مرحبا للجميع ،،،


صراحه صاحبتي بتفتح مشغل وطلبت مني اسأل لها عن عدة امور عن طريق علاقاتي مع الناس

انا قلت في خاطري ليش ما اسأل في المنتدى عن الاحراج مع العالم لأني ادري ماراح احصل اجابات كامله خصوصا في اشياء ماديه والعالم تحب الكتمان



دخلت هنا وعملت بحث على هالموضوع


انصدمت ,,,, او بالأصح انصعقت بعدم التعاون او مد يد المعونه والمساعده للأخوات

والتركيز كان منصب كيف كل وحده تخدم نفسها او تروج لنشاطها سواء بطرق التصريح او التلميح والمديح ؟؟؟


معقول هذا مستوىالتكافل والتعاون في اكبر موقع نسائي عربي؟

اكثر من موضوع لقيته وفيه اسئله في الصميم ومن اخوات يبون يبدئون نشاط تجاري ومحتاجين للمشوره والنصيحه ،،، ويمكن لو وضعت مغريات ونسبه او عموله للمساعده كان وصلت عدد الصفحات للعشرات !!!!!!!!!!


المشكله اعرف اكثر من وحده بهذا المنتدى يملكون صالونات معرووووووووووفه بالاضافه انهم يدخلون ويروجون لها


طيب يا اخوات طالما انك داخله داخله للنت وربي موسع عليك ومشروعك ناجح ليش ماتساعدين اخواتك المبتدئات ؟؟؟


ياترى هو الخوف من المنافسه ؟؟؟

اذا هو الخوف احب اقولك تطمني رزقك مقسوك لك من قبل تنولدين واللي لك ماراح احد ياخذه منك




كل ما اتمناه ،،،


ان لايتحول هذا المنتدى قناة تجاريه للترويج للسلع والمنتجات حتى لو كانت بالغش والتدليس

واتمنى الجميع يراعي الله ويحكم ضميره في عروضه

وفوق هذا وذاك اتمنى يكون فيه نوع من التكاتف بين العضوات

فمن غير المعقول ابحث عن موضوع المشاغل واحصل كذا اخت تسأل وكلها حيره وما احد يرد على موضوعها؟؟؟؟؟؟






معليش انا معصبه شوي لاني انصدمت من انانيه بعض الاخوات في مساعدة اخواتهم





وطلب صغير للأخوات الغير انانيات ........................... معليش على الاسلوب


عزيزاتي ،،،

انا منحرجه من زميلتي وابي اجيب لها معلومات عن المشغل ومنحرجه اكثررر اسأل صاحبات المشاغل لأن سلوك الأخوات بالمنتدى ماهو الا امتداد لسلوكهم خارج المنتدى



تحياتي واعذروني على التجريح بس كل هذا من غيرتي وحبي لهذا المنتدى
15-02-1427 هـ, 10:04 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يساعدك ويردون عليك صاحبات المشاغل

بس اعذريني يمكن ماحد يعبرك والسبب









اسلوبك ؟؟؟


وهجومك ؟؟




بالتوفيق اختي
15-02-1427 هـ, 10:18 مساءً
 
عزيزتي

الاسلوب الهجومي مقصود مني

والسبب الاثاره دائماً تلفت الانظار والاسلوب الهجومي يحفز على الرد

يعني لو قلت بليزز وتكفوون محد راح يجاوب وطبعا انا كتبت هالموضوع مو عشان يدلوني لأني بحصل بطرق ثانيه غير المنتديات انما كتبته وبأسلوب هجومي عشان يقرون ويحسون شوي .... هذا السبب الأول


السبب الثاني .... انا مستائه من وضع المنتدى صاير تجارة بقشه كل وحده تدخل تحرج على بضاعتها او محلها وتمدح وتمجد فيه وتمشي ؟؟؟؟

وبالنهايه غش وتدليس لانها رفعت بضاعه فوق مستواها الحقيقي

على فكره انا اكلمك من تجربه واشتريت من هذا المنتدى من كذا وحده والنك هذا جديد بس انا قديمه بالمنتدى ..... بعدها قررت ما انساق خلف تطبيلهم


تحياتي لك
15-02-1427 هـ, 11:36 مساءً
 
طيب يا قلبي...وشو سؤالك؟؟؟ لأني ما فهمته...وانا مثلك بالضبط...يا ما انضحك علي..خصوصا بالكريمات...بس الحمدالله تبت وعقلت..
16-02-1427 هـ, 12:30 صباحاً
 
الفرفوشه هههههههههههههه ياعمري انتي

انا نفس حالتك انضحك علي بالكريمات

انواع الدجل في بعض الاخوات للأسف

وسؤالي ياعزيزتي ........... ان بغيتي الجد انسدت نفسي وماعاد ابي اسأل ههههههههههه

كان ودي نتشاور ونفيد بعض

يعني بموضوع سابق رديت على وحده من الاخوات وعطيتها نصايح لمشروعها من خلال سماعي من معارفي عن مشاريعهم والمصاعب اللي واجهتهم
يعني كان العشم من اي صاحبه مشغل تدخل وتقول لأي مبتدئه عن الخطوات المهمه في بدايه مشروعها وتنبه عليهم اهم المشاكل مثل مشاكل البلديه وغيرها ولكن ماشفت في موضعها اي رد الا الله يوفقك ؟؟؟


فيه اشياء كثير تجهل الاخوات اللي راح يبدون مشروع تجاري ومع هذا مانحصل من يمدهم بيد النصح وبهذا راح يبدون ويأملون ان كل شي متسهل ومجرد ماتفتح محل تتوقع راح تجيها ارباح خياليه مثل المحل القريب منها .... وبعدها تنصدم بالمشاكل اللي راح تواجهها

والنتيجه ،،، فشل ،،، خساره ،،، تقفل المحل وتنهار احلام النجاح
16-02-1427 هـ, 03:28 صباحاً
 


الساعة الآن 10:25 .