والله اشوف العقار افضل 100 مرة من الاسهم وخاصة هالايام سوق الاسهم منهار
والله يدلك لطريق الخير
بتكلم عني انا كـ امرأه ,,
هل استطيع ان اتجر و استثمر بالعقار ....؟؟؟؟

طيب انا مبلغي بسيط ,, خلينا نقول بحدود المية الاف .. بالله وش بتنفع بالعقار
انتم قاعدين تتكلمون عن فلل و مخططات و عماير استثماريه ..
يعني حق هوامير ..


واذا انا فكرت استثمر بالعقار ,,
هل من الممكن اني اباشره من النت وانا قاعده ببيتي ووسط عيالي ...
بدون ما اكلم وسيط او رجل مره يكون فاضي و مره لا ..

وهل من الممكن ان اجد تجمع نسائي مثل اللي صاير بالاسهم لهم نفس اهتمامي

لاحظو ان الاسهم غير مرتبطه بمدينه معينه ,, بل الكل يستثمر و يضارب حتى من
خارج المملكه ,, بالنت ,, ووقت الاجازات ,, و بأي مكان ..
بينما العقار قد يكون في مناطق مربح و مناطق ثانيه راااااكد .. والمملكه ما شاء الله كبيره .. مو زي اي دوله ثانيه ..


الأكيد - من وجهة نظري - ان الوحده ما تدخل الا بالمجال اللي ممكن تفوت فيه و تتقنه .. هذا طبعاً يعتمد على حسب امكانياتها الماديه او النفسيه او حتى الصحيه ..

و حنا بمجتمعنا مازال الرجل له الصداره في 90% من المجالات التجاريه
والعقار على رأس القائمه ..

احس ان الاسهم للمرأه قد تكون افضل ,, و احفظ ,, و استر ..
رغم انه العقار او الاسهم ماهي الا مجرد اسباب للرزق ..
ولا رزق الواحد بيجيه .. بيجيه ..


والارزاق بيد الله سبحانه وتعالى ..
انا جربت المجالين
لي 10 سنوات في العقار
ولي سنتين في الاسهم
وش استفدت؟؟

طلعت من الاسهم بخساير الله لايعيدها لانها مغريه وماتوقفين عند حد واليوم تكسبين وبكرا تنهارين إلا اذا انتي تعرفين هوامير يدعمون السهم اللي بتشترين فيه

واما العقار فالحمدلله انا الخير اللي عندي من الله ثم من هالعقار
وطرحت موضوع في العروض التجاريه عن الاستثمار في العقار لو حابه تدخلين فيه انا حاضره اختي
وبالنسبه للأخت اللي زوجها طارت كل فلوسه في العقار


وزوجي ماراح الا للكبار
تلفتي حولك وشوفي ماطاح الا الكبار


خواتي انصحكم نصيحة مجربه انا عندي اخوان وزوج واخوان زوج
والله العظيم ان كلهم ادخلوا مساهمات وطلعوا ولاشي ولاريال
بنات اشتري عقار باسمك ومن دون شركاء او مساهمه واجلسي عليها
بس فلوسي وحلالي ماسلمه لاحد ياخذها وبكره يعلن افلاسه او يوقف وانا الي اقعد بها
الا اله الالله الملك الحق المبين) 100 مرة
كلهم ادخلوا مساهمات وطلعوا ولاشي ولاريال

يعني مساهمه في شركه عقار وليست اسهم
الا اله الالله الملك الحق المبين) 100 مرة


الساعة الآن 02:38 .