بسم الله الرحمن الرحيم
هذا الموضوع وايد مضايقني وشاغل بالي
شو رايكم انه الوحده تجلس ع سفره وحده للاكل مع زوجها واخوانه وزوجات اخوانه وابوه وامه والعائله الكريمه كلهم ع سفره وحده ؟؟؟؟ :16:
انا لما تزوجت جفت اهل ريلي ياكلون مع بعض وانا اعرف ها الشي من قبل بس رفضت اني اقعد معاهم ع سفره (انا وزوجي ناكل لحالنا) وعلى فكره اهل زوجي يعتبرون من الناس المتدينين اللي كل سنه حج وعمره واولادهم بعد نفس الشي بس كيف متساهلين في ها الموضوع ( يقولون ما نبا نفترق عن اولادنا).
انا اقول لنفسي اصبري فانك على صواب ( بس مرات احس نفسي اني منبوذه ).
انا اللي اعرفه ان( الحمو النار ) يعني الوحده تقعد ويقعد جنبها اخو زوجها وتتكلم وتتمصخر معاه كانه امر عادي
اتمنى انكم تفيدوني وتريحوني وتقولولي آرائكم في ها الموضوع
هل انا على صواب ؟؟؟
روح جميرا @roh_gmyra
عضوة نشيطة
أخواتي العزيزات والمتزوجات ابي رايكم في موضوع مهم بالنسبه لي وشاغل بالي كثير
14
1K
يلزم عليك تسجيل الدخول أولًا لكتابة تعليق.
اختي الغالية...
بصراحة أنا ما أشوف الموضوع فيه شي...
وخصوصاً إنج اتكونين لابسه محتشم وساتر أكيد... مب متعطرة... وما تتكلمين وااايد وتهذرين
بالعكس لا تحاولين تخلين أي حد ينتقدج أبداً
اقعدي مكان مناسب... صوب الحريم... أو عدال بوالعيال
وكلي باحترام... واغرفي... واهتمي بريلج وخليج طبيعية... علشان ما يحسون إنج تريدين تبعدينهم عن ولدهم... أو تفرقين بينهم
بسألج سؤال...
وجاوبيني....
انت من إمارة ثانية غير دبي...
ما أدري... اسمج روح جميرا...
هل انت من دبي
لأن معظم أهل دبي شوي عندهم تفتح أكثر من باقي الإمارات...
تفتح مب يعني يسوون أشياء غلط لأ...
يعني عادي عندهم يقعدون مع بعض مدام إنتي ملتزمة بما يرضي الله و زوجك
حبوبتي,,,,
إذا كنت حابة تغيرين أي شي في أهل زوجك... وخصوصاً إذا كانوا متعودين عليه ومتربين عليه
غيريه شوي شوي... مب مره وحده
وأتمنى لج التوفيق والسعادة آمين
أحبكم في الله
بصراحة أنا ما أشوف الموضوع فيه شي...
وخصوصاً إنج اتكونين لابسه محتشم وساتر أكيد... مب متعطرة... وما تتكلمين وااايد وتهذرين
بالعكس لا تحاولين تخلين أي حد ينتقدج أبداً
اقعدي مكان مناسب... صوب الحريم... أو عدال بوالعيال
وكلي باحترام... واغرفي... واهتمي بريلج وخليج طبيعية... علشان ما يحسون إنج تريدين تبعدينهم عن ولدهم... أو تفرقين بينهم
بسألج سؤال...
وجاوبيني....
انت من إمارة ثانية غير دبي...
ما أدري... اسمج روح جميرا...
هل انت من دبي
لأن معظم أهل دبي شوي عندهم تفتح أكثر من باقي الإمارات...
تفتح مب يعني يسوون أشياء غلط لأ...
يعني عادي عندهم يقعدون مع بعض مدام إنتي ملتزمة بما يرضي الله و زوجك
حبوبتي,,,,
إذا كنت حابة تغيرين أي شي في أهل زوجك... وخصوصاً إذا كانوا متعودين عليه ومتربين عليه
غيريه شوي شوي... مب مره وحده
وأتمنى لج التوفيق والسعادة آمين
أحبكم في الله
على صواب ونص بعد الله يتمم عليك عقلك ودينك
ولارسول عليه الصلاة والسلام ما يوصي او يحذر من شي الا وهو اعلم بالنتيجة لاتغيرين موقفك ووضحي لهم انك ممتنعة خوفا من تحذير الهادي الامين
اقتنعو كان بها رفضوا لا تغيرين مبدأك
واعرف واحدة مثلك لكن شوي شوي انعزلوا كل سلايفها معها وكانت في الاول تاكل لحالها
ولارسول عليه الصلاة والسلام ما يوصي او يحذر من شي الا وهو اعلم بالنتيجة لاتغيرين موقفك ووضحي لهم انك ممتنعة خوفا من تحذير الهادي الامين
اقتنعو كان بها رفضوا لا تغيرين مبدأك
واعرف واحدة مثلك لكن شوي شوي انعزلوا كل سلايفها معها وكانت في الاول تاكل لحالها
الصفحة الأخيرة
100%
بس ليه ماتنصحيهم ترى لهم
حق عليك..