السلام عليكم ورحمة الله وبركاته
طبعا اول موضوع اكتبه في ركن الطفل بنفسي وانشاء الله الآقي عندكم الحل
ولدي البكر عمرة الأن خمس سنوات بالتمام عاش تقريبا اربع سنوات لوحده بدون اخوان وفي هاذي السنوات صار دلوع العائله الكل يعطيه طلاباته وهذا غير افلام كرتون اللي يتابعها اكثر من ست ساعات في اليوم وكنت احس انه مبسوط وقابل للتعلم وكان يحفظ بعض الأعداد بس عليه لسان وكلام زي الكبار وعقليته كبيره يعني يحب يقلد افلام كرتون ويقلد اخواني في اللبس وحتى يهتم بالسيارات والكمبيوتر اكثر من العابه وما كان يعرف يلعب في الملاهي واول مايروح للألعاب االلإلكترونيه حقت الكبار وكنا نسايره ونقول براحته وصحته جيده وعنيد بس يتراجع باقتناع
المشكله :
هي السنه هاذي جبت له اخت وكان فرحان بحملي بس بعدين اول ما ولدت انتكس مر بحاله نفسيه سيئه صار عصبي جدا وعنيد لابعد الحدود وما فيه شئ يفيد معاه تحايلت عليه اهديته غيرت غرفته وصرت اسبوعيا ملاهي ومطاعم والعاب وكل طلباته اوامر بس مافيه فايده
جربت القسوة صار يمد يده لمن اضربه اويرد الكلام دخلته الروضه الكل حبه علشان لسانه وعقليته بس مره الدراسه ماهي على باله ومره تقولي معلمته انه مرات يجي الروضه رايق ويتجاوب معاها ويسمع الكلام ومرات لا يجي طفشان ويحاول يسوي اي مشكله في الباص او الفصل وزياده ما يبغى يدرس نهائيا بس همه يلعب وع الأطفال والفصل مايحبه مرة
حاولت اغير اسلوبي معاه بس هوولا شئ اللي براسه لازم يصير حتى لو غلط بس طبعا مايأذي نفسه
والحين انا ماني عارفه وش اسوي معه احسه بس زعلان ويبغى كل شئ على كيفه ولا يقعد يبكي او يخرب ويتشاقى في البيت ولا يسمع الكلام والحفظ نهائيا ما يحفظ مدري ليش
انا فكرت بطبيبه نفسيه لاني خلاص تعبت
وعلى فكره ولدي وديته عند شيخ يقرأ عليه وقالي جاته عين علشان كذا صاير عصبي بس العناد طبع فيه ؟؟
مشورتكم يالغاليات ........................ !!
ليل المجاريح @lyl_almgaryh
كبيرة محررات
يلزم عليك تسجيل الدخول أولًا لكتابة تعليق.
الصفحة الأخيرة
اعرضى مشكلتك فى العيادة النفسية
وان شاء الله الدكتورة داليا تفيديك
الله يهديه لك