اهلين اخواتي
ابي طلب اللي تعرف كيف تسوي زي قهوة الصبابت تقولي
وأكون لها شاكره
تعبت من كثر ما اسوي قهوه وتطلع تلوع الكبد
تكفون قولولي
شوفي اخذي ابريق وسط ثم حطي فيه ماء ثم فنجال قهوه حليب وادي فاطمه وفنجال قهوه ونصف قهوه مطحونه وملعقه ص زنجبيل وملعقه ص عويدي وشوي زعفران غطيها وخليهتغلي على نار هاديه لمدة ساعه الاربع ثم اخذي الدله ولا الزمزميه وحطي ملعقتين ص مليانه هيل ثم زيدي على ابريق القهوه كاس ماء واذا كان حار فأفضل وخليه يفور 2 دقيقه واسكبي القهوه في الدله او الزمزميه

ادعيلي بالتوفيق
ألف شكر اختي الجوهره
لكن وش الحكمه من وضع الزنجبيل اول مره اسمع فيها
شوفي حبيبتي ذا تبين تصير قهوتك مظبوط
فيه خلطه ممتازه للقهوه بعد ماتخلصين من تصليحها وتحطين عليها الهيل
تاخذين من الخلطه هذي نصف ملعقه وتحطينها في الدله او الترمس
الخلطه مكونه من:
كوب هيل
كوب زعفران
كوب سكر
وتطحن مع بعض
واذا حبيت تحطين مبيض قهوه يصلح
و*****لله تظبط قهوتك
ملاحظه :
تحطين من الخلطه هذي على نفس القهوه يعني لاتكتفين فيها وتتركين الهيل اللي تبهرين فيه القهوه لازم الاثنين مع بعض
شوفي ياعزيزتي انا قهوتي عادية جدا
بس الكل يمدحها...ويسال عنها...
اهم شي ان الهيل والقهوة يكونوا مطحونين وقت تصليحك للقهوة...
يعني مو تطحنينهم وتخلينهم في علب...ترى مرررررة تروح نكهتها
يعني انا ما حط فيها شي ابد...بس قهوة واكثر الكمية واخليها تطبخ على الاقل ساعة..
واضيف فنجان ونص هيل في الاخير اطفي عليها النار واخليها...
اول ما يجون الضيوف اسخنها الى ان تغلي واقدمها...
ممتاازة وسهلة
((استغفر الله الذي لا إله الا هو الحي القيوم وأتوب إليه))





الساعة الآن 05:02 .