أختي الغلا ,,,,

فديتج ماتستاهلين ...

عاد شفتي الشركات وبلاويها ...

بس تعرفين الحمدلله ... انتي الخميس قلتي لي انج طرشتي لي البضاعة ... السبت بالمغرب اتصلوا بي وقلت لهم وصلوا لي إياه الدوام ...

الأثنين استلمت البضاعه ...
اشوي تأخروا بس انا قلت اكيد مضغوطين

والصراحة ......... انا وايد مستانسه على الطلبية ... خاطري بس طوول اليوم أيلس في البيت واسوي دخون وعود هههههه
مشكوووووووووووو ووورة فديتج
مسكينة يا الغلــــــــا راحت فوايدك على الشركة والمسجات والاتصالات ,,

يا اختي تعاقدي مع شركة وتعاملي معاهم على طول

والغالي هو الرخيص
متجر شقراوية
تخفيضات
جديدنــــــــــ ـا
انتظروا توقيعي الجديد
مشكلتج يا الغلـــا انج واااااايد طيبه... والطيبه الزايده في هالزمن ما تنفع...
انا كنت استغرب لما اقولج بحولج المبلغ،، وتقوليلي عادي مب مستعجله عليه..
والله لو وحده ثانيه.. بتقول اول شي حوليلي الفلوس..

وتذكرين لما قتلج قبل لا تأمنين على اي احد

اما شركة ايلايت.. فأنا اتعامل معاهم.. والحمد الله، لي الحين ما شفت اي من المشاكل اللي اسمعها...
وبالعكس انا مرة طرشت اغراض للعين.. وحده طلبتهم..
لكنها ما عطتني رقم مبايل.. عطتني رقم البيت..
قتلها اخاف ما تردين عليهم.. قالت لا.. انا دوومي ارد..
طرشته لها الاحد على اساس يكونون عدها الاثنين مثل ما اتفقنا..
لكنها ما كانت ترد عالتلفون... والمندوب يكلمني ويقول شوفيها..
اتصدقين انه الاسبوع اللي بعده .. ورجعلي بالمبلغ السبت..

لا رجعلي البضاعه ولا اخذ ريال زياده.. مع اني كنت امسويه حسابي روحه وردة ب 30
لكنه قال بس 25...
وهم دوومهم ايوني لي البيت وياخذون اغراض البنات..

وانا ما حبيت امبوست.. لانج لما كنتي اطرشين الاغراض معاهم.. ما كانوا ايوني لي البيت..
حدهم لي الشارع.. ويقولي تعالي.. و يدقلج رنه.. واسعاارهم مب ازيد ب 10..
تلاقينه فوق ال 40..

اسمحولي طولت عليكم.. <<<<<<< عاااد عقب شوو
السلام عليكم

هلا الغالية اشحالج ان شا الله طيبة

والله ما ادري شو اقولج الله وياج حبيبتي ويوفقج ان شا الله دوووووووووم

بس المشكلة في الارامكس انه بعض المناطق بعد للأسف ما يوصلون لها فتتطر انك تروح لين عندهم في مكتبهم يعني المفروض ان شركة عالمية مثل الارامكس انها توصل لكي مناطق الدولة والا ليش هي شركة توصيل مو علشان توصل لين عندنا يعني هاي شغلتهم مو ان نضطر دايما انا نروح لين مكتبهم في شارع حمدان اتوقع يعني اخر بوظبي لانها والله ما توصل لين بني ياس والمناطق اليديدة مثل الشوامخ والفلاح والشامخة ...الخ فبما انكم يالتاجرات ما شا الله تتعاملون وياهم يا ريت لو تقولوهم يفتحون لهم مكتب في بني ياس علشان يكون اسهل لهم ولنا ولكم طبعا في مسألة التوصيل وزيادة الزباين ان شا الله

والله يوفق الجميع ان شا الله دووووووم ويوفقج الغالية ويوفق كل طالب خير قولوا امين

اختكم في الله

ام ناصر
اقتباس مشاركة  (*الجوهرة*)
آآآآآآآآآآآآآآآ آآآآآآآآآآآآآه يالغلا فعلا معاناة
انا اصلا شركة ايليت خبروني عنها البنات و سرتلهم ما عيبوني من اول يلسة و الله يلسوا يتشرطون و لا بعد يوم اقولهم الاسعار كذا كذا يقول من قال احنا نتكلف بالمكالمات و مادري التوصيل للبيت و اخر شي مسد كولات و لا يوصلون للبيت

فتعاملت مع فيرست فلايت بس مشكلتهم انهم يتأخرون وايد وايد و مرات ما يوصلون للبيت حسب المنطقة يعني ..... بصراحة شركات الشحن صدعة راس .... و الين الحين مالقيت احسن عن الارامكس صح اغلى بس اسرع و اظبط .... و اللي تبغي فيرست فلايت برسلها عن طريقها او اللي تبا ارامكس بعد ما عندي مشكلة هذا له سعر و شغل و ذاك نفس الشي و الزبونة تختار ...

و تصدقين عاد انا استلم الفلوس وقت استلام الاغراض عن طريق الشركة
تصوري في بنات مستلمين الاغراض من 15-2 و الين الحين ماستلمت الفلوس اونه ما وصلت بعدها ..... بس الحمدلله محتفظة بالفواتير عشان ما يلعبون بذيلهم

الله المستعان
============================== =============

انا بعد وحده دلتني عليهم لا بارك الله فيهم والله الكل اشتكى منهم ويهي عورني قدام البنات مع انه ادري هب ذنبي بس والله احس بالذنب.................. .......................
والبنات اللي ما دفعن مثل ما قلت اقسم بالله مااهتم بالمبلغ كثر مااني اهتم بالبضاعه
يعني ماابغي بضاعتي تتم في الشركه حرام والله ياخذونها ومتى ما تفيقوا يدفعون
مش مستعيلين عالفلوس الحمدلله الخير موجود .............................. ............
والحينه عندي رقم شركه بحاول اتعامل معاهم واشوف كيف تعاملهم ...............


الساعة الآن 07:11 .