسهولة تنسب فوق وتحت
يعني مخيف شوي بس الي بيلقط على اسعار حلوة وبيجمع ولا يبيع الا بعد فترة هذا ان شاءالله بيحصل خير اما المضاربة يبيلها تركيز وسرعة قرار وسرعة تداول
قبل لا ترسلون لي اي رسالة تأكدوا من الاسم
فيه عضوات كثار باسم بنت ابوها بس يختلفون بشي بسيط اما باقواس او مدة في الحروف
اضغطوا على اسم العضوة وبيطلع لكم خيار ارسال رسالة خاصة
واذا جيتوا تردون على رسالة اختاروا اقتباس مو تحويل عشان ماتضطرون تكتبون اسم العضوة مرة ثانة وتلخبطون بيني وبينها


الساعة الآن 05:53 .