السلام عليكم ورحمة الله وبركاته ...





بنات بإختصار وبدون ما أطول عليكم ...




أنا شريت قدر كاتم (ضاغط) ... وجربته كم مره ... عرفت أضبط كل شي فيه الا البهارات مهما أحط يطلع الرز بدون طعم كأن ما فيه أي بهار ... ويتجمع البهار فوق ..



فأتمنى لو تساعدوني وتشرحون لي الطريقة ...




واللي تساعدني بكون شاكرة لها و لا أملك الا ان ادعي لها في ظهر الغيب ...
18-02-1427 هـ, 02:01 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
انت ايش تحطى من بهارات!!!!
شوفى اذا كان رز ضعى بهاراتك حبوب غير مطحونه مثل قرفه قرنفل هيل ليمون ناشف وشوى مطحون .. واهم شئ تخلى الماء قليل فى القدر عشان يحتفظ بطعم البهار اما اذا كان الماء كثير
سيفقد طعم البهارات اى سؤال انا فى خدمتك
18-02-1427 هـ, 02:23 مساءً
 
اذا انتي بتخلين اللحمه جوى الرز احمسي لها بصل وشوية بهارات بيطلع لزيز
18-02-1427 هـ, 03:03 مساءً
 
الأخت روعة ...




تسلمين أختي عالرد ... أنا أحط بهارات مطحونه ... وكمية الماي تكون نفس القدر العادي يعني أعلى من الرز بشوي ... هل هالشي صح ؟




أختي أم الحلوين ...



مشكوووره عالمرور والرد ...



بس صدقيني لو عندي وقت أحمس كنت طبخت بالقدر العادي لاني اعرف له ... بس مش دايما عندي وقت ...


واذا حطيت بهارات حبوب ممكن أعرف اشكثر .. لاني ما اعرف كيف استخدمها ... أعرف للبهارات المطحونه بس ....
18-02-1427 هـ, 03:15 مساءً
 
مرحبا أختي ....
الأفضل لأي طبخة رز أنك تحمسي البصل وماراح ياخذ من وقتك
والرز المضغوط بيكون أحمر طبعا
شوفي طريقتي ولا أحسن مطعم ..........
أكشن البصل شوي وبعدين أحط الدجاج وأقلب شوي
وبعدين أحط البهارا (( فلفل لأسود كمون بزار مشكل كركرم كلها محطوووونه )) +
(( ليمون أسود وعودين قرفة وكم حبة هيل.... طبعا مو مطحونة ... وفلفل أخضر حار إذا تبين )))
وبعدين أقلب وأحط عليه حبة طماطم مقطعة صغار وحبة ماجي وملعقتين صلصة
وأضيف الرز علية وأقلبة وبعدين أضيف الموية فوق مستوى الرز بــ 2 سم تقريبا
ولمن يطبخ أغطيه وأخليه ربع ساعة أو ثلث وأسكر علية النار ..........
والبهنا والعافية ........

(( ترا من الكلام تحسي أنه ياخذ وقت بس لمن تسويه ماتاخذ منك الطبخة أكثر من ساعة ))

وأتمنى أني أفدتك عزيزتي ...................
18-02-1427 هـ, 06:14 مساءً
 


الساعة الآن 08:45 .