[grade="00008B FF6347 008000 4B0082"]مر إبـراهـيم بن أدهـــم على رجــل وجهه ينطق بالهم والحزن :


فقال إبراهيم : أني سألك عن ثلاثة فأجبني ! .

فقال الرجل : نعم .

فقال إبراهيم : أيجري في هذا الكون شيئ لا يريده الله ؟ .

فقال الرجل : لا .

فقال إبراهيم : أفينقص من رزقك شيئ قدره الله ؟ .

فقال الرجل : لا .

فقال إبراهيم : أفينقص من أجلك لحظة كتبها الله ؟ .

فقال الرجل : لا .

فقال إبراهيم : فعلام الهَمُّ ؟ .


فعلا يابنات ليش نسمع اخبار عن ناس مرضوا واللي ماتوا بسبب السوق

وامس اقرأ خبر عن شايب طالع من صاله التداول ويغني ويضحك صابته حاله نفسيه

ليه كذا تبون تعرفون ليه

















والله انه ضعف الايمان

وعدم توكلنا على سبحانه وتعالى

الله سبحانه وتعالى يرسل الطير رواحا في السماء تبحث عن اكلها ماتدري هي تلقاه

والا لا لكنها متوكله على ربها وتعود غداة الى عشها واطفالها ومعها طعامه

وطعامهم ........ياليتنا نتعلم منها

فعلا الان صار توكلنا على الملك

الان صار توكلنا على المحللين

الان صار توكلنا على الشائعات

الان صار توكلنا على هيئه سوق المال

قبل مانسأل عن انهيار السوق ليه مانسأل ليه مانزل علينا امطار الى الان

الناس صارت لاهيه عن ذكر الله

الناس صارت لاهيه عن صلاتها

الناس صارت لاهيه عن صله الرحم

الناس صارت لاهيه عن المحتاجين والفقراء ........

كل همنا الان من فين نجيب فلوس عشان نشغلها في سوق الاسهم

صرنا نستلف وناخذ قروض عشان هالاسهم

سؤال :هل تقدرين تاخذين قرض عشان تتصدقين بكامله على اخواننا في الصومال

في دول كثيره افريقيه اخواننا المسلمين يبيعون دينهم على ابواب هيئات الاغاثه

التنصيريه عشان ياخذون كسره خبز

وحنا جالسين نبكي ونمرض وندعي عشان هالاسهم

انا فعلا مثلكم خسرانه كثير لكن اقول الحمدلله انه في المال مو في الدين او الصحه

انا عارفه انه كثير حاطين كل مايملكون و بعضهم ارامل ومطلقات واخرين ماعندهم

وظايف ......

بنات ابي اقولكم شئ

كل ماتذكرتي خسارتك في الاسهم وحسيتي بحرقه في قلبك على هالمصيبه تخيلي انك

فقدتي

ابوك

او امك

او اخوك

او زوجك

او ولدك

وقارنيه بالاسهم والله راح تحسين خسارتك في الاسهم ولا شئ قدام فقدك لانسان

عزيز عليك
[/grade]




الساعة الآن 07:42 .