طباخات علم حواء... طلبتكن .. الله يخليكن لا تردوني ... محتاجه لكن بعد الله

اطباق عالم حواء

السلام عليكم ورحمة الله وبركاته
اشحاالكن ياالطباخات الغاليات ؟؟!! عساكن بخير وعافيه ..
ربي يوفقكن...

حبايبي مثل ما ذكرت في العنوان اني فعععلا محتاجة لكن بعد الله ...
الصراحه ابغي منكن وصفات لشخصييييين بس ...

تعبت وانا اطبق الوصفات الكبيره وانقص منها ... وكل ما اجرب شي ما يضبط
تقريبا كل مشاكلي ويا زوجي بسبة الاكل ... طبعا الي ابدا ما يضبط ... :(

والله اني تعبت ...
حالتي النفسيه خلاااااص رايحه فيها ..
بديت اكره الطبخ ...
وبديت اخااااف دخول المطبخ...
والله اني كلما ادخل اطبخ .. يدي على قلبي من الخوف ...
احس ان ما عندي ثقه بطبخاي ابدا <<< من كثر ما يخترب ويلوع بالجبد.. :icon33:

ربي يخليكم لا تردوني ...
وان شاالله بكتب اسامي الي ساعدوني ...
وبذن الله بدعيلهن بعد كل صلاه ...
والي يسلمكن ... لا تخيبون ظني فيكن ...

في انتظار ردودكن ..... :)
17
3K

يلزم عليك تسجيل الدخول أولًا لكتابة تعليق.

تسجيل دخول

أم فهووودي
أم فهووودي
هلا حبيبتي بنت ماما وبابا..
ان شاء الله بساعدك..
وشوفي اختي ..انا منوبه لاخت ابيع لها كتابها ..
وكتابها مخصص للعرائس وكل مقاديره تكفي لشخصين تقريبا ..
وفيه كل الي تبين ..من فطورات وغدايات وعشايات ..
وطريقة عمل الولائم .. وحلى .. ومعجنات ..وغيره وغيره ..
وللتفاصيل اكثر ادخلي على الرابط الي بتوقيعي .. يتلقين التفاصيل مع الصور
والصور بأخر الصفحه انزلي للأخير وتلقينها ..
وفي انتظار رأيك ياعسل .


ام فهووووووووووووووووووودي
ستروبري1
ستروبري1
هلا أختي،،، شفت مشكلتك،،

نصيحتي لك،، أول شي لازم تحبين الطبخ،،، علشان تتقنينه،،، يعني لازم تقنعين نفسك انك فعلا فنانة ،،، وصدقيني بتصيرين،،

ثانيا، ابدأي بالطبخات السهلة جدا مثل السندويشات والشوارما،، طبعا هني في المنتديات تلقين اشياء روعة،،،

هناك كتاب آنه دايما اعتمد عليه ،، اي شي أسوي منه يطلع تمام،، بس لازم تشوفين المقادير،، اسم الكتاب (الطاهي) تلقينه في المكتبات ،،

اتمنى اني اكون افدتك،، صدقيني انك بتصيرين فنانة،،، الله يوفقك ويسعدك مع زوجك،،
سكر
سكر
هلا بنت ماما و بابا الله يخليم لك
ويخليك لهم

انتي اطبخي المقادير والزياده يا حبوبه
طرشيه حق البابا والماما يا عيوني :39:

او حق الجيران بس لاتعلمين زوجك انك
خلصتي المونه
سككككككككككككككككككوره
بنت ماما و بابا
السلام عليكم ورحمة الله وبركاته
هلا باغلى خوات في الدنيا ....
والله اشكركن من كل قلبي .... ربي يوفقكن ولا يحرمني منكن

الغاليه ام فهووودي
مشكووووره حبيبتي ... والله ما قصرتي ...
عيبني الكتاب .. احسه روووعه ... وسعره اروع ...
بس انتي مب في الامارات صح؟؟!!!
ممكن اعرف في انتي اي دوله؟؟؟!!!! ... وكيف بالضبط اكدر اشتريه عنج؟؟!!! ...
ربي يوفقج ياالغاليه ... ويسعدج
ويبعد عنج الهم والغم ... ويثيبج الفردوس الاعلى بغير حساب ولا عقاب


هلا حبيبتي استروبري1
مشكووووره الغاليه ع النصايح الرووووعه
بارك الله فيج .... ربي لا يحرمني منج ...
واشكرج ع الدعوه الحلوه ... من جد اللهم امييييييييييين ياااارب
اثابج ربي الفردوس الاعلى بغير حساب ولا عقاب ...
وان شاالله بدور ع الكتاب وبشريه ... وربي يعيني ..
ربي يسعدج حبيبتي .... ويبعد عنج كل همومج... ويجعلج من السعداء في الدنيا والاخره


سكر ... فديتج والله...
والله ضحكتيييييينيييي ... ربي يسعدج دنيا واخره ...
المشكله اني ساكنه في شقه ... وتوني منتقله ... وما عندي جيران ... الا جار واحد (اعتقد انه عزابي ساكن بروحه ) ...
واهلي بعااد عني ... انا في بوظبي وهم في الشارجه ... يعني ما اقدر اطرش لهم ...
ربي لا يحرمني منج حبيبتي ...
ويرزقج الي تتمنينه ياالغاليه ...
oOليديOo
oOليديOo
الله يعينك ان شالله..
بعطيك روابط لمواضيع حللوووه بالمره اولها مقلوبه للاخت امير الشوق ررررررروعه
وانا استخدمت كاسين رز" الكاسه حقت الفطور مو كاس المويه" لان العائله عندي صغيره الله يحفظهم وراح تصير على قدكم واذا زاد منه شوي مو مشكله :D
http://forum.hawaaworld.com/showthread.php?t=492905

وهذي بعد
لاميره الشوق
http://forum.hawaaworld.com/showthread.php?t=462298