خواتي الكريمات

حبيت افيدكم بالنسه للتعامل مع المصانع وكيف توصلين للي تبينه ..

لا تتصورون ان هال الشي سهل واني تعلمته في يوم وليله ولكن مجهود ايام وليالي

طويله بحثت فيها وتعبت وسويت مئات الاتصالات للمصانع وطلبت عينات وطلعت

وفشلت وخسرت كم من مره ..

الي اريد اقوله ان بعض الخوات يحرجوني يقولون اي مصنع اتعامل وياه طيب يا

خواتي انا عرضت لكم اكثر من مصنع وعلمتكم الكلمات وعطيتكم المواقع الباقي تدورون

.وتحاولون وبعدين اذا وصلتوا لطرق مسدود بسبب اللغه او عدم فهم الموقع فلا باس

من السؤال ..

اتعامل مع عدت مصانع تورد لي وطبعا المصنع ما يقبل كميات صغيره لازم كميات كبيرة

فاذا عطيتم اسماء المصانع الي يتعامل محلي معاها شو نهاية شغلي وتعبي ...

شو استفدت من فتحي لمحل وخسارتي وايجار ومعاش عمال وين ادفع كل هذا اذا

صارت بضاعتي معروفه مصادرها وتكلفتها؟؟؟

خلوكم عادلين وخبروني شو الحل؟؟
سبحان الله سبحان الله
أنا شخصيا اشوف انك سويتي اللي عليك وزياده
طبعا موضوعك للمصانع لفت انتبهاي من البدايه ولما دخلت وقريته ما تتصورين قد ايش أفدتيني اكثر مما كنت اتصور

ومجرد انك تعرضين لأخواتك فرصه ذهبية مثل هذي " اعتبرها فرصه ذهبية" هذا جميل مره كبير + شرحك لاستخدامه وامثلة

وفوق هذا كله تعرضين مساعدتك انه اذا صعب على اي وحده فينا اي شي خلال التواصل مع هالمصانع هذا بحد ذاته شايفته قمه في التعاون

انا شخصيا كنت حاطه السفر عائق امامي عشان اقدر اوصل لمصانع وخصوصا من الصين .. ولما شفت موضوعك ما تتصورين قد ايش سهل الطريق علي مع اني للحين ما تعاملت ولسا ابحث في الموقع

وهذا كله صار لانك اني أختي طموحة أبو ظبي حبيتيلنا احنا اخواتك بهالمنتدى اللي حبيتيه لنفسك وهذي من صفات المؤمن

اعذروني اذا طولت وعلى تفاعلي مع الموضوع .. بس هي تعبت ودورت ولقت الطريق واحنا جينا لقينا الطريق جاهز فمو من العدل اني اسالها انتي مع مين تتعاملين وايش تتعاملين فيك ولانها فعلا ما قصرت


أختي ..انا خجلانه اني ما شكرتك على موضوعك عن المصانع حتى ولو برد بسيط لكن انا فعلا استفدت وما اقول غير الله يجعلها في موازين حسناتك والله يرزقنا وياك الرزق الحلال
طموحة بو ظبي

ان تابعت معاك موضوع من الاول

واخذته من باب العلم بالشي او دراسه لنفسي على اساس ماتكون عندي حجه في حال حبيت اخوض هالمجال


ويعلم الله اني استفدت كثير


واشكرك من كل قلبي على اللي سويتيه


وبالنسبه لاسائله العضوات يعطيك العافيه على الرد لكن بحدود يعني انتي ادرى بمصلحتك

وانتي عارفه اسلوب بعض التاجرات هنا انهم يبيعون بضايع على بضاعه خواتهم في المنتدى يضلو يلحو عليها من وين جبتي البضاعه ولما تعلمهم يروحون يجيبون ويعرضونها في نفس المنتدى وهذا اكبر غلط عني انا مستعده ادفع اكثر من اللي عطتني هو التاجره الثانيه ولا ابرح انسانه خانت ضميرها قبل ما تخون اختها



بصراحه واصلي مساعدتك للبنات لكن فيه حد لازم البنات يوقفو عنده واي شي شخصي لك ماراح نزعل لو قلتي اسفه ما حرد عليكم

والله يفتحلك باب الرزق يارب


الحياه فوضى عندي
خلاص ستوب
أنتي يا طموحه قمه في التعامل والذوق أنسانه رائعه بمعني الكلمه وتستحقي كل كلام الشكر أنتي فتحتي عيوني علي أشياء كثيره ما كنت أعرفها عن البيع والشراء
واصلي عطائك لبنات المنتدي بس في حدود يعني لا تردي علي الي يسال عن أي شي يخص تجارتك وهذا حقج يا الغالية
وكل موضيعك روعه
سبحان الله وبحمدة سبحان الله العظيم

اللهم وسع علينا في الدنيا والاخرة
الاخت طموحه
جزاك الله خير على الموضوع الجميل جدااااااااا
ياريت تسالى لى عن موضوع الاكسسوارات ياريت الكاتالوج والاسعر والكميه اللى لازم نشتريها وكل كل ما يخص الاكسسوارات
وكمان الجلابيات الهندى الاسعار الموديلات طريقه التعامل
مشكوووووووووووره


الساعة الآن 08:18 .